الاشاوس والشقراء

البارت 7

مسائوو عمرري
التفاعل ناررر بعد اختكم نارر اريده يصير 😂🔥
صوتو وعلقو ومنشنو بلقصه لصديقاتكم بعد حيلي

البارت الجاي بي حدث صااادم اني شخصيا كلش نصدمت منه صادم ومـؤذي
يمكن البنات اللي تابعني ع الانستا ذاك اليوم نشرت مشهد منه 💔☹️

#الأشاوس_والشقراء
#بـقـلـم /  أُم اسـد
#البارت السابع

‏وأنا الذي باتَ الليالي ساهرًا
‏يرعى النجومَ لعلهُ يلقاكِ
‏أتُحَرّمينَ عليه مِنيَة قلبهِ
‏وتحللينَ لغيرهِ رؤياكِ ؟
‏مادامَ قلبي والفؤاد ومُهجتي
‏أسرى لديكِ فأكرمي أسراكِ .

نـاز
تحجي امي وانه دموعي تنزل على حالي و ع العاشته وتعذبته بحياتهه
- تحملت نتيجة غلطة اختي انه الاكلتهه وضكت مرارهه ساكته وصابره جنت وكل اليصير الي احمد الله واشكرو على كل حال لحد ما مرت تقريب خمس سنين بيوم ندكت بابنه فتحتهه ولن ادحك شهلاء بطرك نفسهه وبحظنهه بت تقريب سنتين واكفه وملامحهه تعبانه وضايمهه الضيم وخرتني وحطت البت بحظني ودخلت للبيت هي دخله هيه وكعه اجت مرت عمي دحكتهه مصدومه اجت مرت حمايه رشت عليهه ماي كعدت دحكتنه وبجت وهي تصيح
- مات هو وبعدو طردوني انه التخليت عن كلشي وعفت اهلي علمودهم طردوني وذبوني بلشارع
انه نصدمت وتيبست اجه ابوج وعمامج بنفس الساعه جانو طالعين دحكو عليهه وهم اصلا جانو حادين سنونهم عليهه
هي دحكتهم تخبلت وبس تبجي وتتعذر اجو اخواني سحلوهه رادو يكتلوهه بس هي اختنكت و وكعت تكلطت علي وهمست باخير كلمه سمعتهه منهه
- فـارس …… صـادق وهالبت امانه بركبتج
ماعرفت من هذولي الذكرتهم واغمت
قاطعتهه - يمه شسمهه البت
- ماعليج ماعليج بأسـم البت شتردين منهه
- اا بس اريد اعرفهه يمه عجل غير اعرف هي وينهه هساع
ما ردت علي وكملت
- ظلينه نصحي بيهه ما تصحى ودوهه للمستشفى طلعت مريضه بيهه قلب وحالتهه جثير متأزمه لان هامله نفسهه وما تاخذ علاج وما مراجعه دكتور ظلت بلمستشفى ثلاث ايام وماتت ودفنت سرهه وياهه من يومهه ابوج تحول خاف جان شوي أهاا صار جثير مؤذي وقاسي يكتلني ويطردني وعمي يرجعني واسكت لخاطر الجهال ومن جيتي انتي وشبه خالتج نفرج نهائياً وما يتحمل يدحك وجهج لهذا يا بنتي ابتعدي عنو انه ما حاقده عليه والو مكانه جبيره بكلبي ابو وليداتي وانه ويا عشرة عمر وهو ابوج وادعي من ربي واطلب منو يهدي ويحنن كلبو عليج
اسمعهه ودموعي تنزل
- يمه والبت الحطتهه بحظنج وينهه
دحكت عليه بنظره ماعرفت افسرهه وكالت
- مادري يمه وينهه الله الاعلم وينهه

- يمه هي مو نطتهه الج المفروض تحافظين عليها خطيه
زمخت بيه
- دااكلج مادرري خذوهه منيي
سكتت بعدهه جرتني باستني حظنتهه وبست ايدهه اخ يا يمه شكد متعوبه وومتأذيه بحياتج وكله صبرتي وتحملتي لخاطرنه مدت ايدهه لوجهي ومسحت دموعي
ﺍﻣﻲ ﺷﻜﺪ ﺣﻨﻴﻨﻪ ﺑﻜﺒﺮ ﺍﻻﺣﺰﺍﻥ ……
ﺗﻠﻢ ﻫﻤﻮﻣﻨﻪ ﺑﻠﻔﺖ ﻋﺒﺎﻳﺘﻬﺎ……
ﺍﻣﻲ ﺷﻜﺪ ﻋﻔﻴﻔﻪ ﺗﺴﺘﺤﻲ ﺣﻴﻞ……
ﺗﻈﻢ ﻋﻮﺯ ﺍﻟﻮﻛﺖ ﺑﻄﺮﺍﻑ ﺷﻴﻠﺘﻬﺎ……
ﺍﻣﻲ ﺑﻨﺺ ﺣﺠﻴﻬﺎ ﺟﺒﺎﻝ ﺍﻟﻬﻤﻮﻡ……
ﻭﻻﻳﻮﻡ ﺍﺷﺘﻜﺖ ﺑﺲ ﺗﺠﺮﻱ ﺩﻣﻌﺘﻬﺎ……
ﻭﺑﺤﺠﺖ ﺗﻠﻮﻟﻲ ﺗﻔﺮﻍ ﺍﻟﻬﻤﻮﻡ……
ﻭﺗﺸﻜﻲ ﺑﺎﻟﻨﻮﺍﻋﻲ ﻫﻤﻮﻡ ﻋﺎﺯﺗﻬﺎ……
ﻭﺍﺫﺍ ﻣﺮﺍﻧﻪ ﻇﻴﻢ ﻭﺳﻤﻌﺘﻪ ﺍﺷﻠﻮﻥ…..
ﺗﻨﺸﻎ ﻭﺍﻟﺪﻣﻊ ﻳﺘﺮﺱ ﻣﺨﺪﺗﻬﺎ ……
ﺭﻏﻴﻒ ﺗﺼﻴﺮ ﺍﻣﻲ ﺑﺴﺎﻋﻪ ﺍﻟﻌﻮﺯ ……
ﻭﺗﺸﺒﻌﻨﻪ ﻭﺗﻈﻢ ﺑﻀﺤﻜﻪ ﺟﻮﻋﺘﻬﺎ……
ﺗﻨﻜﻂ ﻣﺴﺘﺤﻪ ﻣﻦ ﺩﻛﺖ ﺍﻟﺒﺎﺏ……
ﻟﻮ ﺧﻄﺎﺭ ﺍجاها ﻣﻌﺰﺑﻪ ﻋﺎﺩﺗﻬﺎ……
ﺷﻜﺜﺮ ﻟﻔﺖ ﺍﻟﻌﻮﺯ ﻭﻧﺎﻣﺖ ﻭﻳﺎﻩ …..
ﻭﻻﻣﺮﻩ ﺍﺷﺘﻜﺖ ﻟﻠﻨﺎﺱ ﻋﺎﺯﺗﻬﺎ……
ظليت متوسده حظنها وكاضبه اديها الي وجودها يمي وهالكعده بلذات تسوه الكل عندي وكافله ان تمحي شكو هم و وجع بروحي وافكر ب بت خالتي شهلاء وينها هساع وين ودوهه ووين صفه بيها الدهر وصادق و فارس منو هذولي
- يمه خالتي بيا سنه ماتت
- 1996
دحكت عليهه باستغراب وصدمه
- يمه عجل شلون اجيت انه وراها انه كبلهه بسنتين جايه للدنيا
- لا لا ناز بس سدي سيرتهه
نزلت دموعي حطيت ادي على راسي
- يمه خاف انه بتهه مو بتكم انه بت شهلاء وابوي لهل سبب يكرهني وجاي تضمون عليه هالشي
خزرتني وضربتني وزمخت بيه
- بسس لج نجبييي شنيي انه بت شهلاء انتي بنيتي انه جنسيتج وكلشي ومستمسكاتج باسمنه ما فكرتي بيهه انتي لو بتهه جان لهل ساع مجهوله وخري ناز زعلت منج
مسحت دموعي رأسا وكضبت اديهه ظليت احجي وياهه صالحتهه حظنتني وبجت وتكلي
- بنيتي انتي ناز بنيتي انه ربيتج وتعبت عليج وانتي بنيتي انه
سكتت ما ناقشتهه بعد بس كلبي ظل يلعب من هالسالفه حايره بنفسي وبحالي ومصيري شني ماعرف
لطفت الجو بسمه من كالت
- يمه عجل العاشك الولهان ابن خالج تزوج لو بعدو ينتظرج
- اي يمه بقه بلخارج وتزوج وحده ويا الله يوفقو
- يمه انتي حاظنه ناز عجل وانه ياهو اليحظني ترا طكني الجفاف جيبولي زلمتي
ضحكت وامي ضحكت
- ولل يابه عويمر وينك احدر هينه لمريتك محد يغركهه بلحنان بس انت