(Unicode)
နှစ်ယောက်သား ကျောင်းတံခါးရှေ့သို့ရောက်လာသည့်အခါတွင် ဝယ်ယူလာသည့် အစားအသောက်များအား ဝတ်ထားသည့် အင်္ကျီထူတို့ဖြင့် ပတ်လိုက်ကာ အဆောင်ဝင်းထဲသို့ ခိုးကြောင်ခိုးဝှက်ဝင်လာရသည် ။ သို့သော် ဝယ်ယူလာသည့်ပစ္စည်းတို့က များပြားလွန်းနေတာကြောင့် သူတို့၏အင်္ကျီနှင့်တောင် လုံခြုံအောင်မဖုံးထားနိုင်ပေ ။ ထို့ကြောင့် မှောင်ရိပ်ကျနေသည့်နေရာမှတစ်ဆင့် အိပ်ဆောင်သို့အချင်အမြန်ပြေးသွားရသည် ။
အဆောင်၏သုံးထပ်မြောက်သို့ လှေကားမှတစ်ဆင့် ပြေးတက်ပြီးနောက်တွင် ဂျောင်ကုက ထယ်ယောင်းအား သူ့အခန်းဆီသို့ဖိတ်ခေါ်လိုက်သည် ။ ထယ်ယောင်းလည်း ဂျောင်ကုက သူ့အားခေါက်ဆွဲပြုတ်ကျွေးမည်ဟု ပြောထားတာကြောင့် ဂျောင်ကုအခန်းသို့ဝင်သွားလိုက်သည် ။
ဂျောင်ကုအခန်းထဲသို့ထယ်ယောင်းရောက်သွားသည့်အခါ ထယ်ယောင်းမှင်သက်မိသွားသည် ။ ဂျောင်ကုအခန်းနှင့်သူ့အခန်းက ပျမ်းမျှအားဖြင့်ပုံစံတူသော်ငြား ဂျောင်ကု၏အခန်းက သူ့အခန်းကဲ့သို့ စာအုပ်များဖြင့်သာ ပြည့်ကျပ်မနေဘဲ ပျင်းရိဖွယ်မကောင်းပေ ။
သပ်ရပ်လှသည့်အခန်းပုံစံနှင့် ဂျောင်ကု၏အသုံးအဆောင်ပစ္စည်းတို့က ဂျောင်ကုသည် ကိုယ်ပိုင်ကမ္ဘာငယ်လေး၌ပင် ပျော်မွေ့တတ်သူဖြစ်ကြောင်းညွှန်ပြနေသည် ။ လူနှစ်ဦးကောင်းကောင်းဆန့်သည့်အခန်းလေးထဲတွင် ဂျောင်ကုကတစ်ယောက်ထဲနေတာကြောင့် အခန်း၏နေရာအနှံတွင် ဂျောင်ကု၏ပစ္စည်းများကနေရာယူထားသည် ။
သူ့တွင် လူတစ်ရပ်စာပင်မမြင့်သည့် Mini basket လေးရှိနေပြီး ကုတင်ပေါ်မှ ဘောလုံးအားအပျင်းပြေလှမ်းပစ်လို့ရသည့် နေရာလေးလည်းရှိသည် ။ ထို့ပြင် လက်မောင်းကြွက်သားများကိုတောင့်တင်းစေသည့် အလေးမတုံးများလည်းရှိနေကာ boxing ထိုးသည့် လက်အိတ်ပင်ရှိနေသေးသည် ။
“ မင်းငါ့အခန်းကို ပထမဆုံးရောက်ဖူးတာမလား ? ”
ဂျောင်ကုက ထယ်ယောင်းသူ့အခန်းအား စပ်စုနေမှန်းသိတာကြောင့် ထိုသို့မေးလိုက်ခြင်းဖြစ်သည် ။ ထိုအခါမှ ထယ်ယောင်းလည်း ငေးကြည့်နေရာမှသတိပြန်ဝင်လာပြီး လက်ထဲတွင်ကိုင်ထားသည့် ပစ္စည်းအိတ်အား ဂျောင်ကုလက်ထဲသို့ထည့်ပေးလိုက်၍ ပြန်ဖြေလာသည် ။
YOU ARE READING
Compatible Pheromones |TK|✓
Fanfictionမုန်းတီးခြင်းဟုယူဆသော်ငြား... လျစ်လျူရှုမှုတို့ကမစွမ်းသာ... မျှောလွှင့်နေတဲ့ တိမ်လေးတွေလို... ခံစားချက်တွေဟာလည်း ဦးတည်ရာမရှိ... သေချာပါသည် ငါလည်းမင်းကိုချစ်နေပြီ... Start - Dec 14 , 2021 End - Oct 14 , 2022 #pic from pin #crd to owner