ရှေးဖြစ်ဟော ဆရာသခင် (MM Translation)

အပိုင်း(၁.၂) ပန်းခြံမှာ ဗေဒင်ဟောခြင်း

Unicode

ဖြစ်ပွားရာနေရာ အနီးနားမှာရှိတဲ့ အန်တီ လီက နေရာအနီးတစ်ဝိုက်ကို တံတွေးတွေ ထွေးနေတဲ့ ရဲသားကို ကြည့်လိုက်ပြီး အနားကို ဆွဲခေါ်လာခဲ့သည်။

"တကယ်တော့ ဗေဒင်ဟောတာတွေ အားလုံးက ပဒေသရာဇ် အယူသီးခြင်း တစ်ခုပဲတော့ မဟုတ်လောက်ဘူး။ တချို့ ဝါရင့်ဆရာကြီးတွေက လူတွေရဲ့ မျက်နှာပေါ်က တချို့အရာတွေကို မြင်နိုင်ပြီး၊ အက္ခရာ ၈ လုံးနဲ့ တွက်ချက်နိုင်ကြတယ်။ အခု တစ်ယောက်က....."

(T/N: အက္ခရာ ၈ လုံးဆိုတာ တရုတ်နက္ခတ်ဗေဒ အယူအဆ တစ်ခုဖြစ်ပြီး၊ လူတစ်ယောက်ရဲ့ ကံကြမ္မာ (သို့မဟုတ်) ကံကြမ္မာကို သူတို့ရဲ့ မွေးနှစ်၊ လ၊ နေ့၊ နာရီ အလိုက် သတ်မှတ်ထားတဲ့ လိင်အမျိုးအစား စက်ဝန်း ၂ ခုဖြင့် တွက်ခြင်းဖြစ်ပါတယ်တဲ့။)

အန်တီ လီက လင်းချင်းယင်ရဲ့ အသက်နှင့် ပုံပန်းသွင်ပြင်ကို အမှတ်ရလိုက်မိသည်။ ဒါကြောင့် သူ(မ)က လုံးဝ "ဆရာကြီး" တစ်ယောက် မဖြစ်နိုင်ဘူး။ အန်တီ လီက မရေမရာ ပြောလိုက်ပြီး -

"ခုဏ မိန်းကလေးပြောခဲ့တာက နည်းနည်းတော့ ထူးခြားတယ်နော်။ မမှန်နိုင်လောက်ဘူး၊ အဲတော့ အရမ်းကြီး စိုးရိမ်မနေပါနဲ့။"

အန်တီ ကျန်းက အန်တီ လီ စကားဖြတ်ပြောတဲ့အခါ မပျော်မရွှင် ဖြစ်သွားခဲ့ပြီး သူ(မ)နဲ့ စကားများ ငြင်းခုံကြတော့သည်။ ရဲကတော့ တခြားဘာကိုမှ ဂရုမစိုက်နိုင်ဘဲ၊ သူတို့နှစ်ယောက်ကို အလျင်အမြန် ခွဲထုတ်လိုက်ပြီး သူတို့ကို ကြားဝင် ဖြေရှင်းလိုက်တော့သည်။ နှစ်ယောက်လုံးကို ချော့ဖို့ အချိန်တော်တော် ယူခဲ့ရသေး၏။

မာမင်ယွီက ရဲစခန်းကို ပြန်လာပြီး သူ့လုပ်ဖော်ကိုင်ဖက်တွေကို နှုတ်ဆက်လိုက် ပြီးတဲ့နောက် သူ့ထိုင်ခုံသို့ ပြန်သွားခဲ့သည်။ ရေသောက်ပြီးတော့ သူက နက်နက်နဲနဲ တွေးတောလိုက်မိ၏။

လင်းချင်းယင်က သူ့ဘဝမှာ ကပ်ဘေးသုံးခု ကြုံခဲ့ရပြီး တစ်ခုက သူမွေးတုန်းက၊ ဒုတိယတစ်ခုက သူ့ အသက် ၁၈ နှစ်ပြည့် မွေးနေ့က ဖြစ်တယ်လို့ ပြောခဲ့တယ်။

သူမွေးဖွားတုန်းက ခက်ခဲတဲ့ အချိန်တွေ ရှိခဲ့သည်။ သူ့အမေက သူ့ကို မွေးဖွားတုန်းက ခက်ခက်ခဲခဲမွေးဖွားခဲ့ပြီး၊ သွေးထွက်လွန်ခဲ့ဖူးသည်။ အဲဒီ အချိန် ဆရာဝန်က ဘယ်သူ့ကို အရင်ကယ်မလဲလို့ သူ့ရဲ့ အဖေကို မေးခဲ့တယ်။ ကံကောင်းစွာဖြင့် သူ့ရဲ့အမေကို ကယ်တင်ခဲ့ပြီး၊ သူလည်းပဲ အသက်ရှင်ခဲ့သည်။ ဒီနှစ်တွေထဲမှာ သူ(မ)က သူ့ကို ခက်ခက်ခဲခဲ မွေးဖွားခဲ့ရတာကြောင့် သူ့အမေရဲ့ ကျန်းမားရေး ဆိုးရွားလာခဲ့သည်။