الاشاوس والشقراء

البارت 11

#الاشاوس_والشقراء - ... 11 ... -

مسائووو عمرري
شلونكم مشتاقوون
من هنا راح تبدي مسيرة ناز و اليااس الجديده يبعد حيلي على كولت الباشا 🙂😂

لا تنسون التفاعل التعليقات ع الفقرات  وال ⭐⭐⭐ عمري انتوو

#الأشاوس_والشقراء
#بـقـلـم / أُم اسـد
#البارت الحادي عشر

هجرتُ بعض أحبتي طوعاً لأنني
رايت قلوبهم تهوى فِراقــي
نعم أشتاقُ ، ولكن
وضعت كرامتي فوق أشتياقي
أرغبُ في وصلهم دوماً ولكن !
طريق الذل لا تهواهُ سـاقي

نـاز
اذن صلينه وطلعنه وانه اصلا ما ادري بي وين ماخذنه لياا منطقه ليااا محافظه الله اعلم
نص الطريق وكف اخذنه اكل ورجع نطا الي كال
- اكلي انتِ و ايهم ترا بعد طريق طويل كدامنه
- صارلك سنه مرايح لغاد دير بالك خاف تتيه وتاخذنه لغير ناس
- حافظ الطريق لتخافين
مـر الوكت ساعات لحد مـا وكف يم اسواق وكال نزلي نزل هو وانه نزلت ورا كال
- الاشياء الرادتهن شمه نساتل وهذن كلهن الطلبتهن طلعيهن
دحكت ع الاشياء العندو كلشي طلبتو طلعته نطيتهن اله
- خويه من كل نوع من هذن خليلي تجهيز كامل اذا موجود
- اي موجود تدلل
اشرلي ارجع للسياره رجعت وهو ظل مدري شأخذ ورجع ديمشي هو وانه ادحك ع الطريق وكل شويه جايلو اتصال من اهلو ساعه من ربعو لفت انتباهي لوحه مكتوب عليهه محافظة البصره
هااااه نصدمت هساع احنه بلبصره صديت عليه مصدومه
- شنيييي وين اهلك ساكنين بلبصره صدكككك انت متأكد جنت بلانبار لو انه غلطانه
- ايي يابه والله انه من الانبار وساكن بيهه انه واهلي بس كبل الهجوم انه وديتهم للبصره ماكدر أأمن عليهم غير يم اهلهم وناسهم وحته اظمن حياتهم
- مجاي افتهم شي انه والله مجاي افتهمك ابدد
سكتت عنه وانه كلشي مفاهمه مثل الاطرش بلزفه يعني شنيي هو اصلو من هين لو كبل الاحداث جاب اهله لهين لغرض حمايتهم ؟؟؟؟
سكتت وهو يمشي وانه ادحك على شوارعهه وابتسم شحلاتهه شكد اتمنينه انه وبسمه نجي لهين بس هساع انه اجيت وهي لا مادري وينهه وشحالهه شتقتلهه هي وبتهه فطومه وابنهه شتاقيت لكل اهلي لاحمد ومحمد خواني شتاقيت لامي اخ يا يمه شصار بحالي بعدج
مسحت دموعي النزلت لكيت ايهم صافن عليه كال
- اكوو اوا
ضحكت وبسته
- لا حبيبي ماكوو
- يعني انتم مستقرين هين لو ترجعون للانبار
- الله كريم اشوف منا لشهر شهرين اذا تحررت بلكامل عود نرجع

- انت ليش تحجي غربي وجنوبي
- بس بلانبار احجي غربي من اطلع منهه حجيي جنوبي … اكوو اسئله بعد فاتحه تحقيق وياي انتي بويه ؟
سكتت ما حجيت بعد اجا اتصال
- ها حبيبي .... اي دخلت البصره مسافة الطريق و اوصل .... ماشي تدلل شمه بويه .... ماكو خبر عن حور
اختنكت نبرته وكال
- اهاا ماشي الله كريم
شوي ونها بعدهه صف يم محل تجهيزات كيك اعياد ميلاد وهالسوالف جاب كيكه واجاا بعدهه مشينه دخل بمنطقه  ابتسمت يالله شحلاتهه كلهه زرع خضار واشجار ونخل وكف السياره وكال
- يلا ننزل
نزلت وانه شايله ادم وهو يريد ينزل يمشي لحد ما قنعتو بس وين منزلنه ماكو بيوت هين مشينه بهالبتسان والطبيعه بي ترد الروح لحد اخير شي وصلنه لبيت صاير بنص هالبستان اقل شي بوصفو واكدر اكولو عنو هو حلوو جثيررر بنائو تصميمو شكلو من الخارج وحجمو جثيرر حلـو
انه جنت متخيله البيوت اللي بلبساتين كلها تصير من طين وهيج شي بس هذا لا بنائو حديث وحيل حلوو ونفه مطل على جو البستان وبصفو ماي شي مثل النهر ومتوسد هالبيت بلنص داير مدايرو زرع وخضار وبصفو ماي
دخلنه من الباب الخارجي للبيت بعدهه كال بصوت عالي
- يااااا اهل الداررر انه اجييييت
فجأه طلعت عليه بنيه ركض طفرت عليه حظنتو وهو حظنهه ويشم بيهه وهي تبجي بحظنو وتشهك 
نقهرت الله يساعدهم لا يوم ولا يومين صارلهم سنه متفاركين
بعدين دفعتو
- رووح وخر مني سنه يا ظالم النفس حارمنه منك وبالسنه حسنه يلا تدك واحنه ناصبين مناحه عليك
- ليش وصلكم خبر موتي حته تنصبون مناحه
خزرته هي وانه ضحكت
- عيونجج لجج مو اجيج والله اطيح حظج
- اكلك شني انت طولان اريد اصعد ابوسك ماكدر
- لا حبيبي انتي كصرانه
دنك عليهه باسهه وهي هم بعدهه طلعت مـره جبيره هو دحكهه گبل عاف البت وراحلهه دنك على ايدهه باسهه وحضنهه
- اخخ الله يمه مشتاكلج كثيررر بالعباس
هي من سمعت صوتو بجت وكأنما هساع يلا صدكت وجودو كالتلو
- يمه هساع انه صدك صدك دحكت كدامي وليدي اليااس رجع ودحكتو عيني
- يمه والله هياني يمج چـا ياهو الحاظنج ابويه لو فكدتي حظني نسيتي وتعودتيييي على ابوي
- لا لا يمه انه ما نسه حظنك لو تمـر سنين جثيره عجل غير انت وليدي اكو ام تنسه وليدهه
باس راسهه وضمهه جوه ذراعه وانه واكفه مثل الصنم ما تحركت خايفه من ردت فعلهم شويه وجتني هالابنيه ابتسمت بوجهي