الاشاوس والشقراء

البارت 51

#الأشاوس_والشقراء
#بقـلمـي / أُم اسـد
#البارت الحادي و الخمسون

أشَوفنك شمّس
تحُرگ كُل كاغد بسَدك
وأشُوفنك نِجم تضويّ للمّا يودك
گُمر متشابگ ويا الغيّم
متانيّ ألچلمّة من عِندك
بيمّن أحَلفك؟
بـ دمِعتيّ
بـ الجَرح
بـ غمّچ الآه
بـ فگدك؟
يـ أسمّر وينه وعِدك؟

آن
كمت بدلت و طلعتله ملابسه بدل وصد عليه باس راسي وكال
- هيلايه لا تضوجين صدكيني ما ابدلج بمليون مره
ابتسمت ولزمت ايده
- اعرف و واثقه بيك وانت كد الثقه وما يوم خذلتني
مسح على شعري وابتسم
- نامي ارتاحي مريتي ورانه ركضه الصبح بلعقد
راح وانه كعدت افكر للجاي يصير شنو قصدها الا فارس يروحلها وبهل ليل هذا وين تريد توصل
كمت غسلت وطلعت طفيت التبريد على برودة الجو خليت الغرفه وتمددت ونار الغيره بكلبي شاعله ظليت افكر لحد ما نمت
حسيت بشي يجكني بركبتي وانفاس حاره تلفح بيه فتحت عيوني بنعاس باوعت فارس ضحك بوجهي
- خايبه فدوه رحت انه لهل صباح الحلوو
ابتسمت و خليت ايدي على وجهه مسحت على لحيته وكتله
- صباحي انت
بسته بخده وحظنته دفن راسه بركبتي ضحك وهمسلي
- ناخذ فد گيم گبل المحكمه شتكولين
اني سمعت هيج كبل طفرت من يمه ضحك بصوت وكال
- هينه ي هيله هينه تحظنيني وتحركين جد اعزازي وتاليها تشردين
ضحكت واخذت ملابس ودخلت للحمام بدلت و طلعت القى نظره عليها وابتسم لبست الحجاب وعدلت نفسي طلعنه وهو الطريق كله كضا اتصالات
لحد ما وصلنه للمحكمه ظل يمشي بلاجراءات ومن الصبح لحد الظهر متت تعب يلا كمل كلشي دخلنه للقاضي وكملنه العقد طلعت هلكانه تعب باوع عليه وضحك
- امشينه للمطعم ناكل
هزيت براسي بمعنى اي وطلعنه بنص الطريق وكف يم مطعم اكلنه ورجعنه للبيت غسلت ونمت من التعب وهو مذالك لحد العصر صحيت على رنة الفون فتحت عيوني فارس يحجي
- كل الهلا عضيد .... هاااي شبيك هيدي هيدي ... ماشي بمناسبة شنيي .... ماشي بويه سكتنه سكتنه .... جايك ان شاء الله
سده ومشه مسافة الطريق وكفنه كبال بيت عمو ابتسمت وكتله
- تدري اني كلش احب حماتي واعرفها قبلك

ضحك بصوت وكال
- اروح فدوه انه للي تحب اخيتي
نزلنه ركن السياره ودخلنه تلكانه الباشاا تسالم ويه فارس وباوعلي
-كل الهلا بويه
- مشكور وبيك اكثر
دخلت تلكتني ناز حظنتني وباستني ضحكت وكالت
- هلا بمرت اخويه
ضحكت
- هلا بحماتي
اجه فارس ديسلم عليها كبل سحبها منه الباشا وكله
- من بعيد لكك
- شنيي من بعيد چا غير اخيتي خل احظنهه
- تسكت لا اسويك احظنهه هسه بسك امس تحملتك كثير احترم شويه
ضحك بصوت
- ويلاااه وشسويت انه امس
- مثل ما انه ما احظنهه كدامك احترمك واكول اخوها انت هم انه زلمتها وما ارضه تحضنهه واطكها طك بوجهك
- صدك تحجي بويه چا خوش من تجي لبيتي ببيت اخوها انه احظنها
ضحكت صد عليها خزرها خلت ايدها على حلكها نوب كالت
- خلصص خلصص ما احظن احد بيكم لا انت ولا انت احظن صادق وينه جيبوو لو ملتهي بحبيبته
رفع حاجبه وكاللها
- ولا حته صادق
نوب سكت وكال
- تعالي تعالي اي حبيبه هذي اللي ملتهي وياها صادق
- مادري انه آن مره كالتلي يحب وحده
- ايي غير ويا بلجامعه
صد على فارس بغضب وبخزر كاله
- الدكتوره لارين موو
- هاا باشا خيرك دريت انه اهي طلعت كرابتك بس تراه الحب مو حرام وهو نيته وياها صافيه وبس خل تكضي هالاشهر يتخرج و يخطبها
زفر بغضب
- صادق علاقته ب لارين خل يكطعها تراها ما تصير اله لو تتثالث الدنيا فارس
- شنييي ماتصيرر اله جاي اكلك اخووي يحبهاا
- الحب مووو كلشي انه كم مره كتله من بدايته يستفسر عنهااا كم مره لغيت وحجيت بس اخوك راسه يابس حبها عمياووي اول شي هي اكبر منه ثاني شي لارين محجوزه لاخو رجل اختها لابن خالها ابوي گال وانه الزلمه صويحبي للنخاع واعرفه صاحب نخوه ومعدل و كل عكلك يتنازل عنهااا محجوزه اله من الصغر من جانت لحم ورايدها تريدهم ينطوها لصادق بعده هستوه متخرج وهم اصغر منها صح العمر مو مقياس بس فوارق كثيره ببينهم وما متراهمين سوه ابدد وهو ابنهم وهما خوالها واكيد ما يفرطون بيها للغريب الما يرهملها