الاشاوس والشقراء

البارت 31

البارت الحادي  الثلاثون

تره تعافيت منهن لا يضل بالك
مو آنه اليچلب بعد بذيالك
ولا آنه البعد يسهر يتاني تعود
خلني الوحدي اعيش و وحدك احلالك
ماشمك بعد لو شيلة امي تصير
ولا افطر بعد لو بيّن هلالك
انه بخير واضحك واختلط بالناس
مو ذاك القديم الوحده ينعالك !

فـارس :

سكتت صحت لمرت عمي اجت

- هاا يمه خيركم كبل شوي انتم حبايب

- عمه والخلقني وخلقكم والعباس ابو فاضل ان منسه كمشت شي وشالت شي لو مدت اديهه على شغل بعد اكلب الدنيا وتصير السالفه مو خوش بلغي الكل وبلغي مرت ابوهااا خوووش

صديت عليهه

- وانتي الكشايه اذا تعاينيلهه بلكاع ما تشيليهه كل العليج بدراستج لو تطلع جدتج من كبرهه وتكلج شيلي هالشي متشيلي خووووش عليج بنفس بسسس والحاظر يبلغ الغايب نسوان قيامه بلبيت لو الا منسه تشتغل بت وملتهيه بدارستها وانت يالزلمه مو كدرك على اختك وبطولاتك عليهه مو زلمه اليطلع مراجله على مره لا حول ولا قوه

عاينتلهه دموعهه نزلت

- بسس خويه لويش تبجين اكعدي ادرسي وما عليج بأحد مستقبلج احسن شي محد يفيدج بس شهادتج هي سلاحج فضت وكلمن سج بدربه

عاينتلهه.
- منسه لا تديريلهم بال ولا تهتمين لاخوج اللي نجلب وره زواجه و لمرت ابوج طز بيهم

- والله كلشي ما مسويتلهه و دوم اشيل شغلهه بس اليوم جي عندي امتحان وجيت من وكت وراجعت المحاظره وتأخرت كبو عليه

- معليج بيهم رحتي للمدرس وي صديقاتج اليوم

- لا والله تعذرت منهن وهال دا اقرا هنا

_- ليش بويه چا المن المدرس انه اريد اخيتي طبيه تطلع شلون صادق هالكدامج

- چا الطبيه هيج مرتاح متونس ولا اعاين لصادق يقره

هو سمع طاريه طفرر

- سكتيي لج .... خويه معليك بيهه ماكل الملازم اكل ترا

- ماكلهن شاربهن ماعليه اني والخلقك صادق ان درجات قليله لو تطلع بفد درس تعيد سنه بالعباس السياره والمصرف فلوس طلعات كلهن ينمنعن ما يبقالك بس المصرف الدراسي خوش يبعدي بس هالسنه عديهه على خير حته يصير براسك خير

- شيبته لراسي ابوي لو عايش ما يسوي بيه هيج ويكون حريص هشكل

- جاا انه شنيي

- انت الغالي العالي تاج راسي بالعباس حافظ ومسيطر ترا لا عبالك بلعطله كاعد لا والله اقرا محاظرات وادرس كلشي جا هو الطب هين لو شله واعبر

صد ل منسه و يخزر بيهه

- شبيك وياها

- ترا هاي مو اخت عدوو دومهه تركض وراي تراقب بيه ميصير هيج