ညီမင်းဟန်က ဆိုဒါနှစ်လုံးနဲ့ နိုင်ငံခြားဖြစ်ဝီစကီတွေ ယူလာသည်။အနက်ရောင်လယ်သာအင်္ကျီနဲ့ ညီမင်းဟန်က တိကျပြီး ထက်မြက်သည်။သူ့အဖေဆီကနေ ကား showroom တစ်ခုကို လက်ဆင့်ကမ်းထားပြီး ရုပ်ရှိငွေလျှံ သူဌေးပေါက်စတစ်ယောက်လည်းဖြစ်သည်။သူ့အဖေက နောက်မိန်းမယူထားပြီး ထိုမိန်းမမှာ သားတစ်ယောက်လည်း ပါလာသည်။ထိုသားကလည်း သူ့အမေနဲ့အတူ ညီမင်းဟန်တို့ အိမ်မှာပဲလိုက်နေသည်။
ညီမင်းဟန်နေရာမှာ အံ့ကျူးသာဆိုရင် သူ့အဖေနဲ့ ဘယ်လိုမှအတူနေနိုင်မှာမဟုတ်။အရင်မိန်းမသေတာနဲ့ပဲ နောက်မိန်းမလည်း ထယူသေး မယားပါသားပါ အိမ်ပေါ်ခေါ်လာသေးဆိုတော့ သားအရင်းဖြစ်သူကို အားနာသင့်သည်လေ။ဒီကောင်ကတော့ အံ့ကျူးလိုမဟုတ်။မိဘက ကောင်းသလိုစီစဥ်တာပါ ဆိုတဲ့လော့ဂျစ်ကြီးက ပါးစပ်ဖျားက မချ။
ရဲထွဋ်ဘဝကတော့ လွယ်ကူရှင်းလင်းသည်။မိဘတွေက ကျောက်မျက်ရတနာပွဲစားတွေဖြစ်သည့်အပြင် သူ့ရဲ့တစ်ဦးတည်းသောအမဖြစ်သူကလည်း အထူးကုတစ်ယောက်မို့ ရဲထွဋ်က ဘာမှလုပ်စရာပင်မလို။ဘားနဲ့ ကလပ်နဲ့ကူးသန်းနေရုံသာ။
အံ့ကျူးကိုတော့ တကယ်ဂရုစိုက်တဲ့ သူငယ်ချင်းနှစ်ယောက်ပင်။ကြောက်လည်းကြောက်သလို ဥပေက္ခာတော့မပြုကြ။အံ့ကျူး ဆူဆဲလိုက်ရင်လည်း နောက်နေ့ဆို အကောင်းပင်။
“အကိုလရောင်ရော အံ့ကျူး”
“အိပ်နေတယ်”
“ညနေစောင်းကြီးကို”
“ဘယ်အချိန်အိပ်ရမယ်လို့ ကန့်သတ်ချက်ရှိလို့လား”
အံ့ကျူး အသံမာမာနဲ့ပြောလိုက်မှ ရဲထွဋ်က ဇက်လေးပုပြီး ငြိမ်ကျသွားသည်။ညီမင်းဟန်ကတော့ တစ်ချက်သာပြုံးပြီး သောက်မြဲသောက်နေသည်။
“ရန်ဖြစ်ထားတာလား ငအံ့..”
“သူနိုးလာရင်တော့ ရန်ဖြစ်ရမယ်ထင်တယ်”
“မင်းက အမြဲတမ်းအနိုင်မယူပါနဲ့ကွာ”
အံ့ကျူးဆိုရင် အမြဲတမ်းလရောင်သသကို အနိုင်ကျင့်နေတယ်လို့ ထင်ကြသည့်သူတွေချည်းပင်။ဖိုးဆိုရင်လည်း လရောင်သသ ဘာကြောင့်ငိုငို အံ့ကျူးကြောင့်လို့ပဲ ထင်နေတာ။အဲ့အသေးကွေးလေး ဘယ်လောက်ခေါင်းမာပြီး စကားနားမထောင်သလဲ ဆိုတာကျ ဘယ်သူကမှ အရေးတယူမမေးကြ။တရားလည်း တရားပါပေသည်။
YOU ARE READING
My possessive of you
Romance{Own creation}❀ Love story between possessive type bad boy and fragile boy. Art : Leo Start date : 14.9.2022 End date :
