#الأشاوس_والشقراء
#بقـلمـي / أُم اسـد
#البارت الستون
تعال بصدري نام سنين
جيب وياك كل تعبك
و احشر تعبك بصدري
انا أهواك و اتحمل تعب گلبك
و لا فد يوم أمل منك ،
أظن تدري !
و فرفح روحي هم أقبل
ما أگلك دكافي و عيب
أنت وليدي المدلل...
لارين
هستوها خاله بدت تحجيلي ودك الفون كمت جبته الها شفتها كاتبه ابو عون باوعت عليه وضحكت
- ولج هذا كلبه حس دنحجي بي
جاوبته وفتحت مايك
- هلا ابو عون شلونك
بدون سابق انذار كلها
- عمه لارين وينها
- هذي يمي
- چا وين شامره المهجوم مالتها صارلي ساعه ادك عليها
- يا يمه ما تدري غير جاي نحجي سوا انه وياها
بنبرة شك حجه
- على شني تحجون ؟؟
- هيج سوالف نسوان
- هاا چا خوش عمه اياج تحجيلها شي يخصني لا تخليني اكطع وياج خلينه بلطيب
- لا يمه شلون احجيلها هالموضوع نسد وراح من زمان اصلاً شحجي منه بعد اصلاً انه نصه نسيته
- افضل الج انو تنسي كله
- ان شاء الله ابو عون
ظلت تحجي ويا وانه صافنه على كلامه شلون كاضيها بس ينطي اوامر سدته وكالت
- كوومي لارين كومي بدلي راح يجيج ياخذج
- عمه ما تحجيلي
- يمه تفاهمي انتي ويا اكسبي واكسبي كلبه وخلي هو يحجيلج احسن ما اكدر احجيلج انه يا بنيتي ويلا كومي بدلي
- وين جاي ياخذني
- مادري
سلمت امري لله وكمت بدلت لبست لبس رسمي لان اني من نوع كلش احب اللبس الرسمي كملت ونزلت لكيته جاي باوع عليه بنظره وصد كاشخ على اخر حبه بارزلي عضلاته ومتونه والشعر رافعه ولابس بنطرون جينز اسود وقميص نقشه عسكريه وكاف الردان شوي لابس ساعته وخواتمه كالعاده بس اللي لفت انتباهي السبحه بايده حلوه عجبتني
شوي سلم على خاله وكام لحيله كال
- يالله وين عباتج البسيها وامشينه
فتحت عيني على كبرها
- يا عبايه ؟؟؟ ما البس عبايه اني
- اي منا وجاي تلبسيها
- ما اعرفلها وما عندي اصلاًعبايه حته البسها قَسْوَر رجائاً لا تجبرني على شي مرايدته اكثر
صك على اسنانه وخزرني وكالتله خاله
- ابو عون تهده بالله وخليها البت على راحتها شوي شوي تتعود ولبسها عاينه شحلاته ومستور
- امشينه
طلع وانه طلعت ورا صعدت بلسياره وهو مشه مسافة الطريق وكف
- ابقي هنا
نزل وسمعت طكة قفل السياره طول حوالي ربع ساعه وصعد وبايده مغلفات خلاهن بحظني كتله
- هاي شنو هذني
- الصور مالت المهر
فتحت المغلف الثاني جان ايفون حديث اخر اصدار
ع الرغم انو عندي ومالتي هم حديث بس هذا احدث
- يسلموو قَسْوَر
- تجفي شري لتكولين هالاسم
سكتت وهو هم ركز ع السياقه مسافة الطريق و وكف اخذ المغلفات مني رجعهن لورا بعدها نزلنه كاد ايدي
باوعت عليه وابتسمت مدري ليش هيج لا ارادي طلعت مني الابتسامه
شعور حلو تولد بداخلي مشينه وهو يدخلني على بوتيكات مالت ملابس بيت وطلعه وفساتين والا اخره وكل بوتيك ادخله لازم اخذ منه كل شويه وكالي
- جهزي كلشي تردي
- ادري موو عندي هواي اشياء ما محتاجه شي
- لارين اخذي وفضيني لتطلعيني عن طوري
لبيت اوامره واخذت موديلات حلوه وملابس طلعه ولح وياي الا اخذ عبايه هم اخذت اخير شي المكياج والعطور اخذت قليل لان عندي هواي
طلعنه واني مصكوعه بلشمس هسه صار الجو حلو وبدت تغورب الدنيا اخذني لمطعم اكلنه بعدها رحنه لحديقه قريبه
كعد هو واني كعدت بصفه باوعت ع الاطفال يلعبون بلالعاب والعوائل كاعده والجو كلش حلوو هواي فرحتني هالكعده باوعت عليه وكتله
- هالمكان دماررر
باوع عليه نوب صد مسح على وجهه وكال
- ايي دمارر كثير دمارر
اجه واحد يبيع غزل بنات صارت عيني عليه خاف اكله اريد ويكول زعطوطه ظليت ساكته
ما حسيت الا هو كام راح يمه جاب ثنين واجه خلاهن بحظني
- من تردين شي نوبه لاخ كولي لا تسكتين
ابتسمت
- شكرررراً
فتحته وكعدت اكل يالله شكبرني شكدني بس كلش احبه
اخذت منه رفعتها اله ابتسمت وكتله
- اكل ترا كلش طيب يفوتك
باوعلي صفح
- اكلي بويه اكلي هو شني الطيب بي هذا كِله ماي وشكر مدري شنيي
YOU ARE READING
الاشاوس والشقراء
ChickLitطغت ضحكه خفيفه على مبسمو وهو يسمعو لخالو من يگلو - ول يابه اشاوسي انت الياس و رب العزه رفع أيدو وهو يعدل بشاربو وبنبرة غرور گلو - عجل يابه شعبالك اعجبك انه دردمت بيني وبين نفسي على الغرور الشايله الديره گلها ما عدها منو ....... طلع وما حسيت الا...
