الاشاوس والشقراء

البارت 9

#الاشاوس_والشقراء - ... 9 ... - 

#Shahoda_ShoSho

مسائوو عمرري

اجيت وجبتلكم بارت مفاجئ 🌚❤️

تراا التنزيل بين يوم ويوم يحلووات بس اني شوو ماخذني الواهس وجاي انزللكم يوميه 😂
لا تنسون التصويت والتعليقات تفاعلو كثير ورداتي وشاركو القصه
_RMALI هذاا الفصل الفصلتيني بي البارحه خيه خوما تطلبيني بعد شي 😂😂😂💗

هالبارت اهداء لكل ورده جميله متفاعله اللي حسابات المتفاعلات راح انزله كله بلبارت الجاي بعد باجر 🥺💕

#الأشاوس_والشقراء
#بـقـلـم /  أُم اسـد
#البارت التاسع

ويلگاني هلا ويلگاني غايب
ماني من كد لهفتي لشوفك
شمع بسكوت ذايب ..
چان خيط الود گتر عندي
وگتر عندك حبيبي
ومن ردت گربك لگيت الخيط سايب
ليش ياتالي الحبايب ؟

نـاز
كعدت وتذكرت الخوف العشتو البارحه ييمه ربي لا يعيدو انشالله ينذكر ما ينعاد دحكت وكمت مفزوعه وينووو وين راح كمت افتريت حول السياره دحكت لبعيد ماكوو
وين راح شني انه ما مقسوملي شي بدنيتي كلهه التدحكني تعوفني وتروح عود تأملت ياخذني ويرجعني لهلي هساع راح وعافني شسوي انه هساع ليش يا دنيا تمشين عكس وياي دموعي على طرف عيني بس مسحتهه ماريدهه تنزل تعبت والله جثير نزلت دموعي تعبت انه من هالحزن عشريني نكلبت مأتم عليه
نتظرت شويه ماكوو كمت مشيت وحته جنطتي عفتهه اكيد اكو عالم ما معقول مهجوره لهل حد مشيت لنهاية الشارع وطلعلي الكلب الاسود نفسو مال بارحه فتحت عيوني وانبت حظي المصخم وين نايم مادري خاب دكعد وصير وياي لخاطر الله بسسس انه حظي هيج عاثر فدواتك ربي فدواتك خلصني من هالمصيبه وابعد عني هالحيوان هذا ماني ناقصه وجع اكثر والله
مثل البنيه الحبابه انه دحكتو ابتسمت بوجهو بخوف ليكول هو بشر وراح يتفاهم وياي صديت ومشيت ما احس الا طفر على رجلي عضني وانه عطت
الالم ذبحني ولا انجب واكعد بمكاني والله الا اكوم واتحرك خرب بيومج ناززز  بجيت وهو جلب برجلي لحد ما مدري منو شمـر عليه حجاره وطفر
اجاني وحته الخوف والوجع نسيتو من دحكتو يخوزر وصاير نار وشرار بحيث اذا كضبني هالساع يسويني وصل وصل وكف كدامي وكال
- تدحكين هذا
رفعت راسي يأشر ع المسدس تخورست
- هذا هساع اذا افرغو براسج ما يشفه غليلي وريتي كلبي ور يبت الناس ما تستجنين وتكعدين بمكانج
سكتت اجه عليه كضب رجلي
- هساع انه وين اوديج اذا اتسمم دمج طبج مرض تموتين للجحيم ادفنج بكاعج

دحكت على رجلي ماكو دم ولا شي بس شوي اثر شخوط مال سنونو للحيوان دحكت عليهه
- مابيهه شي انه اعرفهه
- ما توجعج ؟؟
- عادي شوي يوجع
- كوومي يلاا
كمت مشيت ورا صعدت بلسياره وهو هم صعد مشينه كال
- هذن الجنط مالتج لكيتهن وجبتهن
اهاااا اثاري هو ما عافني راح يجيب الجنط مالتي
سكتت حته شكرا ما شكرته فشلت مشه بطريق بعدهه وكف فجأه ضرب بريك حته انه فزيت والطمت بلجامه من كد ما جان يمشي بسرعه ورأساً وكف ظل يفرك براسو
- شبيك باشا
- نظري ديختل
- ليش
- دحكي هين اكو طفل لو انه عيوني جاي تسورب
دحكت على المكان اللي يأشـر عليه وشهكت طفل ممدد ورجلي كلهه دم خفت من منظرو
- اييي ايي هذا طفل والله بلكاع ممدد
هو سمع هيج فتح الباب وطفر لجوه انه هم نزلت ويا شال الطفل بين ايده من بين الحجر الصاير فوك رجلو حط ايدو على ركبتو بمكان النبض كال
- مابي شي ناز احدري لهينه ظلي يمـو
عافني ودخل للبيت المهدم اللي صاير بداخلو الطفل هو مهدم وسياجو واكع ممدد رحت يم الطفل وانه مقهوره على حالتو شلتو بين ادي وانه ادور ماي مـاي
رحت للسياره فتحتهه شلته وهو بحظني عايفهه مشتغله ف بيهه ساعه حطيت ادي على مكان نبصو احسبه وادحك ع الدقيقه مرت وانه احسبو اخذت نفس طبيعي الحمدلله مابي شي دورت بيهه لكيت بطل ماي بي شوي اخذتو ورجعت كعدت بلشارع وحطيتو بحظني حطيت بأدي و رشيتو علي بده شوي شوي يستشعر سوده عليه صغير بعدو يطلع بعمـر مصطفى ابن محمد تقريب ثلاث سنوات
كعد بس ظل يبجي انه ادحك على رجلو الدم تارسهه اريد شي اعقم جروحو بيهه ماگـو شوي وطلع الباشا كعد كدامي وعينو ع الطفل شوي واتصل
- صفاء هساع انه بـ**** تعال و وياك قوه زلام اثنين جوه الانقاض واحد عمرو جبير واحد مبين بعدو شاب و ومره وحده وياهم تطلعوهم بس بايينين مالهم نفس ومسلميهه الروح الله يرحمهم …… اييي يمكن من القصف مال البارحه ...... هساع طفل انه لكيتو برا وهم متأذي بس عايش وبي نفس خل سعد يحققلي ويجيبلي معلومات كامله عنهم شنيي ومنوو هم ....
دحك عليه ورد كمل ويا
- وجيب وياك اسعافات اوليه من الجنود اللي بسريتي موجود يمهم ومعقمات وهنه المهمم كلشي يمك جيبو
كعد بلكاع ومد رجلو ورجه راسـو ع السياره كال
- كومي كعدي ورا السياره ربعي راح يجون