#الأشاوس_والشقراء
#بقـلمـي / أُم اسـد
#البارت التاسع والاربعون
يا بَريد يجيبليّ عُيونك
رسِايل غِافية بنصّ الظُرف
وأنتَ تدريّ...
مِن اقره عُينك انشّتل بـ أول حُرف
بَيا مُرايه مِن الحُزن يلِتم شَبابيّ
بيِا چُفوف مِن الفُرح يتغنّه بابي
بيا ظفيرة اتلمّس إسُمك بـ الرسَايل
بيا سِما انُدلك واجيلكّ ؟؟
وارسُم عِيوني آعلّه گد خصُرك حِمام
ويا بِريد يودّي شوگي !
اليمشِي حَافي بسچّه جام
لا تِجي بطيفي وصُفنتي!
ولا يصَح طارش يودّيلك سِلام
كون اصدّگ ما تجينيّ !
حِتى المّ چفوف اديّه
البُقت تِدعي بكُل إمام ...!
ناز
بجيت بقوه و وخرت من عموو
- شنيي لگووو جثته عموو شني لگوو جثته الياس ما مات انه جاي اكلكم ما مات لا تجيبولي طاري موت الياس على لسانكم لا جثه ولاشي مو جثته هذي مو جثته
عافني وكام
- انه راح اروح اعاينها هسه والله يسمع منج وتطلع مو جثته
راح وبعد مده ساعات جثيره لثاني يوم الصبح يلا رجع وكعد
- الجثه محروكه كلها وما مبين منها شي بس بنيتها وهيئتها كلها تكول تعود للباشا هاي الجثه
- لا عموو لا مو للباشا كللهم يجي يوم ويرجع الباشا وكلهم يدحكون طوله وهيبته وهو راجع ليش تصدكون هو مات
نزلت دموعي بقهر وكملت
انه كلبي يكلي هو موجود هو عايش لا تخلوني افقد هالامل خلوني عايشه عليه وناطرته لاخر عمري يرجع
عفتهم وصعدت للغرفه اتأمل صورته مسحت دموعي وابتسمت
- يجي يوم وترجع باشتي يجي يوم و ترجع
مرت يومين انه عايشه بكئابه جثيره
نزلت الصبح ويه خاله الظهر عمو دخل علينه كال
- حظرو نفسكم نروح لبيت طالب
صدت عليه خاله كالتله
- شنيي يا طالب صدك تحجي بعد كل السوا تريدنه نروحله برجلنه
- چا شسوي يا مره عزمنه واجه هو وخواني وولد عمي وكدامهم كالي ومو من شيمي ارفض العزيمه واصدها بحظورهم
سكتت انه دحكت عليه وكتله
- عمو انه اخاف اروح
- لا عمي چا شلون تظلين هنا وحدج ناخذج ويانه لا تخافين هي كلها جم ساعه زمان ونرجع واحنه انه وخالتج وياج تخافين بوجودنه
ابتسمت كال
- ها بويه شكلتي
- التقرره انت عمو انه امشي بي
- الله يرضى عليج بنيتي
كملت ضلينه كاعدين شويه نوب صعدت بدلت لبست رداء خليجي وبي حزام ذهبي مخصر ولبست شال اسود دحكت لايدي اسواره و اسواري بي عدلتهن و كضبت الجنطه حطيت بيها الفون علكتها بجتفي عدلت الشال و نزلت لكيت خاله متحظره وعمو هم وجاي ينتظروني
طلعنه صعدنه بلسياره مسافة الطريق وصلنه الهم نزلنه تلكونا من الباب يسلمون كلهم موجودين اكثر شي خوفني مرت الابو تدحكلي وتخوزر تقدمت عليها دا اسلم كبل حظنتني وعصرتني عصر وتدك على ظهري نرعبت من حركتها وكبل دفعتها و وخرت منها كالت
- هاي شبيج خيه مو جاي نسلم عليج لو تستنكفين من عدنه
خزرتها
- لا مشكوره خاله لا استنكف ولاشي بس وكفت جثير وممنوعه عليه الوكفه اريد اكعد
ما حسيت الا على دخلتنه دخلت شمم وحجت بصوت
- يهلااا يالربع شلونكم شعلومكم والله وخوش اليوم نورت بيتكم اخيته للباشاا المفروض تسوولي استقبال يلوكلي
- اهوو الباشاا وينه حته نسوي استقبال لاخته مات وحته عظامه تاخت هسه
ضحكت شمم بغيض
- اخيته انه بمكانه لا تجيبين طاريه حبابه ترا ماتحمل هسه تطخ السوادين براسي وما اظمنلج ردة فعلي شني
هزت بايدها ودخلت
صدت عليه بوستني كتلها
- شبيج حاميه
- تعاركت ويه ابو صگر واريد اطلع حركة كلبي باحد لكيت هذي كدامي تشمر بلحجي اذا تجاوزو اليوم وعلي اخلي طشارهم ماله والي
- دخلي يلا
ابتسمت وكالتلي
- حياج الله حبيبه
ضحكت وكتلها
- حي الله شاربج دخلي دخلي
- نجبي حفيته البارحه لو ادري تحلفيني بي چا بقيته بس يلا خيرها بغيرها
دخلنه جوه نضحك وهنه يدحكن علينه بغيض كعدنه كتلها
- شعجب جيتي يول
- شمدريني يمعوده ابو صگر سوالنه فلم هندي اجا اتصال شو هذا صوفر وجهه وفلش الفون نوب طفر ومن بعد نقاش طويل بيني وبينه ماعوفج لتعوفيني وهذن السوالف وكالي شمم بسرعه كومي بدلي خل نلحك نروح للبصره لا تنسمط ابهاتنه اليوم
ضحكت وكتلها
- لييش شكو
- مادري والله ماكال حته انه فزعت عبالي ابوي لو امي بيهم شي بس الحمدلله من ماكو شي بس باختصار هالزلمه فت كلبي فتت والله
STAI LEGGENDO
الاشاوس والشقراء
Romanzi rosa / ChickLitطغت ضحكه خفيفه على مبسمو وهو يسمعو لخالو من يگلو - ول يابه اشاوسي انت الياس و رب العزه رفع أيدو وهو يعدل بشاربو وبنبرة غرور گلو - عجل يابه شعبالك اعجبك انه دردمت بيني وبين نفسي على الغرور الشايله الديره گلها ما عدها منو ....... طلع وما حسيت الا...
