Unicode
" နွေး...? "
ခေါ်သံကြားတာကြောင့် လှည့်ကြည့်မိတော့ အမျိုးသမီးကြီးတစ်ယောက်ဖြစ်သည်။
" တကယ် နွေး ဟုတ်ပါတယ်နော်။ "
" ဟုတ်ပါတယ် ကျွန်မ အလင်္ကာနွေးပါ အန်တီ။ "
အလင်္ကာ ထိုအမျိုးသမီးကြီးရှေ့ကို သွားကာ
လက်ကိုကိုင်ရင်း ပြုံးပြလိုက်သည်။ ဒီအမျိုးသမီးကြီးဟာ သူ့ကိုစောင့်ရှောက်ပေးခဲ့တဲ့သူဖြစ်ပြီး အမေတစ်ယောက်လို ဖြစ်သည်။" ဒီတလော အဆင်ပြေရဲ့လား နွေးလေး။ "
အတူတူလမ်းလျှောက်နေကြရင်း မေးလာတဲ့ အန်တီကြောင့် အလင်္ကာ အကြောင်းမဲ့ ကောင်းကင်ကို တစ်ချက်မော့ကြည့်လိုက်ရင်း ပြုံးမိသည်။
" အွန်း ပြေတယ်လို့ပဲပြောရမှာပေါ့။
အဖြစ်အပျက်တွေ အများကြီး ဖြစ်သွားတာပါပဲ။ "" တစ်ခါလေးတောင် ဂေဟာကို မလာတော့ဘူးနော်။ "
အလင်္ကာ ပြုံးတယ်ဆိုရုံသာပြုံးလိုက်မိသည်။
" မမလေးပါလား။ "
တစ်နေ့က ဘားမှာတွေ့ခဲ့တဲ့ ဦးလေးက အလင်္ကာ့ကိုတွေ့တော့ လာနှုတ်ဆက်သည်။
" မင်္ဂလာပါ ဦးလေး။ "
" ကိစ္စတစ်ခုခုရှိလို့လား မမလေး။ ပုံမှန်ဆို မမလေးကိုယ်တိုင် မလာဘူးလေ။ "
" ဒီလိုပါပဲ။ မရောက်တာကြာလို့လေ။ "
" နွေးကို သိတာလား ကိုမင်း "
" သိပ်သိတာပေါ့။ ဂေဟာကကို ထောက်ပံ့နေတဲ့ သူတွေထဲက တစ်ယောက်ပဲလေ။ "
ထိုစကားကိုကြားတော့ အန်တီက သူ့ကို လှမ်းကြည့်သည်။ အလင်္ကာလက်ကိုနောက်ပစ်ကာ ခြေထောက်ဖြင့် အောက်ကသစ်ရွက် အနည်းငယ်ကို ကစားနေသည်။
" အရင်တုန်းကအတိုင်းပဲ အကျင့်ကတော့ မပြောင်းဘူးနော်။ လျှို့ဝှက်ပြီး လူမသိအောင် လုပ်တတ်တုန်းပဲ။ "
အန်တီ့ရဲ့စကားမှာ အလင်္ကာ ရယ်ရုံသာတတ်နိုင်သည်။ အန်တီ့စကားကလည်း မှန်နေတာကြောင့် ဘာမှမပြောနိုင်တာလဲ ပါမည်ထင်သည်။
အလင်္ကာဟာ အဲ့လိုပါပဲ။ လျှို့ဝှက်ချက်တွေများလွန်းတယ်။
![](https://img.wattpad.com/cover/338121120-288-k81844.jpg)
YOU ARE READING
မြလွန်းရွယ် ၏ ဇီတာ
Fantasy" မြလွန်းရွယ် " ဆိုတဲ့ မိန်းမက မာယာများတဲ့ မိန်းမ။ " ျမလြန္း႐ြယ္ " ဆိုတဲ့ မိန္းမက မာယာမ်ားတဲ့ မိန္းမ။