الاشاوس والشقراء

البارت 10

مسائووو عمرري

يولن ردتجن عون طلعتن فرعون كلت قنعنه يتزوج نوب انتن تكلله لا نوب يقره بلتعليقات ويضحك يكول خااب والله فاهمات الحياة صح خوش ينصحن اجيبلي مره توجع راسي 😐 قفل بلزايد وميريد كلششش 😂🙂

يلا رجعوو للباشا بس لا تكرهووو من تكتشفون شخصيته الجديده والحقيقيه 🙂💔

لا تنسن ⭐⭐ والتصويت والتعليقات عمرري انتو تفاعلو ورداتي

#الأشاوس_والشقراء
#بـقـلـم / أُم اسـد
#البارت العـاشـر

بكُل زِلال الحُبّ هوِيتَك
بكُل رحِيق الرازقِي آتدنّيت مِنك
بكُل حَياء، بكُل وِقار
رِدتك لرُوحِي مَزار
چان يكفِيني أشُوفَك
چِنت أخاف عليِك مِني
ردت أصيّر زرار زّيِجك
لكن أنت تِختنگ مِن الزرار
وأخيرًا..
ما تراهَمنا ونِزلنا مِن القُطار
وبُرد شوگي الچان حار .

نـاز
ويه ما سمعت اسمه نصدمت و وكع القلم من ايدي دحكتله بصدمه
- شنيي اسمك ؟
ابتسم باستفزاز و دحك عليه وكف السياره سحب وجهي عليه صارت عيني بعينو و نفسو يضرب بوجهي
- شني ما سمعت السئلتي مريتي
كلبي احسو كام يدك بقوه ونفسي ثگل كتلو بغباء
- هااااه
- شهالفهاوه العندج يبعد حيلي
و خرت دفعته و صديت وابتسمت مو فاهيه انه ابدد
رديت صديت عليه وكتلو
- شنو اسمك انت
- الياس عباس علي
يالله على صدمتي هذا الياااااس ايي نفسوو يدحك عليه ومبتسم بأستهزاء
- بريت ذمتي انه ونفذت الوصيه النحطت بركبتي وما صرت واحد **** وعبرتهه وتخليت عنهه
نصدمت من الغلط عززززه لج يمه شني هاي شديحجي شهالغلط
كضبت راسي مو مستوعبه هالبشرر شنيي الصار گلـو خطه بينو وبين ابوي زمخت وانه احس حراره من اذاني كامت تطلع من العصبيه كتلوو
- يعني ابووي خلاني حته انت تجي تاخذني انت ابوي نطاني الك انت
عدل شاربوو وكال
- بالضبط طلعتي تفتهمين وعندج عكل تفكرين بي
ضربت الجامه بعصبيه
- عقلييييش لك عقليييش خليتولي عقل انتم خبلتوني شهالحقاره الشايليهه هذاك يجي يذبني بلديره وانته تجي بحجة تنقذني ومالي غيرك تعقد عليه حته تنفذ وصيه شهالحقاره والنذاله الشايلينهه انتم
ما حسيت الا بحراره صارت بخدي اثر ضربته دفعته وكتله
- مالكك حق تضربني مو صرت على ذمتك تسوي بيه اليحلالك الله ينتقم منك ومن كل شخص سعه بأيذيتي يا الياس ليكول حيوانه بأيدكم موو بشر مابيه روح ماعندي احساس

- رحم الله امرئ عرف قدر نفسه شنيي انتي متكليلي كلج وحده **** تستشرف براسي
دحكت على بروده
- كلمن يشوف الناس بعين طبعو
سمعني وزئر عليه بعصبيه
- بت الكلب مو اجي اكص لسانج واشك حلكج شك والله
- هو انت شعندك غير الكص والشك والكتل والغلط والسب فهمنيي انت ماعندك ذرة رحمه شكلت لكلبك من سويت بيه هيج وتفقت ويه ابوي مو حرام عليكم ما خفتو الله بيه
- نوصل ويصير خيرر نوصل ويصير خيرر اذا ما اراويج واشوفج ان الله حق اطلع **** ومو من ظهر ابويه
سكتت منو وداخلي يغلي ليش انه من دون البنات ابوي هيج يطلع هيج يكرهني ويشمرني على هذا دموعي تريد تنزل بس انه منعتهه بسس بسس ضعف نازز لا تسكتين بعد عن حقج كلهم كلوج وتالي ذبوج ومحد سئل عنج من بعد امج لا اخو لا ابو حته الاخت نطتني كفاهه ومشت اوووف ربي رحمتك
شوي و وكف السياره نزل منهه راح لواحد لغاد ادحكو طلع فلوس ونطا اخخخ شكد كرهتو ومقتو لهل زلمه
رجع صعد ومشه بلسياره دك موبايله
- هااا خال .... اياد شسالفتك ترا جدي مشتعل لا تتفيك براسي .... شهالنعلان وين اجيك يابه شتحجيي انت مو بأربيل ....
شتسوي بلبيت اللي ببغداد شعندك ابو صكرر ..... ايي غير اعرف انه ... عجلل ياابه لا تتفيك براسي ...
ايي اجيك اجيك .... خاااب انه شمدريني وين امي اتصل ع البيت ياخال اكلك انه ببغداد تفتهم انت لووو لا تسوعب افتح عقلك وخلك وياي ....
اييي عجل وره ما تغورب اجيك .... شنيييي جاوو مو اجي هساع اسويك جاو ... ايي الله وياك
كاعده واحجي عليه بيني وبين نفسي حته خالو ما سلم منو استغفرالله ربي
ضحكت على نفسي شكد استغفرت اليوم من ورا هههههه متأكده راح يطيح حظي بالدنيا بس راح يخليني اكسب الاخره كد ما يخليني استغفر من ينرفز ويستفز شكد مستفز جثيررر جثيررر
وكف يم نفس العياده نزل واشرلي انزل نزلت دخل ومشيت ورا دخلنه السكرتيره كامت الو مبتسمه
- مشكوره ماراح انسالج هالوكفه
- تدلل باشا افضالك علينه هواي
اخذ الطفل منهه ودخل دا ادخل ورا وكفتني وكالت
- عفواً حبيبتي بس منو انتي وليش داخله منوو سمحلج شهالهمجيه
خزرهه
- شنيي همجيه
- ااا موو دخلت كبل وراك ميصير غير تلتزم بلسره لحد ما يجي دورهه ......
قاطعهه
- بسس بلا حجي زايد هذي مرتي
دحكت عليه بصدمه وجهه نعقج شسالفه كلجن كاتلات نفسجن عليه
- اهاا اسفه ادخلي
دخلت ويا كشف عليه وطلب اشعه لرجلي طلعنه وخذينا للاشعه بنفس العياده سويناها ورجعنه دحك عليهه اتصل بشخص وظل يتحاور ويا انكلش انه فهمت كلشي انو رجل سليمه مابيهه بس خدوش بسيطه بس الرجل الثانيه فطر ما متعديهه و واصل لمرحلة الكسر بس بمكان حساس اللي بين عظم الساق وعظم الكاحل ويحتاجله عنايه شديده