"မောင်.... ငါ့ကို အဲ့လိုမလုပ်နဲ့"
"ခင်များအပေါက်ကို ပိတ်ထား"
ပါတီကျင်းပရာနေရာကနေ ကားပါကင်ကို ရောက်သည်အထိ လရောင်ကို ကမန်းကတန်းဆွဲခေါ်သွားသည်။လက်ကောက်ဝတ်ကို ကျိုးကျေမတတ် ဖိညှစ်နေတဲ့ လက်က အံ့ကျူး ဒေါသရဲ့ အမှုန်အမွှားလေးပင် ရှိလိမ့်မည်။
လက်က နာကျင်မှုကြောင့် လရောင်မျက်ရည်တွေစို့လာသည်။ငိုတော့ မငိုရဲ။
အံ့ကျူးမျိုးနွယ်နဲ့ အတူ နှုတ်ဆက်ပါတီတစ်ခုကို တက်လာရတာဖြစ်သည်။လုပ်ငန်းရှင်တွေချည်းပဲ တက်ရောက်ကြတဲ့ ပွဲမို့ ရာဇာထူးဟန်လည်း ရောက်လာသည်။ပွဲကျင်းပသူနဲ့ အံ့ကျူးစကားပြောနေတုန်း ရာဇာက လရောင်အနားရောက်လာကာ စကားပြောဖြစ်ကြသည်။ထွေထွေထူးထူးတော့မဟုတ် ဒီအတိုင်းနှုတ်ဆက်စကားသက်သက်သာ ဖြစ်သည်။ဒါကို မြင်ပြီး အံ့ကျူးမျိုးနွယ်က မမေးမမြန်းပဲ လရောင်ကို ဆွဲခေါ်လာခဲ့ခြင်းဖြစ်သည််။
ဒုန်း!
"အင့်"
ကားထဲကို အတင်းဆောင့်တွန်းခံလိုက်ရတာကြောင့် နဂိုအားနည်းတဲ့ လရောင်က ကျောပင်အောင့်သွားရသည်။ကားကို အကြမ်းပတမ်းမောင်းပြီး လရောင်ကိုတစ်စက်မှ မကြည့်။ဘေးတိုက်မြင်နေရတဲ့ လည်ပင်းကြောထောင်ထောင်တွေနဲ့ ကား steering ကို ဆုပ်ကိုင်ထားတဲ့ လက်ဖမိုးပေါ်က အကြောထင်းထင်းကြီးတွေက လရောင်ကို အသက်ရှူမဝဖြစ်စေသည်။
"အဟင့်"
"တောက်! "
အသံမထွက်အောင် ကြိတ်မျက်ရည်ကျနေတဲ့ကြားကနေ ရှိုက်သံက ထွက်သွားသေးသည်။အကျိုးဆက်က တက်ခေါက်သံအကျယ်ကြီးနဲ့အတူ ရဲတွတ်နေတဲ့ မျက်ဝန်းတွေနဲ့ စိုက်ကြည့်ခြင်းခံလိုက်ရသည်။
ရာဇာနဲ့ ပတ်သက်မိတိုင်းလည်း အံ့ကျူးဆီက ဒေါသတွေကို အကြီးအကျယ်ခံယူရသည်။ဒါပေမယ့် ဒီတစ်ခါကတော့ အရင်တွေနဲ့ မတူ ကြမ်းတမ်းလွန်းသည်။တစ်ခုခုဆိုရင် အံ့ကျူးက အဆုံးအစွန်ထိ ဒေါသထွက်စိတ်တိုနေပြီးသား။
"ထွက်ခဲ့"
"အင့်"
လရောင် မျက်ရည်သုတ်ပြီး ကားပေါ်က ဆင်းတော့ တစ်ချက်သာစိုက်ကြည့်ပြီး အိမ်ထဲဝင်သွားသည်။လရောင်စိတ်ပူမိသွားသည်။သူ့ကို နာကျင်အောင် လုပ်တာထက် အံ့ကျူးမျိုးနွယ် စိတ်ဆိုးသွားမှာ ပိုကြောက်သည်။
![](https://img.wattpad.com/cover/321749812-288-k902372.jpg)
ESTÁS LEYENDO
My possessive of you
Romance{Own creation}❀ Love story between possessive type bad boy and fragile boy. Art : Leo Start date : 14.9.2022 End date :