الاشاوس والشقراء

البارت 36

#الأشاوس_والشقراء
#بـقـلـم / أُم اسـد
#البارت السادس والثلاثون

‏هناك أسطورة...️
‏تقول أن الشمس والقمر كانا مغرمان ببعضهما، ولكن لم يستطيعا أبدا أن يكونا معاً لاختلاف توقيتهما...
‏لذلك خلق الله "الكسوف"... كي يبرهن أن لايوجد حب مستحيل في هذه الدنيا...
‏يتباعدان عمراً ...ليلتقيا.... ساعتان ....ويعبران عن الحب العميق "بالتعانق"

فـارس
عاينت عليه وفكت عيونهه
- چااا تظلين هناا بهالحر و وحدج
ظلت تعاين عليه وبعينهه نظرة خوف
- امشي وياي بويه اعتبريني اخوج انه ما سويلج شي والله وما عندي غايه
ظلت ساكته كتلهه
- ترا انه عندي اخت مهما يكون ما اتلاعب باعراض الوادم لا تخافين مني ما اسويلج شي
- هاا نـروح؟
رمشت بعينهه تقربت عليهه
- انتي جنتي محجبه وتنقبتي لو كبل للنقاب
هزت راسها نافيه
- چـاا ذبي هذاا
و خرت النقاب منهه رفعته اتسودن منه كثيرر اكره النقاب
عاينت عليهه ابتسمت سمرا ملامح حلوه بعيون مهيله من وخرت النقاب بان شعرها قصير بكصه فرنسيه وهي سمرا وعيونها خضر اقل كلمه توصفها هي حلوه رغم ملامحها تعبانه بس حته بحزنها حلوه
شالته تفتح بي تريد تلبسه وخرته منهه وشمرته
- تردين حجاب
هزت راسها ب اي
- ايي انه اطيج امشي عوفي هذا خيولي
جريتها طلعتها عاينت الشارع فارغ
- امشينه ماكو احد بلشارع
كدتها و طلعت وهي تمشي وياي صعدتها و صعدت صديت عليها
- السياره مظلله ترا لا تخافين
جريت جراويتي من الكشن الوره مشموره ونطيتها الها
- انتي كبل النقاب جنتي محجبه
هزت راسها بنفي
- چاا هسه انتي راح تذبين النقاب تبقين بس ع الحجاب
اشرت بلأيجاب
- انتي كبل هالسنتين جنتي تحجين
اشرت بـ ايي سكتت بعد ما حجيت وياها مشيت للبيت دخلت السياره للكراج و نزلت نزلت هيه صفنت عليه كتلهه
- تعالي بويه و ذبي هذا منج ترا حاره
دخلت انه و دخلت وراي شافت البيت فارغ ظلت واكفه بلباب جريت كرسي و كعدت
- ترا ماكو احد بلبيت نصدمتي موو

عاينت بخوف
- عايني هو مالت كعدتنه وحدنه حرام اهي مليون بلميه حرام بس ماكو حل انتي خرسه ما تحجين لو تحجين جان صار النه غير حل
سكتت اووو انه شحجيت بدون مادري
عاينت عليهه دموعهه نزلت صدت دتطلع ركضت عليه دخلتها وسديت الباب
- مو بقصدي والله
دنكت جريت كرسي كعدتها صبيت ماي ونطيتها
- اشربي ماي
اخذته شربت و رجعته الي صعدت لغرفتي اخذت فلوس ونزلت كتلهه
- هيله اعتبري البيت بيتج اكلي اكو اكل جاهز واذا ماعجبج سوي انه طالع كم ساعه و راجع
عكدت حاجبهاا
- هيله او آن نفس الشي المهم انه طالع تعالي اقفلي الباب وراي ولا تفتحي لاي احد
طلعت كضيت وكت ونزلت يم المول اجيبلهه ملابس بس المشكله ماعرف قياسهه
نزلت دخلت لجناح الالبسه النسائيه عاينت هسه انه شلون اعرف هذا قياسها لو لا
صفنت صحيت على حس مره جبيره ضحكت وكالت
- هاا يمه تريد تاخذ شي لمريتك
ابتسمت
- حجيه ماعرف قياسها وهي راسها يابس اخاف اكلها وما تقبل تجي
- اهاا كول اخاف تفشلني وتروح الهيبه
ضحكت و رفعت شعري
- تهدي بالله حجيه
صاحت بت جانت هي تبيع كالتلهه وكعدت تطلعلي قياسات وانه مادري شتحجي بسوالف رجعت لوره عاينت ع البت كتلهه
- بويه خصم الحجي هي شويه اسمن منج واطول منج
ضحكت هي وانه ضحكت
- هي صغيره لو شنوو
- اي
- لعد ليش ما جبتهه
سكتت وكل بالي تكررت ال لعد يابويه ع البغداديات شحلاتهن من يكولنهه تطلع بنطقهن شي حلو ومختلف بدلع ودلال
اجت كالت
- لكيت قياسهه
- رهميلهه بعد اخوج من يمج انه ماعرف اختار نسائي اختاري مال بيت ومال طلعه من كلشي طالع شويه وراجعلج
طلعت من المول رحت لغير واحد متعود اخذ منه دخلت سلمت عليهم و اخذت عطور و ساعه
دخلت لقسم الالبسه اخذت كم طقم جديد الي و لصادق يحب هيج سوالف ربه دينه الملابس والكشخه
رجعت للبت لكيتهه محظرتلي مجموعه من الالبسه مالت طلعه ومالت بيت تشكرت منهه حاسبت عليهن وطلعت
رجعت للبيت فتحته و دخلت ركنت السياره دورت للمفاتيح ما شايلهن خررب
دكيته ماكو رد كتلهه
- هيييله هذاا انه افتحيي
شوي وفتحته ابتسمت
- كلمة السـر بيني وبينج تدرين شنوو
عكدت حاجبهه
- اذا صار شي تعرفيني انه وتميزيني من بين االكل شلوون اذا ظلمه او شي اي حدث يطرأ انه اصيحلج هيله بينما الباقين يصيحولج آن