Relationshipတစ်ခုမှာ နားလည်ပေးနိုင်ဆုံးလူတွေနဲ့ သည်းခံခွင့်လွှတ်တတ်တဲ့လူကသာ အချစ်တတ်ဆုံးတဲ့...။
ဒါဆို ကိုကိုကရော ကိုကိုက သူ့ကိုအချစ်ဆုံးလို့ ထင်ထားခဲ့တာ။သူလုပ်သမျှကို ကိုကိုနားလည်နေနိုင်မယ်ထင်ခဲ့တာ။
ပစ်ခွာသွားသူကိုလည်း အပြစ်မမြင်ရက်။သူ့ကိုမွေးပေးခဲ့တဲ့ မေမေကတောင် လူ့လောကကို စွန့်ခွာပြီး အံ့ကျူးကို စိတ်ချလက်ချထားခဲ့သေးတာ။ဖေဖေရော ဘာထူးလည်း။ဖေဖေလည်း အံ့ကျူးကို စိတ်ကုန်လို့ Aussieကို ထွက်သွားတာမလား။
အဟက် ကိုကိုကရော ဘာသားနဲ့ထုထားတာမလို့လဲ။
ကိုကိုမရှိတော့လည်း ဝမ်းမနည်းဘူးဆိုရင်တော့ အံ့ကျူး ကိုယ့်ကိုကိုယ်လိမ်တာပဲ ဖြစ်ပါလိမ့်မည်။မျက်ခမ်းစပ်တွေရဲတက်လာကာ မျက်ရည်မကျမိအောင် အံကိုသာတင်းတင်းကြိတ်ထားလိုက်သည်။
“Ring Ring”
“Boss, clientရောက်နေပါတယ်”
အသံမက်ဆေ့ဝင်လာတော့မှ သတိဝင်လာပြီး ကိုယ်ကိုမတ်ထားလိုက်သည်။လရောင်သသကိုပြန်တွေ့ရင် တစ်နေရာရာမှာ လှောင်ထားလိုက်ဖို့လည်း တွေးလိုက်သည်။တစ်သက်လုံး သူ့အပိုင်ဖြစ်လာခဲ့တဲ့လူက အံ့ကျူးဆီက ထွက်ပြေးလို့ရမတဲ့လား။
လက်မှတ်ထိုးအတည်ပြုပေးပြီးတော့ တစ်ဖက်က ကိုယ်စားလှယ်က ပိုပိုလျှံလျှံပင်ပြုံးပြလာသည်။
“Universe နဲ့ လက်တွဲရတာ တော်တော်ကို စိတ်ကျေနပ်ရပါတယ် ဖြစ်နိုင်ရင် ကျွန်တော်တို့ Moon land ကလည်း Universe မှာ ရှယ်ယာပါချင်ပါတယ်”
“ဟုတ်ကဲ့ ဒီလ ရှယ်ယာရှင်ဆွေးနွေးပွဲကျရင်Moon land ကိုလည်း ဖိတ်လိုက်ပါမယ်”
“Universe CEO ရဲ့ သတင်းကလည်း စီးပွားရေးလောကမှာ အတော်လေးကို နာမည်ကြီးနေပါပြီ ဒီလောကထဲ အခုမှဝင်လာပြီး မထင်မှတ်ထားအောင်လုပ်နိုင်လို့ တော်တော်အံ့သြနေကြရတယ်”
“ကျွန်တော် နောက်ထပ်တွေ့စရာလူတွေရှိသေးလို့ ကိစ္စပြီးရင် ပြန်နိုင်ပါပြီ”
“ခင်မျာ”
အံ့ကျူးသည်းခံနေသေးပေမယ့် ရင်ထဲကမပါပဲ ဟန်ဆောင်ပြုံးနေရပြီး အပိုစကားတွေပြောရတာ မကြိုက်။ကိုယ်စားလှယ်လူကြီးက အပိုစကားတွေပြောလွန်းသည်။မြှောက်ပင့်နေတာတွေကို မကြိုက် လိုရင်းကိုပြောတာပဲ သဘောကျသည်။သိသိသာသာမျက်နှာပျက်သွားပေမယ့် ချက်ချင်းပင် ပြုံးရွှင်သွားသည်။
YOU ARE READING
My possessive of you
Romance{Own creation}❀ Love story between possessive type bad boy and fragile boy. Art : Leo Start date : 14.9.2022 End date :
