(Unicode)
စက်တင်ဘာလကုန်ခါနီးတွင် ဆောင်းရာသီအားကစားပြိုင်ပွဲကျင်းပမည်ဖြစ်သည် ။ ထို့ကြောင့် စီနီယာတန်းခွဲအေသည်လည်း အားကစားပြိုင်ပွဲတွင် မဖြစ်မနေပါဝင်ရမည်ဖြစ်သည် ။
“ ငါတို့အတန်းက ဘယ်အားကစားတွေဝင်ပြိုင်ချင်ကြလဲ ? အကယ်၍ ပြိုင်ချင်တာရှိရင် ငါ့ကိုစာရင်းလာပေးကြနော် ”
အတန်းခေါင်းဆောင်ဖြစ်သည့် ဟီဂျင်က တန်းခွဲအေတစ်ခုလုံးကိုပြောလိုက်သည်။
“ အတန်းခေါင်းဆောင်...ငါ ပြေးခုန်ပစ်ပါမယ် ”
“ ငါက အလျားခုန် ”
“ ငါက အမြင့်ခုန် ”
ကျောင်းသူ၊ကျောင်းသားအချို့သည် သူတို့၏အားသာရာ ပြိုင်ပွဲများသို့ဝင်ရောက်ယှဉ်ပြိုင်ရန် စာရင်းပေးကြသည် ။
“ အိုး...ပြိုင်မဲ့သူများသားပဲ ”
ဟီယူက ပြိုင်ပွဲဝင်စာရင်းကိုကြည့်၍ ပြောသည် ။
“ အင်း...အဲ့ဒါတော့ဟုတ်ပေမဲ့ ဘာလို့အပြေးပြိုင်ပွဲကိုကျတော့ တစ်ယောက်မှဝင်မပြိုင်ကြတာလဲ ? ”
ဟီယူကလည်း ဟီဂျင်နှင့်အတူ စာရင်းကြည့်နေရင်း အပြေးပြိုင်ပွဲသို့ ဝင်ရောက်ယှဉ်ပြိုင်မည့်သူမရှိတာကြောင့် ပြောလာသည် ။
“ အရင်နှစ်တွေတုန်းက အပြေးပြိုင်ပွဲကို ထယ်ယောင်းနဲ့ဂျောင်ကုဝင်ပြိုင်တယ်...ဒီတစ်နှစ်တော့ မပြောတတ်ဘူး ”
“ အာ...သူတို့နှစ်ယောက်လုံးဝင်ပြိုင်တာလား ? ”
“ အင်း ”
“ ဒါဆို ဒီတစ်နှစ်လည်း သူတို့နှစ်ယောက်ကိုပဲ ပြိုင်ခိုင်းလိုက် ”
“ ငါလည်းအဲ့လိုစဉ်းစားထားပါတယ်...ဒါပေမဲ့ သူတို့ကိုတစ်ချက်မေးကြည့်လိုက်ဦးမယ် ”
ဟီဂျင်ကပြောပြောဆိုဆိုနှင့် အနောက်သို့လှည့်ကြည့်လိုက်တော့ ထယ်ယောင်းက စာရေးခုံပေါ်တွင် မေးထောက်၍တစ်စုံတစ်ခုကို စိုက်ကြည့်နေသည် ။ ဂျောင်ကုကတော့ ပြတင်းပေါက်ဖက်သို့မျက်နှာမူက စာအုပ်ထောင်၍ မှောက်အိပ်နေသည် ။ သူတို့နှစ်ယောက်သည် ခုံဆက်လိုက်ပြီးနောက်ပိုင်းတွင် တစ်ယောက်နှင့်တစ်ယောက်ပို၍ ကပ်တွယ်လာကြသည်ကို ဟီဂျင်တင်မက တစ်ခန်းလုံးကပါ သိကြသည် ။
YOU ARE READING
Compatible Pheromones |TK|✓
Fanfictionမုန်းတီးခြင်းဟုယူဆသော်ငြား... လျစ်လျူရှုမှုတို့ကမစွမ်းသာ... မျှောလွှင့်နေတဲ့ တိမ်လေးတွေလို... ခံစားချက်တွေဟာလည်း ဦးတည်ရာမရှိ... သေချာပါသည် ငါလည်းမင်းကိုချစ်နေပြီ... Start - Dec 14 , 2021 End - Oct 14 , 2022 #pic from pin #crd to owner