၀ူးးးးး!!
ခြံထဲကို ဝင်လာတဲ့ ဆိုင်ကယ်သံခပ်ပြင်းပြင်းကြောင့် ဖိုးနားမှာ စာဖတ်ပြနေရင်းကနေ လရောင်တွန့်သွားရသည်။ဖိုးကတော့ အသက်ကိုပြင်းပြင်းရှူသည်။ဒီရက်ပိုင်း အံ့ကျူးမျိုးနွယ်ရဲ့ လုပ်ရပ်တွေကို လရောင်လည်း နားမလည်နိုင်တော့ပါ။ဖေဖေနဲ့ စကားများပြီး နောက်ရက်ကတည်းက အိမ်ပြန်ချိန်တွေ နောက်ကျသည်။ဖေဖေအိမ်မှာရှိနေရင် ထင်သလောက်အိမ်မှာ မဆိုးတဲ့ အံ့ကျူးက အိမ်ပြန်ချိန်တွေနောက်ကျရုံတင်မကပဲ ဘီယာနံ့ခပ်ပြင်းပြင်းကိုပါ သူ့ဆီက ရတတ်သေးသည်။
ဒီနေ့တော့ နေ့လည် ဆယ့်တစ်နာရီတောင် မထိုးသေးခင် ဗြုန်းစားကြီး ရောက်ချလာတာမို့ လရောင်ရော ဖိုးပါ အံ့သြရသည်။အိမ်ရှေ့မှာ ဆိုင်ကယ်ရပ်သံနဲ့အတူ ခြေသံခပ်ပြင်းပြင်းကိုပါ ကြားရသည်။ကောင်းသော အိမ်ပြန်ခြင်းမျိုးတော့ မဖြစ်နိုင်။
ဂျာကင်တစ်မျိုးတည်းကိုပဲ စွဲစွဲမြဲမြဲဝတ်တတ်တဲ့သူက စစ်ရောင်ဂျာကင်ကို လက်ကဆွဲပြီး ဖိနပ်တောင်မချွတ်ပဲ အိမ်ထဲကို ဝုန်းဒိုင်းကြဲဝင်လာသူက မေးရိုးတွေ ထင်းနေအောင် အံကြိတ်ထားပြီး အနည်းငယ်ဖရိုဖရဲနိုင်နေသည်။လရောင်တို့ထိုင်နေတဲ့ ဆိုဖာဆီကို မျက်လုံးတောင် ဝေ့မကြည့်ပဲ အိမ်ပေါ်ဝုန်းဒိုင်းကြဲ တက်သွားသူကြောင့် လရောင်ကိုယ်က အလိုက်တသိပင် ထရပ်မိသွားသည်။
"လရောင်လေး..."
ခြံထဲမှာ ပန်းပင်တွေကို နေရာချနေတဲ့ မမဆွေကလည်း အံ့ကျူးနောက် ခပ်ကွာကွာကနေ အိမ်ထဲဝင်လာသည်။ကြောက်နေသည်မဟုတ်သော်လည်း မမဆွေမျက်နှာမှာ ပူပနာစိုးရိမ်မှုတွေကို မြင်နေရသည်။
"မမဆွေ..."
"ကိုလေး အံ့ကျူး ငိုနေတယ်.."
"ဟင်"
အံ့သြမှုနဲ့အတူ လရောင်ခြေလှမ်းတွေက အိမ်ပေါ်ထပ် လှေကားဆီ ဦးတည်လိုက်သည်။'မိဆွေ လာအုန်း' ဆိုပြီး ဖိုးက မမဆွေကို ခေါ်ပြီး စစ်မေးနေခဲ့လေရဲ့။
အခန်းရှေ့ရောက်နေတာတောင် အထဲမဝင်သေးပဲ တံခါးကိုမီပြီး လရောင် ခိုးနားထောင်ရင်း အားမွေးနေရသည်။ဘာတွေကများ ဒီလူဆိုးကောင်ကို ငိုလောက်စေခဲ့တာလဲ။မာကျောချင်ယောင်ဆောင်နေတဲ့ ကလေးက တော်ရုံတန်ရုံကိစ္စကို လူရှေ့သူရှေ့မှာ မျက်ရည်ကျနေမှာ မဟုတ်တာကြောင့် လရောင် ရင်ဘတ်ကြီး တဒုန်းဒုန်းဖြစ်နေရသည်။ဆိုးဆိုးဝါးဝါးကိစ္စတော့ မဖြစ်ပါစေနဲ့ ။
![](https://img.wattpad.com/cover/321749812-288-k902372.jpg)
YOU ARE READING
My possessive of you
Romance{Own creation}❀ Love story between possessive type bad boy and fragile boy. Art : Leo Start date : 14.9.2022 End date :