الاشاوس والشقراء

البارت 26

#الاشاوس_والشقراء - ... 26 ...
 

#Shahoda_ShoSho

مسائوو عمري

شلونكم
ما اكدر انزللكم يومي والله اعذروني بنات كلش تعبانه هالايام ومالي حيل اكتب وصديقتي جاي تكتب وتسرد ترتب عني
كل الحب وكل الشُكر الهاا 🥺❤️
لوما هي جان هسه اني ماكدرت انزل ووقفتهه للقصه

اسـد الله يسلمه متعبني گلش گبل لا يجي للدنيا چا من يجي للدنيا شراح يسووي الله الاعلم 😂😣💔

فارس و شمم استبعدولي هالثنائي جداا اصلا الثنائي مالت شمم و…… راح تنصدمون منه كلشش شلون ما انيي نصدمت 😇 والحب مالت فارس راح يبان بهالبارت 😎

لا تنسون ال ⭐⭐⭐ والتعليقات ع الفقرات ترا بارت طويل كلشش ويستاهل تفاعل كلبي ❤️

#الأشاوس_والشقراء
#بـقـلـم /  أُم اسـد
#البارت السادس والعشرون

ويا ريت متصرّف غلط
وياك جا سهله اعتذر
حته المجادل ينفظ
تالي اعرفت قصتي شنو
وانعاف وبلايا سبب
دوّرت ،ما بيه ذنب
بس شي بقه، قلة الحَظ
وبعد الفراگ المشكله
يواسونّي بس انجرح
الله يعوضك بس الي ؟!
امنيتي مره بعمري احس
اني الاعوف وغيري خل يتعوض

العـراق : العـاصمـة بـغـداد
فـارس
ركنت السياره ونزلت كفخ الهوا بوجهي  بداية شتا ويسود العاصمه نسمات بارده ترد الروح واكف ع جسر الجادريه  و الشط ا كبالي منظر حلوو ويسكن وجع روحك وينسيك اللي انت بي
رجيت ادي ع السيج واباوع للماي وافكـر لهلدرجه وصلت بينه المواصيل ننكر العشره ونبيع الزاد والملح ونعض الايد النمدت النه
زلمه تأمن بي وتسلمه منصب معين بشركه من سنين يستغفلك وياخذ نص الارباح بجيبه ويوزع قسم قليل للموضفين والباقي بلجيب
استشعرت اذني صوت الفون رديت
- هـا صادق
- خوويه شتحجي انت طارد الزلمه من الشغل وتدري ما اله غير بس الله واحنه ومن زمان هو ويانه
- لك شتحجيي انت واعي على نفسك 50 مليون نامت ببطنه وانه مادري بشي
- شتحجي فارس درينه انت االمدير وبكيفك تطرد وتعين بس  غير تتأكد خوما سمعت حجي تجي كبل تطرد الزلمه
- اربعة ايااام عيوني صارلهه ما ضايكه النوم وكاعد بلشركه واعاين للكامرات والكائنات وادقق واحسب بلارباح وبكلشي والكاهه ناقصه نسبه والكامرات وتردده لاوقات طويله لليل وجيته من الصبح كلهن منتبه عليهن ومتأكد مليون بلميه هو شافته عيني وهذاهو بعد
- والله مادري يخوي بس نصدمت
- وانه هم مثلك نصدمت
- چاا ما تجي للبيت اشتاقيتلك وعلي صارلي كثير  ما شايفك وحدي بلبيت والوحده كتلتني

- چا والحب
- ايي ياخوي احجي وياها بس اهي ماتعوض مكان اخوي
- جاي تدرس هالسنه عديهه حته تظل بس سنه وحده وتتخرج  هالله هالله بدراستك حته تتخرج وترتاح
- خويه اريد احجي وياك من ترد للبيت
- شني اللي ببالك
- انه بعدين اكلك من تجي خل امخمخهه زين بدماغي
- ماشي خويه
كملت ويا ونهيته صعدت بسيارتي رجعت للشركه دخلت للمكتب ادقق بلملفات الباقيه واخذهن وياي لان مهمات دخلت السكرتيره وبايدهه فنجان كهوه
رفعت راسي الهه وخزرتهه
- ياهوو الكالج اريد كهوه ما طلبت انه حته تجيبين
- هاا استاذ اسفه بس حبيتهه الك وكلت نشرب سوه
- وشنو المناسبه بشرب الكهوه سوه انه وياج
- هيج بلا سبب
عاينت عليهه تحجي وتمط بحجيهه جنهه وحده استغفرالله ربي كثيرر لاحظت تصرفاتهه مخله ومو حلوه
- الج هالثلاث ايام فقط راح اراقب تصرفاتج واسلوبج هذا ان ما تحسن وما بطلتي الخفيه مالتج وياي ومحاولاتج بلتقرب الي تنطردين
صفنت بوجهي دكيت ع الميز بقوه
- طلعييي شتنتظرين واكفه
ولت وانه وقعت عقد و اخذت الملفات وقفلت المكتب وطلعت رحت لمدير الاعمال سلمته العقد يتصرف بي ويحدد مواعيد الاجتماعات ويتعاقد وي الشركات الباقيه و مشيت من يمه والدنيا طالعه من عيني ع هل نماذج
ومنا ازدحامات فوول ببغداد لعبت نفسي واكف بلازدحام وواحد طخ سيارتي اللهم طولج يا روح شفته حجي جبير وهي ما تضررت شخط صغير مشيته وستخطيته صافن ع الكدامي وانتظره يمشي وفجأه طلعلي واحد من جامته يريدني امشي وانه الكدامي حاكمني تعديته بلحجي بس تطاول ورديته ووجرت نار منا هاللعبان نفس ومنا هذا صديت ع الجهه الثانيه وطلعت كبالي بت منقبه نطتني كلينس
دفعت الكلينس وزمخت بيهه
- وخرررري مني ترااها روحي طافره مو وكتج انتي
مسحت وجهي وستغفرت هسه هالبت شعليهه اطلع حركتي بيهه نقهرت عليهه طلعت فلوس دا اشتري منهه رفعت راسي الهه عاينت عيونهه تلمع خضر بلون الهيل وكلهه دموع تلالي
دا احجي وياها بس هي مشت صحتلهه ما ردت شالت الكلينس ومشت نزلت من السياره وادور عليهه ماكو وين راحت هالبت رجعت للسياره وأئنب بنفسي ليش طلعت حركتي بيهه هالبت شذنبهه بلصار
رديت للسياره ورجعت للبيت دخلت تلكاني صادق شبكني
- شهالغيبه يالكاطع
- شغل يبعدي شلونك
كعد كدامي وعاين عليه
- كول التريده كبل ما انام
- خويه انقلني من جامعة البصره لهنا اريد اكمل هالسنتين ببغداد