ရှေးဖြစ်ဟော ဆရာသခင် (MM Translation)

အပိုင်း (၁၀.၁) ဖြောင့်မတ်သော ဆရာသခင်

Unicode

လိပ်ခွံ‌လေးသည် လင်းချင်းယင်၏ အသိစိတ်ပင်လယ်ထဲမှ ပြေးထွက်လာပြီး ကြွပ်ဆတ်သော အသံနှင့်အတူ ကြမ်းပြင်ပေါ်သို့ လဲကျသွားသည်။ လင်းချင်းယင်၏ မျက်နှာသည် ဖြူဖျော့လာပြီး သူ(မ) မျက်လုံးများကို မှိတ်လိုက်မိသည်။ ခဏအကြာတွင် ရိုက်ခတ်ခြင်း၏ နာကျင်မှုသည် တဖြည်းဖြည်း ပျံ့နှံ့သွားသောအခါ၊ သူ(မ)သည် ကုတင်ပေါ်မှ ခုန်ဆင်းကာ မြေပြင်ပေါ်ရှိ လိပ်ခွံလေးကို ကောက်ယူလိုက်သည်။

ဤလိပ်ခွံသည် သူ(မ)၏ ယခင်ဘဝက လင်းချင်းယင်၏ မှော်လက်နက် တစ်ခုဖြစ်ခဲ့သည်။ ၎င်းသည် သူမနှင့်အတူ ကျင့်ကြံခဲ့ကြပြီး သူ(မ)၏ အသိစိတ်ပင်လယ်ထဲတွင် သိမ်းဆည်းခံခဲ့ရသော သူ(မ)၏အဖော်ဖြစ်သည်။

သူ(မ)သည် ၎င်းနှင့်အတူ နှစ်ပေါင်း ၁၀၀၀ နေထိုင်ခဲ့ပြီး၊ ၎င်းနှင့်အတူ အဆင့်တက်ရန် မိုးကြိုးဘေးဒုက္ခကိုလည်း လုပ်ဆောင်ခဲ့သည်။ လင်းချင်းယင်သည် ကောင်းကင်မှ နောက်ဆုံး မိုးကြိုး မထွက်ပေါ်လာမီ သူ(မ)၏ လက်ထဲတွင် ကျိုးပြတ်သွား‌တော့မ‌ည့် လိပ်ခွံလေးကို ကိုင်ထားကြောင်း သတိရမိသည်။

သူ(မ)သည် လိပ်ခွံလေးနှင့် သူ(မ)၏ ခန္ဓာကိုယ်က မိုးကြိုးကြောင့် ပျက်စီးသွားသည်ဟု ထင်ခဲ့သည်။ မထင်မှတ်ပဲ၊ လိပ်ခွံလေးက သူ့အလိုလို ကျုံ့သွားပြီး သူ(မ)၏ အသိစိတ်ပင်လယ်ထဲမှာ ပုန်းနေခဲ့၏။

လင်းချင်းယင်သည် လိပ်ခွံလေးပေါ်ရှိ မျဉ်းကြောင်းများကို ပွတ်သပ်လိုက်သည် ။ လိပ်ခွံ‌လေးသည် လင်းချင်းယင်၏ ထွက်သက်ကို ခံစားလိုက်ရသောအခါ၊ ၎င်းသည် လင်းချင်းယင်၏လက်ကို တရင်းတနှီး ပွတ်သပ်ပြီး မလှုပ်မယှက် ဖြစ်နေသည်။

လင်းချင်းယင်၏ အဆင့်တက်လာခြင်းသည် ကြီးမားလှသော ဘေးဒုက္ခတစ်ခုအဖြစ် အဆုံးသတ်သွားသည်။ လိပ်ခွံလေးသည် အသိစိတ်ပင်လယ်ထဲတွင် ပုန်းအောင်းနေနိုင်သော်လည်း မိုးကြိုးပစ်မှုများစွာကိုလည်း ခံခဲ့ရသည်။ ၎င်း၏ စိတ်ဝိညာဉ်သည် ပြင်းထန်စွာ ပျက်စီးခဲ့သည်။ ၎င်းသည် အသိစိတ်ပင်လယ်ထဲသို့ ပြေးမဝင်ခင် ၎င်း၏ ဝိညာဉ်စွမ်းအင်အားလုံးသည် ကုန်ခန်းသွားခဲ့ပြီးဖြစ်၏။