الاشاوس والشقراء

البارت 8

مسائوو عمرري
شلونكم
جمعه مباركه ورداتي ❤️
اليوم المفروض استراحتي يولوو ☹️بس يلا يهون لعيونكم الحلوه
لا تنسون التفاعل التعليقات وال ⭐⭐⭐
حبيتو فقرة التغشوشات تردون انزلهه الكم دوم 😂❤️

اليوووم الباشا ملك الساحه كلكم جنتو تسئلون شوكت يظهر منا وجاي اشبعو منه 😂😂😂

#الأشاوس_والشقراء
#بـقـلـم /  أُم اسـد
#البارت الثامن

ظننت اني استسلمت لواقعي
واعتدت العيش بدون ام
ولكن قسماً بالله اكاد ان اجن
من فرط حاجتي اليك يا امي
فَـ ليرحمك الله ويجعل مئواكِ الجنه ."

نـاز
ظليت احجي وياهه دموعي تنزل بحركة كلب تالي سحبوني منهه وانه ارافس اريد احظنهه بعد اريد اشبع منهه بس ما خلوني خذوهه وطلعو
مـرت ايام الفاتحه وانه وبسمه كاعدات جسد بلا روح بس بجي ودموع فضت الفاتحه ومرت ايام انه مو ناز القديمه تبدلت تكئبت روحي راحت جزء بداخلي مات المرحه الاضحك الاصنف واتشاقه ويه بسمه كلهن هذن نستهن وحته الضحكه نسيتهه من اهد موت امي وشعور الفرح نسيتو من زمان بس جانت فرحتي بأمي وهم نطفت وراحت مـرت شهرين على وفاتهه وانه حـال الظيم حالي محمد ما رجع لساعو ومحد كلو بوفاة امي يخابر عليهه يريد يحجي وياهه يتحججون بحجج وما يكلولو عليهه
ابوي شد وياي فرد شده حته ضرب كام يضربني ويأذيني ومحد يدافعلي كلو من تحت تحريض ختام عليه يمو اشكال التهايم والحجي الباطل تحجي عليه وتألف قصص يمـو وهو شلون يحبني يدورهه دواره وياخذهه حجه حته بس يضربني ويأذيني ولا مره رف گلبو عليه وگـال خطيه
بهالشهرين اختي بسمه وبيت عمي طلعو بغير محافظه انتقل شغلهم لهناك
واحنه باعو هالبيت واشترو بيت بغير منطقه حته اسمهه ما عرفو بدو ينقلون الغراض والاثاث نقلو كلـو
ليان ببيت اهلها وختام يمنه
كعدت الصبح فرغ البيت ظلينه بس احنه وملابسنه بي غسلت وكعدت ذكرت امي شلون جنت يوميه اكعد الصبح واروح اصبح عليهه واحظنهه وشلون بايام الجامعه تفكلي اديهه واحظنهه تبوسني براسي وتدعيلي اووف يا يمه اووف المن عفتيني ذاليني ذل لا اخو اليدافعلي ويحبني بعدج ولا ابو اليحتويني بالعكس مأذيني حته اختي مشت وما سئلت عليه بعد
طلعت من الغرفه وسمعت ختام تگلـو لأبوي
- عمو ترا ميصير هيج ورب العزه تراها ناز اربعه وعشرين ساعه خامده بغرفتهه شعدهه دحكوهه شتسوي بلغرفه وحدهه الله اعلم ويامن تحجي الكولهه حل ما تكوم تعيني ترا انه تعبت منهه والله وانتو ما تردوهه زوجوهه وخلصونه منهه مو كافي السوتو بينه
ما سمعت بعد رجعت لغرفتي مهضومه ابوي يخلي مرت ابنو هيج تحجي عليه وما يردهه اخ يالزمن وين توصل بيه بعد لو ما انه الشغل كلو عليه وعلى ليان وهي ما تكوم وما تلمس كشايه وماعليهه بشي اكمل واكعد بغرفتي لوحدي اصفن ويامن احجي وانه حته تلفون ماعندي شهالظلم وشهالتهايم الباطله ربي

ظليت كاعده وره تقريب ساعتين ودخلت عليه مبدله وكاشخه
- بدلي وروحي ويه عمي للبيت الجديد انه اخوي راح ياخذني جهزتلج ريوك عود لان عمي متريك
دحكت ع الساعه 11 الصبح كمت بدلت لبست فستان اسود ساده طويل وبي نقشات ورد عاديه بس هم بلون الاسود لميت شعري بأهمال  دحكت ع السوار بأيدي اللي صارلو سنتين ونص ما ذبيتو وهو بيدي احبو واحس بأمان وشعور حلو من اكضبو
حطيت الشال على راسي وطلعت دخلت للمطبخ فارغ بس حاطتلي كلاص عصير وقطعة كيك اكلتهن وجريت الجنطه مالتي وطلعت لكيت ابوي بلباب دحكلي بخزر وسحب الجنطه مني بنتر صعدهه وانه هم صعدت وهو مشه كتلو
- يابه ليش ما نرجع لديرتنه هي تحررت هساع بعد شكو
- بعتو البيت وهساع رايح انه اخذ فلوسو من الزلمه
نصدمت - وين رايحين هساع يابه
- للانبار
- وانه ليش ماخذني وياك اذا راح تجيب حك بيع البيت
خفت منو ما جاوبني
- يابه
زمخ بيه بعصبيه
- ولبببه بسس ما اخلص منج ومن جهرتج انه امج وراحت هساع محد يوكف بعيني بعد
ردت اجاوب بس سكتني وهو يحجي بلموبايل
- انه العلي بلغتك ………
ما سمعت بعد شديحجي وجع قوي كضبني براسي دوخه قويه وغواشه صارت بعيوني رجيت راسي ع الجامه ونمت بعد ما حسيت بشي
كعدت راسي مسطور ويأذيني تحسست ممدده وين انه فتحت عيوني غواشه مجاي اكدر اميز وادحك شي ضليت اغمض وافتح لحد ما وضحت الرؤيه
دحكت ع المكان الانه بي شني هاي مكان مهدم وبي ادوات بناء طابوك ، رمل ……الخ
انه وين كمت نفضت ملابسي بس راسي مسطور امشي دحكت جنطة الملابس يمي مركونه انه وين ابوي وين اخر شي جنت ويا بلسياره عجل شجابني هين ؟؟؟؟
جريت الجنطه وطلعت اريد ضوا صار كبالي الشارع امشي واتجه راسي دنيا بيهه ضوا قليل عبالك هستوهه دتغورب دتروح الشمس ويحل الضلام الخوف والرعب احتل كلبي انه وين اريد اهلي وينهم
دحكت ع الساعه الابستهه بيش هساع نصدمت من شفتهه ب 6 ونص نزلت دموعي برعب وين انه عافوني وراحو هين شفتهم شندل حته بيا محافظه وبيا منطقه مادري انه
نزلت دموعي برعب من الانه بي تخورست جريت جنطتي وطلعت مشيت الدنيا بدت تظلم شارع فارغ او مهجور تقريباً بس انه بي
الخوف والرجيف احتل كلبي امشي دموعي تنزل ورعشه بكلبي وبجسمي وين اروح انه وين هساع مشيت بهالشارع وادعي ربي واستنجده ينقذني من هالمتاهه
رمل وتراب كلو جوه رجلي ابوي وين راح معقوله هو ذبني هو عافني هين هو راد يخلص مني وشمرني هين
شوي وبده عواء الكلب يقرب مني تخبلت وظليت اتلفت كلشي ولا يهجم عليه كلب بهالليل ويمرعدني كام يقرب الصوت بجيت وسرعت خطواتي ماكوو احد يطلعلي ماكوو احد ينقذني من هالعذاب