الاشاوس والشقراء

البارت 63

#الأشاوس_والشقراء
#بقـلمـي / أُم اسـد
#البارت الثالث والستون

مُتعبة ، مُشتتة ، ضائعة
ترخت جمّيع قوتيّ فلم أعد أقاوم
روحيّ عليّ الهاوية ، مُنتظرة السقوط
كَالعُملة بوجهيّن ، وجهَ مشوه ومتألم ووجه يأبيّ ذلك
لا أُريد الأسَتسلام ولكَنيّ أفعل
واقواليّ تبعد عَن أفعاليّ
هل مِن سبيّل ينجدنيّ مِن هذا
هل مِن أحداً يستمَع بَما يُخبَرنيّ قَلبِي؟
أنا عليّ الهاوية ، مُنتظرة السقوط
الُملم أفكاري المُبعثرة ، أنفاسي المُضطربة
هل مِن أحدًا يأخذنيّ مِن هنا؟
أنا لستُ أنا
أُريد أن أُحَلقَ كَالطيِر
أُريد مُخاطبة السحاب
هل يوجَد بي علة ؟
لما أنا هكَذا ؟
هل فعلتُ شَيء شنيّعاً ليعاقبنيّ ربي هكَذا؟
أنا عليّ الهاوية ، أخذت خطوة لمقابلتَك.

ناز
نصدمت من كلامه دنكت دا ادحك شبيهن بس فجأه زمخ
- كتلجج جفيني شرررج
ردت احجي رد زمخ فتحت الباب و نزلت وهو شخط السياره مشيت دخلت للبيت تلكتني آنو دحكت عليه وكالت
- ها ناز شبيج عمه وينها شو وحدج وحالتج مدري شلونها
ما حملتني رجلي بعد باد حيلي كعدت بلكاع ونزلت دموعي وآن تهدئ بيه
- طردني من السياره بسهوله مثل ما طردني من حياته بس يزمخ ويعيط بيه ليش شسويتله انه بـ شنو غلطت ويا
حظنتني وكالت
- ما غلطانه بشي انتي ناز اهدئي بس اهدئي انتي حامل لا تضغطين على نفسج وتأذيها ابنج اهم شي هسه خلي هو اول اهتماماتج لا تهتمين لأي شخص غيره امحي كلشي من بالج اعتبري نفسج جايه يمنه للراحه احسبني ما موجود واهتمي بنفسج بصحتج وبابنج
هزيت راسي بلايجاب مسحت دموعي وكمت دخلت للغرفه المغلف بايدي خليته ع الميز بدلت و رجعت كعدت اخذت علاجي المُعتاد و كعدت سحبته فتحته داخله ضرفين واحد جبير واحد وسط سحبت الجبير بلبدايه وهو اصلاً جان مفتوح بس كأنـو مغلف مال صور دحكت صح كم صوره بي سحبتهن
نصدمت ابنهتت احس راسي كام يفتر اديه رجفت و نزلت دموعي
معتززز !!!؟
ثكل نفسي وحجيت بقهر
- ما ناوي تحل عني معتز حتى بعد ما متت ليش شمسويتلك انه بيش اذيتك حتى هيج تأذيني وتخرب حياتي
دحكت بيهن صور الي والو من جنه بلجامعه صور اصلاً انه ما منتبهى عليهن وشلون اناخذن بهيج منظور
وحده من جنه كاعدين بلكافتيريا بس ايده بايدي
نزلت دموعي اكثر من دحكتهن لان هالشي ما صار اصلاً ما لمس ايدي ابد ولا خليته يتقربلي
صوره ثانيه واكف كبالي هاي مرا يم باب الجامعه
وصوره الثالثه عود دا ينطيني ورده وهو اصلاً هذا الشي اتذكر جان يدزلي ورد صح بس بنيه تجي تنطي الي مو هوا هاي شلون مسويهن هيج الصور
وصوره ع اساس هو واكف مبتسم وايده على ايد اللي بلصوره والبت الظهر ع الصوره وما مبين الوجه بس هذا شعري الاشكر وتسريحتي المعتاده ضفيره وعلى راسي طوك ورد ناعم واتذكر هاللبسه عندي ايي عندي بس هاي مو انه والله مو انه

اديه كامت ترجف و دموعي ما وكفت كعدت وكورت على نفسي - ربي شني هالظلم ليش بس انه هيج حياتي ليش كل ما اكو هاهيه راح انسعد بحياتي تطلعلي سالفه صفح
ادحك ع الصور ودموعي تنزل
- والله هذي مو انه ظلم ظلم كل هالصور مو اني بيهن ما عليه بي انه ولا سمحتله يتقرب الي وما انطيته مجال ابد صديته بكل المرات الحاول يتقرب بيهن الي مو انه اللازم ايدي ولا هو اللي نطاني الورد
الهوا بلكوا كام يجيني واتنفسه احس ظهري تيبس و صار بي وجع خليتهن بلمجر اريد اكوم ما اكدر جسمي يرجف بس الوجع قوي و نفسي ثكيل
بيه مابيه كمت وصلت كبال الباب وكعت ماكدرت اكمل بعد اريد اصيح آن ما اكدر الصوت ما يطلع مني مخنوكه دموعي نزلت متاذايه واحس نفسي عاجزه ايدي على بطني واتوسل بربي انو ما افقد ابني ما افقد اخر امل عندي بلحياة
بهاللحظه اجاني صوت صادق بعدها خطواته ع الدرج دحك عليه وانصدم اجه كبل سحبني على ايده اسمع صوته يكلي
- ناز شبيج نازز ليش تتراجفيين
نوب زمخ ب آن
- وووينج عليييها ليش خالتها وحدها انتيي
شديت على ايده احس نفسي ملك الموت اجه ياخذ روحي طلع صوت خفيف مني اشبه بالهمس بتقطع
- اريد.... هوا
شالني لبرا
- اخذي نفس ناز يلا رويحتي اتنفسي
ماكدرت كمت احس عبالك جبل نايم على صدري مانعني من اخذ النفس بعدها بديت ادحك ع الكل بغواش وسمعي صار وشوشه وفقدت
ما حسيت بعدها الا اني بغرفه فتحت عيوني دحكت ماكو احد وحدي بلغرفه رفعت ايدي لوجهي اتلمس شني عليه تاليها عرفته جهاز اوكسجين وايدي الثانيه مشكله بيها كانونه ومغذي
وخرت الجهاز اخذت نفس احسن من قبل ردت اكوم تألمت من ظهري دخلو عليه صادق وفارس
صوت فارس كال
- الله الله يمعوده وين كايمه تمددي وارتاحي
فارس وصادق كل واحد بجهه محاوطيني جانو ابتسمت على منظرهم وخوفهم عليه ودعيت الله يديمهم الي ويحفظهم ويسعدهم ابتسملي صادق وكال
- كلبي كام يرعد عليج كلت ماتت ونتهت وربج جن انه اللي نكطع نفسي مو انتي
- احدر هين ابوسك
ضحك واجه باس راسي
صوت فارس اجاني
- ناز حبيبتي ليش هيج مدمره نفسج ووصلتي لهل حاله شبيج اشو انه طلعت انتي جنج العافيه ورده مفتحه تاليها انصدمت بصادق يكلي ماخذها للمستشفى
- تعبت من الطريق والسره والكعده والدكتوره هم مو زينه ما اقتنعت بكلامها
- الياس الرجعج كالتلي عمتي كبل شوي كله من ورا غثج بكلامه مو صح
- لا هوا حجه ولا انه حجيت مجرد وصلني بشني نحجي فارس واحنه اللي بينه منتهي اصلاً