الاشاوس والشقراء

البارت 32

#الأشاوس_والشقراء
#بـقـلـم /  أُم اسـد
#البارت الثاني والثلاثون

صَعبه مِن تلِوم گلبك
كٌلشيّ منّك ..
وأنتَ تُدري الـ كًلشيّ منهُم
صّعبه مِن تِصير وياهُم عِليك
وتگعد تچذّب الـ ظِنون ، تَبررلهُم
وفشّله مِن تفيّض عيَنك يَم صِورهُم
وأنتَ تِدري الوادم الـ مُستعّز بيهُم
ما يحِبوك وتحبهُم .

نـاز

- لا احمد اهو و محمد هذولي مو اخوانج ناز هذول ولد خاالتج انتي بت شهلاء يبعد حيلي

وخرت منو مصدومه
- شني بت شهلاء لا الياس شهلاء خالتي

كعدت بلكاع كعد يمي وتكلط عليه
- ناز حبيبي افتهمي انتي بت شهلاء بالعباس استوعبي ولاحظي امج تكلج اجيتي وره موتهه وابوج يكرهج لان جيتي تشبيهينهه شلوون هي ماتت 1996 وانتي اجيتي 1994 عمرج سنتين البت الجابتهه ونطتهه لاختهه عمرهه سنتين بارتهه وكلتلهه البت بامانتج وخطيتهه بركبتج انتي التربيهه تتصورين انسان ينكاله هالكلام بعد يتخله عن شخص وعن الامانه التأمنت اله لاا ابدد وتنطيهه وياخذهه منهه ياهو الجان

والاكثر من هذا انتي بت اختهه شلون ما تربيج تظلين من ريحة اختهه تشوفهه بيج  الشبه البينج وبينهه انتي مو تكولين انه نسخه منهه ما معقوله هي خالتج وهالكثر شبه بينج بينهه الا قريبه عليج كثير وهي امج لاحظي كره اللي تسمي ابوج الج اكو اب يكره بنته ماكو جذب لا تعقليهه لو ميت ما تشبهين الغدرته ونزلت راسه اذا انتي بنته مشاعره وحنيته يسامحج ويحظنج لكلبه بس انتي مو بنته هلي هيج يكرهج ويأذيج جان

ما لاحظتي ليش احمد ومحمد جانو ما يكعدون يمج ما يتشاقون وياج مثل ما يسون ويه اخيتج هااا ليش ما يلمسوج ومن تتقربين ينفروج ما ركزتي يبعدي ما فكرتي يستحرمون منج يستحرمون يلمسوج لان انتي مو اختهم وياخذون راحتهم وياج صح ما مقصرين وياج ويجيبولج الشي كبل ما تطلبي يحبوج ك اخت و عزيزه الهم بس ما يكدرون يلمسوج لو يحظنوج لان حرام وانتي تحلين عليهم

اسمعه واستوعب كلشي كالو صح صح دموعي نزلت ويه كلامه العشت وياهم دهر طلعو مو اهلي يا ربي شهالاختبار الصعب اللي كضيت عمري اصيحلهه يمه واحبهه جثير اغلا من روحي تطلع مو امي تطلع خالتي

اللي احسبو ابوي ويتكطع كلبي من كرهو الي ومن بغضو وتصرفاتو تجاهي وانقهر من ادحكو يعامل بسمه تعامل حلو و انه لا يطلع مو ابوي

بسمه اللي طول عمرهه عاشت وياي احبهه وتحبني تطلع مو اختي انه مو خالة ولدهه
محمد واحمد اللي طول عمري احبهم وخالتهم بين عيوني بكل مكان و زمان وبكل شي اسوي وبكل خطوه اخطيهه احسب حسابهم واتمنه حنيه منهم وكلمه حلوه لعبه شقى ولو قليل يطلعون مو اخواني

سحبني لحظنه وانه دموعي تنزل مطر على خدودي باس راسي
- بس بلا بجي طزز كلهم للجحيم الى جهنم وبئس المصير المهم انتي تكونين بخير لا تحركين بنفسج وتأذيهه