Unicode
" သူက ? "
ဇီတာ့ကို လက်ညှိုးထိုးကာ မေးလိုက်တဲ့ မေးခွန်းကြောင့် မြလွန်း ခပ်ပြုံးပြုံးပဲ ဖြေပေးလိုက်သည်။
" သူက ဇီတာနို တဲ့။ လောလောဆယ်တော့ အလုပ်သင်ပေါ့။ "
မြလွန်းစကားကြောင့် အသင်္ခရာရဲ့ မျက်ခုံးတွေဟာ ပင့်တက်သွားသည်။လက်က နာရီကို တစ်ချက် ကြည့်နေသည်။ ထို့နောက် အလျှင်စလိုပဲ ထွက်သွားဖို့ပြင်သည်။
" ကျွန်မ ကိစ္စလေးရှိလို့ သွားလိုက်အုံးမယ်။ "
" အွန်း။ "
မြလွန်းလည်း ပြုံးပြကာ နှုတ်ဆက်လိုက်သည်။
ပုံမှန်ထက် ပိုတည်နေသလို မျက်နှာထားနဲ့ အသင်္ခရာက တစ်မျိုးတစ်ဖုံ လှသည်။ သို့သော် မပြန်ခင် ဇီတာ့ကို ကြည့်သွားတာကြောင့် မြလွန်း စိတ်ထဲတွင် တစ်မျိုးခံစားသွားရသည်။
" ဇီတာ "
" ဟုတ် မမ။ "
" ခေါင်းကို မော့ထားစမ်းကွာ။ "
သူအဲ့လိုပြောတော့ ဇီတာက မရဲတရဲဖြင့် ခေါင်းမော့လာသည်။ ဒီကလေးမ ဘာလို့ အမြဲ ခေါင်းပဲငုံ့နေရလဲ။ မြလွန်း ဇီတာ့ကို ကိုယ့်ကိုကိုယ် ယုံကြည်စေချင်တယ်။
" အသင်္ခရာကို သိလား။ "
" မသိပေမယ့် သူ့အကြောင်းတွေ ကြားဖူးပါတယ်။
တကယ် တော်တဲ့ အမျိုးသမီးပါ။ "
" အွန်း ဟုတ်တယ်။ သူက တော်တယ်။ "
" ဟုတ်။ "
" ဇီတာ "
" ဟုတ် "
" ကိုယ့်ကို သေချာကြည့်စမ်း။ "
မြလွန်းရဲ့ အပြောကြောင့် မြလွန်းရဲ့ မျက်လုံးကို တည့်တည့်ကြည့်လာသည့် ဇီတာ။ မြလွန်းတို့ ကိုယ့်သေတွင်းကိုယ်တူးမိသလားတော့ မသိတော့။ ဇီတာရဲ့ ပြာလဲ့လဲ့မျက်လုံးတွေက ရူးလောက်အောင် လှသည်။
" မင်း မျက်လုံးတွေက တကယ်လှတာပဲ။ "
" ရှင်။ "
" အာ။ ဘာမှမဟုတ်ပါဘူး။ မင်းအလုပ်ဝင်တာမကြာသေးပေမယ့် ဒီ project အောင်မြင်ရင် ကိုယ်မင်းကို
အဖွဲ့မှုးနေရာပေးမယ်။ "
ВЫ ЧИТАЕТЕ
မြလွန်းရွယ် ၏ ဇီတာ
Fantasy" မြလွန်းရွယ် " ဆိုတဲ့ မိန်းမက မာယာများတဲ့ မိန်းမ။ " ျမလြန္း႐ြယ္ " ဆိုတဲ့ မိန္းမက မာယာမ်ားတဲ့ မိန္းမ။
