الاشاوس والشقراء

البارت 19

#الاشاوس_والشقراء - ... 19 ... - 

#Shahoda_ShoSho

مسائوو وردات

حبيباتي لطفاً سدو سيرة حيان ولا تسببولي مشاكل اني بغنى عنهه اني ما اكدر اكشفلكم الشخصيه لان هو ما يريد وهو من النجف تراا يعني لا بصره ولا شي هلي كمتن تطلعن رواديد وهو معروف على نطاق النجف اكثر شي ومو كل حياته رادود ترا بلسنين الراحت جان اكثر لكن حالياً قليل لهذا لطفاً لا تجون وتخجلوني وتطالبوني بصوته او بأسمه لان لو اعز صديقاتي و بمقام اختي ما انطي الهه حفاظاً لحياته وخصوصيته

تفاعلو عمري تعليقات ع الفقرات و ال ⭐⭐ مو تنسوهن البارت السابق قليل تفاعل عليه ☹️💔 عوضوني بهالبارت 🙂

#الأشاوس_والشقراء
#بـقـلـم /  أُم اسـد
#البارت التاسع عشر

إِذا المَرءُ لا يَرعاكَ إِلّا تَكَلُّفاً
فَدَعهُ وَلا تُكثِر عَلَيهِ التَأَسُّفا
فَفي الناسِ أَبدالٌ وَفي التَركِ راحَةٌ
وَفي القَلبِ صَبرٌ لِلحَبيبِ وَلَو جَفا
فَما كُلُّ مَن تَهواهُ يَهواكَ قَلبُهُ
وَلا كُلُّ مَن صافَيتَهُ لَكَ قَد صَفا
إِذا لَم يَكُن صَفوُ الوِدادِ طَبيعَةً
فَلا خَيرَ في وِدٍّ يَجيءُ تَكَلُّفا
وَلا خَيرَ في خِلٍّ يَخونُ خَليلَهُ
وَيَلقاهُ مِن بَعدِ المَوَدَّةِ بِالجَفا

نـاز
خلص الفلم وهو جان اكثرر شي بي طابع كوميدي و رومانس بليل بي بحيث ناكل ونضحك لحد الساعه 2 ونص يلا خلص
طفينه ولمينه الهوسه وتمددنه سوا ع الفراش شمم بسرعه نامت بس انه ظليت اتكلب شو مالو صوت وما بين خاف رجع صخن خاف تخربط كلبي وجعني رغم شكد اذاني وجرحني بكلامو بس مدري اريد اروح اتطمن عليه كمت شوي شوي طلعت من غرفة شمم صعدت لجناحنه بلطابق الثالث دخلت لاكتني الصاله تعديتهه ودحكت للغرفه مردوده وباينه ظلمه هندس ظليت حايره ادخل لو اتراجع وانزل خاف يطلع كاعد ويرزلني اوو خاف نايم ومصخن ومتدهوره حالتوو شسوي هساع انه !؟
تقدمت خطووه و رجعت خطووه بعدهه شلت الطاقه والافكار السلبيه من بالي و دخلت تقدمت اتسلل الغرفه ظلمه وبارررده تصك من السبلت  تكلطت عليه مجاي اكدر ادحكو ظلمه فتحت الضوا الاحمـر و رحت يمـوو
تخبلت انه ما مدحكه بحياتي هيج قدره عالك السبلت ع الاخير ونايم بدون غطى وولا كأنو الغرفه ثلج ممدد ومغمض وشعرو منسدل على كصتو تكلطت اكثرر وخرت شعرو وحطيت ادي على كصتو ماكو حراره الحمدلله سحبت ايدي وغطيته دا امشي من يمو بس تيبست وتنصمت من جاني صوتو
- انه كم مره كايلج لا تتسللين مثل الحراميه من تجين للغرفه
سكتت منصدمه احس كلبي وكف كبل ايدي كضبت بيهه كلبي وجمدت بمكاني كام عليه دحك وضحك
- شبيج شني شايفه جني كدامج
شهكت وكتلوو
- دتحمحم طلع صووت مو هيج ياا اخيي مو هيج دومك مخرعني حرام عليك والله

فزيت من سحبني عليه
- هذاا ياهوو اخوج
- هاي شبيك وخـر يعني ابتليت حدرت لهينه
طلعت مشيت وصلت لغرفة شمم وهو جرني همست بصوت ناصي
- الياااااس روح اريد انام
ما حسيت الا وشالني ردت احجي سد حلگي وهمس
- خل نتفاهم واهدج عوود
فتح الغرفه دخلني وقفلهه
تكلط عليه دفرته ومشيت ركض عليه جرني عليه وكال
- اليووم احرك اهلج نشوف لو انه لو انتيي
- استغفرالله الياااااس عوفنيي
- ايي صيحي بأسمي يبعدي
اضحك لو ابجي مادري سحبني كعدني كباله
- نازز مو بقصدي اجرحج انه بس حركتي اعصابي و ما احب المره الترادد
سكتت حظني بقوه اذاني حيل
- ظلوووعي راح يتكسررن يربيييي وخرررر اليااس
عظيتو بجتفو دفعني بقوه وكعت ع الفراش نام
- جلبه والله جلبه ايدج والعض نعلعلا اهلج
دا اكوم اشرد سحبني عليه رأسا طوقني ونام فوكي اختنكت دفن راسو بركبتو اخذ نفس منهه وعظني دفرته نوب قواهه عطت
- اااخخ شهالافتراااس
كبل سـد حلكي
- احرك اهلج هسه بالعباس ليش تخليني اسوي الاكثررر 
ظليت ارافس جوا اريد يوخر ماكو اخير شي وخر مني ومدد وسحبني طوقني بأديه وخله وجهي بوجهو ودحك لعيوني
عيناك أرضٌ لا تخونْ
عيناك إيمانٌ وشكٌ حائرٌ
عيناك نهر من جنونْ
عيناك أزمانٌ وعمرٌ
ليسَ مثل الناسِ
شيئاً من سرابْ
عيناك آلهةٌ وعشاقٌ
وصبرٌ واغتراب
عيناك بيتي
عندما ضاقت بنا الدنيا
وضاق بنا العذاب
ردت اوخر منعني بخزر سكتت ظل نفسو يضرب بوجهي وهو يدحك عليه و يرجع بشعري اللي صار على وجهي بعدهه ما حسيت الا باسني بين الشفه والخد طوول بيهه واخذ نفس وحظني لكلبه
- مو بقصدي هيج احجي وياج الظهر
بين الصدمه والشعور اللي اجتاحني نفسه بقربو بس احس بهالشعور بين الخيال والواقع بجيت شكد جنت اريد ابينلو القوه واخفي ضعفي لكن مجرد قربو مني يضعفني بجيت بقوه وانه مو فاهمه تصرفاتو وياي شتعني يحبني لو يكرهني يريدني لو ما يريدني ماطلعت من هالمتاهه اللي تايهه بيه بأسمو لهلساع ما طلعت منهه
ردت اوخر منو منعني من بين دموعي نفذت طاقة تحملي وكتلو
- بسسس بسسسس الياااس لخاطر الله كافي تعذب بيه تعبت وتأذيت دوم تحجي علي يعني انه شعلي شلي دخل اذا ابوي سوه هيج ليش تحملني ذنب لييش كلكم تحملوني ذنب انه ما مسويتوو هااااه
حته انت نفس الشي محملني ذنب ابوي اللي انه ما مسويتو هساع كلكم تكرهوني وتكرهون شكلي بس انه مالي دخل مو انه خلقت نفسي استغفرالله وردت هيج ربي وربك  رب العالمين هو الخلقني بهالهيئه