Secretly Married To My Professor [GL]

Kabanata 30

TRIGGER WARNING: Self-harm, abuse, violence, rape. Please be advised.

Note: Please kung hindi kaya ng puso't sikmura niyo ang mga nasabi sa itaas ay huwag na po kayong magtuloy. Read at your own risk.

***

Flashbacks...

"Hoy, mga tanga! May napili na kayong club na sasalian?"

Inayos ko ang pagkakabutones ng uniform ko. Kinuha ko ang suklay sa bag ni Pam at sinuklay ang sariling buhok saka naglagay ng powder sa mukha. Maglalagay pa sana ako ng liptint sa aking labi ng agawin ni Piper sa akin ang liptint ko kaya sinamaan ko siya ng tingin.

"Give me back my liptint, Pipe!" I said and glared at her.

"Puro ka paganda, bobo ka naman—"

"What did you just say?!" Singhal ko at tumayo na saka lumalit sa kaniya.

Hinayaan lang kami nila Pam dahil alam na nilang hindi rin nila kami maaawat. Eh, paano? Never atang sumuko si Piper bwisitin ako at talagang lumalaban pa siya. Kahit naiinis na ako ay sige pa rin siya sa pang-aasar sa akin. Hindi rin naman ako nagpapatalo. Walang nagpapatalo sa amin.

"Uulitin ko ba iyong sinabi kong bobo ka?" Mataray na sambit niya kaya mas lalo akong nainis.

"Bakit? Matalino ka ba?" Pagtataray ko rin at bubuhatin ko sana ang isang upuan para ibato sa kaniya pero nagbago ang isip ko dahil mabigat iyon at hindi ko kayang buhatin.

"Oo, top one nga ako lagi sa section namin."

"Tanga, nasa last section ka naman—"

"Paki mo ba? At least nagt-top one ako, eh ikaw?"

"Malapit na akong maging top," humagikhik ako, "top ni Zahira." Sambit ko at kahit binato ni Piper sa akin ang liptint ko at nasapul ang mukha ko ay hindi natanggal ang ngiti sa labi ko.

"Harot pa, sa tingin mo magugustuhan ka niya? Sa sobrang talino niya halatang hindi niya magugustuhan ang isang bobong katulad mo."

Tinignan ko nang masama si Piper dahil nasaktan ako sa sinabi niya. Kaya simula noong araw na iyon ay nagsipag na ako sa pag-aaral at kahit katatapos lang ng quiz o exam ay nagrereview pa rin ako. Syempre, para kay Zahira. Para magustuhan na niya ako.

"Sa music club ako," sagot ko nang muli nila akong tanungin kung anong club ang sasalihan ko.

Kasali si Zahira sa Music Club kaya roon ako sasali, para lagi kong naririnig ang boses niyan. Halos lahat nga ata ng club ay pinapasukan niya, iyong sa akin na lang ang hindi.

"Tanginang 'yan. Ang pangit-pangit ng boses mo tapos sasali ka sa Music Club? Anong gagawin mo ro'n? Magiging drumstick? Sabagay, mukha ka ngang walis tingting."

"Peter, kaunti na lang masasakal ko na 'yang kambal mo. Ilayo niyo sa akin 'yan." Pagbabanta ko pero tila wala silang narinig.

Lumabas ako nang room dahil naaalibadbadaran ako kay Piper. Hindi masama ang loob ko sa kaniya, nasanay na ako sa pagiging mataray niya at sa bunganga niyang masakit magsalita. Kahit papaano ay mabait naman siya, ayon nga lang at madalas asal demonyo. Kami lang ang barkada niya rito sa school. Kung wala kami ay tila wala na siyang pakialam sa paligid niya at sa ibang tao. Nahirapan nga kaming kaibiganin siya dati. Kabaliktaran sila ni Peter na halos lahat ng narito sa school ay barkada niya, kahit nga ata mga bagay-bagay na hindi namin nakikita ay kinakausap niya.