𝐔𝐧𝐢𝐜𝐨𝐝𝐞
"လှလိုက်တာ..."
နိုးနိုးချင်း ဘေးမှာ အိပ်ပျော်နေတဲ့ သက်ရှိအရုပ်ကလေးကို မြင်လိုက်ရ၍ မထိန်းချုပ်နိုင်ပဲ အံ့ကျူးရေရွတ်လိုက်သည်။အံ့ကျူးခွင့်ပြုထား၍ စိတ်တိုင်းကျထိန်းသိမ်းထားသော ဆံပင်ရှည်တွေက ကျောပြင်အောက်မှာ ပနံရစွာပြန့်ကျဲနေသည်။ဖြူဆွတ်ပြီး နေရာတိုင်းမှာ သွေးကြောစိမ်းစိမ်းမျှင်မျှင်လေးတွေ မြင်နေရသည့်သူက ငြိမ်သက်စွာအိပ်စက်နေသည်။နဖူးပြင် ခပ်ကျဥ်းကျဥ်းပေါ်မှာ ဆံစအချို့က နေရာယူထားပြီး မျက်ခုံးတန်းသွယ်သွယ်၏ အောက်မှာတော့ မျက်ခွံကြည်ကြည်တစ်စုံက မျက်လုံးဝိုင်းဝိုင်းလေးနဲ့ အသဲယားစေနိုင်သည့် အကြည့်တွေကို ပေးစွမ်းသော မျက်ဝန်းတစ်စုံရှိနေသည်။မျက်ခွံကြည်မို့မို့ရဲ့ အောက်ခြေမှာ ရှည်လျားပြီး ထူထဲလွန်းတဲ့ မျက်တောင်ရှည်တစ်စုံက ထိုလူသားလေးကို ပိုမိုတင့်တယ်စေသည်။ပါးဖောင်းဖောင်းလေးတွေက ဝါဂွမ်းလုံးလေးတွေလို ဖြစ်နေကာ ဖျစ်ညှစ်ပစ်လိုက်ရင် အိစိအိစိအထိအတွေ့ကို ခံစားရသည်။
အံ့ကျူးနဲ့ဆိုလျှင် စကားတီတီတာတာလေးတွေ ပြောလေ့မရှိပေမယ့် ကက်ကက်လန်အောင် ပြန်ခံပြောတတ်သော နှုတ်ခမ်းပါးလေးတစ်စုံကာ အခုတော့ ငြိမ်သက်ပိရိစွာရှိနေသည်။နီထွေးထွေး ထိုနှုတ်ခမ်းသားလေးတွေက ထိလိုက်မိလျှင် မလွှတ်ချင်လောက်အောင် ဖြားယောင်းတတ်သေးသည်။
"အင်...အဟင့်"
နှုတ်ခမ်းပါးလေးကို မချင့်မရဲစွာပင် လက်မနဲ့ ပွတ်သပ်မိတော့ အိပ်ပျော်နေတဲ့သူက နိုးလာသည်။သို့သော်လည်း မျက်လုံးကို သေချာမဖွင့်သေးပဲနဲ့ လက်နှစ်ဖက်တန်းပြီး အညောင်းဆန့်နေသေးသည်။အံ့ကျူးလက်မောင်းပေါ် ခေါင်းအုံးနေတယ်ဆိုတာလည်း သတိထားမိပုံမရပေ။
"နိုးရင်လည်း ဖယ်တော့ ကျုပ်လက်မောင်း ကျင်နေပြီ"
"ဟင်"
အနီးအနားကနေ ကြားလိုက်ရတာမို့ လရောင်တုန်သွားသည်။သူပြောသလိုပဲ ခေါင်းကိုမလိုက်တော့ လရောင်ခေါင်းအောက်ကနေ လက်မောင်းကို အသာမ,ယူသည်။လရောင် နိုးနိုးချင်း မျက်လုံးတွေပင် ပြူးကျယ်သွားရသည်။တစ်ညလုံး သူ့လက်မောင်းပေါ်မှာ အိပ်ပျော်သွားတာတော့ မဟုတ်လောက်ပါဘူးနော်။
YOU ARE READING
My possessive of you
Romance{Own creation}❀ Love story between possessive type bad boy and fragile boy. Art : Leo Start date : 14.9.2022 End date :
