Two Mom [ Rebirth ]

အခန်း ၇၆

အခန်း (၇၆)

"ကျန်းယီ" လက်ဖက်ရည်ခွက်ကိုကိုင်ရင်း "စုအန်းရန်"ဘက်ကို လာသည်။ သူမ "စုအန်းရန်"ကို လက်ဖက်ရည်တစ်ငုံတိုက်လိုက်ပြီး "လီရှန်းနန်"ကို ကြည့်လိုက်သည်။

"လီရှန်းနန်" မူမမှန်တာကို သူမ သတိထားမိတာကြာပြီ။ သူမ ပုံမှန်မဟုတ်မှန်းသိလျက်နဲ့ "စု"မိသားစုက ဘာလို့များ ဒီလိုလူကိုငှားထားလဲမသိ။ သူမ "လျန်းချင်"နဲ့ အတူနေပြီး "စုအန်းရန်"၊ "စုအန်းချီ"တို့ကို အချိန်အကြာကြီး စောင့်ရှောက်ခဲ့ဖူးသည်။

"သခင်လေးက အခုမှ အလုပ်ကပြန်လာတာ ကလေးတွေကို ဘယ်လိုလုပ် ဂရုစိုက်နေနိုင်ဦးမလဲ" သူမမျက်လုံးတွေက "ကျန်းယီ"ဘက် ရောက်သွားသည်။ "ကလေးတွေကိုခေါ်လာတာ မစ္စမဟုတ်ဘူးလား ဘာလို့ပေကပ်နေရတာလဲ"

"စုအန်းချီ လာ အန်တီ'လီ'နဲ့ လိုက်ခဲ့ ဖေဖေပင်ပန်းနေပြီ နားပါစေတော့"

"စုဇီရွှမ်း" ချီထားတဲ့ "စုအန်းချီ"ဆီ လက်ကမ်းလိုက်တော့ "စုအန်းချီ"က ရင်ခွင်ထဲပုန်းနေသည်။

"ရှန်းနန်၊ နင်ဘာဖြစ်နေတာလဲ" "စုဇီရွှမ်း"က "စုအန်းချီ"ခေါင်းကို အသာလေးပွတ်ပေးရင်း မျက်‌မှောင်ကြုတ်ပြီးမေးသည်။ "လီရှန်းနန်" ပိုပြီးဆွံ့အသွားသည်။ ဘာဖြစ်တာပါလိမ့်။ သူတစ်ခါမှ သူမဒီလိုဖြစ်နေတာမမြင်ဖူး။

"ကျွန်မ ... ကျွန်မဘာမှမဖြစ်ပါဘူး သခင်လေးရဲ့ ကလေးကိုကျွန်မဆီပေးခဲ့ပြီး သွားနားလိုက်ပါ နော်" "လီရှန်းနန်"က အားမပါတဲ့အပြုံးနဲ့ စိတ်ကိုရှည်အောင်ထားပြီး "စုအန်းချီ"ဆီကို လက်ကမ်းပေးပြန်သည်။ ဒါပေမယ့်လည်း "စုအန်းချီ"က "စုဇီရွှမ်း" ရင်ခွင်ထဲ ခေါင်းလေးတိုး၀င်လိုက်သည်။

"လီရှန်းနန်" အခြေအနေမကောင်းမှန်း "ကျန်းယီ"လည်း သိသည်။ သူမမျက်နှာတွေနီနေပြီး ချွေးတွေလည်းပြန်နေပြီ။ လက်တွေပါ အနည်းငယ်တုန်တုန်ယင်ယင်ဖြစ်နေသည်။ "စုအန်းရန်"ကို ဘေးကပ်လိုက်ပြီး သူမရှေ့တိုးသွားသည်။ ပြီးတော့ "လီရှန်းနန်"ကို ညင်ညင်သာသာပြောလိုက်သည်။ "ကလေးကိုကျွန်မပဲချီလိုက်ပါမယ် ရှင့်ကိုဒုက္ခ‌မပေးတော့ပါဘူး"