الاشاوس والشقراء

البارت 64 والاخير

#الأشاوس_والشقراء
#بقـلمـي / أُم اسـد
#البارت الرابع والستون والاخيرر

الباشا يگول :
شفتها تلوكلي ولايك عليها
من اول نظره صارت روحي بيها
من اول نظره بين كلشي مضموم
شريفه ولمس ما ملموسه اديها
و طلعلي المايخاف الله بلا شوف
اشكال الحجي طلع عليها
عساها ببخت كلمن فرق اثنين
واحد حَب الاخر روح بلروح
الكسر خاطرهم أمن نام مرتاح
بس مايدري جوه فراشه مذبوح
مشو كلمن طريق وعين بلعين
واحدهم يودع صوته مبحوح
بس بلسان اديهم صار الوداع
و واحد گل للاخر والله ماروح
هذا انه الضعت بس بيك كلشي اندل
انه اول ذليل ويمك مدلل
دليني عليك ارد البد بمكفاك
صوفر وجهي خاف يشوفني المنجل
من گد عازتك واصل لمدت الايد
بس الشينه ما سواها المعدل
انه مربي سمعتي من الفقر للتاج
تريد بتالي عمري بنشدك اتختل
يال ماين عليه شغيرك خطار
شطلع مني وبديك ايامي تتكحل
شني الما طاح بيدك مني من الكاك
اشو لمن ارد من يمك اتحلحل
تتغشه بدرب مني والله ايام
اضم بيها كذلتك وانت ما تقبل

ناز
انه سمعت هيج نخلست بجيت اثر كومني فارس باس راسي وكال
- ماكو شي بعد اخوج خليتج بامانة حيدر الكرار ( عليه السلام ) الراح تسمين باسمه وبامانة بنيته الحوراء زينب ( عليها السلام ) دشي داخل وانتي مرتاحه وكلبج بارد الله واهل البيت يخفظوج ويكوموج بلسلامه

هزيت راسي بـ أي حظنته شميته وبوسته وكتله
- احبك انه يروح اختك
فجأه وسمعت صوت
- تكومين بلسلامه اخيتي الصاكه
ضحكت اجه صادق باس راسي وانه هم بوسته
- اموت عليك اخوي الصاك
- فدوا لبت شهلاء اروح
خزره فارس نوب ضحك مشيت بدلت لبست وتهيئت للعمليه دحكتلهم ونوب دخلت وانه ابلع بريكي اول مره اتعرض لهيج موقف خايفه جثير بس تذكرت كلام فارس اخذت نفس ووكلت امري الهم وثقتي بربي وبيهم جبيره واهم ما يردون عبد نخاهام حاشاهم من الرد
دحكت عليه الدكتوره وكالت
- ناز بعدهم يضربون موو
- اي دكتوره
- اذا اجاج ولد شتسمي
- حيدر الكرار
- الله يامحلا الاسم واذا بنيه
جاي اجاوب بس نمت ما حسيت الا على وجع قاتل ظليت اون اريد ارفع ايدي لمكان الوجع ما اكدر ثكيله واحس بطني من الطول للطول تموتني بعدها رديت نمت
حسيت على انفاس يم راسي وايد شاده على ايدي
فتحت وغمضت عيني اكثر من مره يلا وضحت الرؤيا
دحكت الياس دحكني وباس راسي
- الحمدلله من طلعتي سالمه وعديتي كلشي بعد حيلي حيلج
تذكرت كلامه صديت وجهي منه حركت رجلي اجاني الم خلاني الوج عطت ودموعي نزلت يا الله وجع وجع كافرررر اجه كضب ايدي وكال
-عسى بيه ولابيج وعلي انه احمل وجع بس انتي مايعه ما تحملين
خزرته ضحك كتله بصوت خافت
- عوفني
كام دنك عليه باسني بخدي غمضت عيوني بقوه مابيه حيل امنعه ولابيه حيل احجي اجاني صوت فارس
- الحمدلله ع السلامه يروح اخوج
ابتسمت
صد موجه كلامه لالياس
- يلا بويه خلصت فلوسك ورينه عرض جتافك
- شنييي شنييي ودخلك انت مرتي وشوكت ما اريد اجي اعاينها وشأسوي اسوي
- تؤؤ تؤؤ غلطااان باشاا ترا اللي تكول عليها مرتك اهيه اختي انه بت امي وابوي
ديحجي الياس ويشتد الحوار بس قاطعهم دخول الدكتوره اجتي يمي وكالت
- شلونج تحسين بوجع
هزيت راسي بـ اي
- ميصير تضلين ساكته حبيبتي احجي ترا شويه نوب تكومين تمشين كافي نوم صارلج يوم كامل وكم ساعه انتي نايمه حبيبتي وحتى اطفالج ما شاء الله طلعو من الخدج وحالتهم تمام شويه ويحيبوهم الج
فرحت بلسلامه بس نصدمت من كلامها ابتسملي فارس همست
- شني اطفالي هوا ولد بس واحد
-اتصور تتذكرين باخير مراجعه الج من اجيتي انتي وفهمتج على كلشي انه بس اخير شي كتلج انه شاكه بشي من اتاكد منه يلا اكلج والشي اللي جنت شاكه بي انه انو حجم الكيس شهر عن شهر ديكبر وعبر الحجم الطبيعي اله ف شكيت انو بداخل هالكيس يكون طفل وتاكدت من شكوكي كبل العمليه من خلال السونار اللي اخذتي
ضحكت وكملت
بس نكدر نكول انو الولد ماشاء الله جان مغطي ع البت كلشي وهو محتل الصداره لان البنوته ناعمه وصغيرونه شحلاتها