ရှေးဖြစ်ဟော ဆရာသခင် (MM Translation)

အပိုင်း (၁၅.၁) ပြဿနာကို ဘယ်လိုဖြေရှင်းမလဲ

Unicode

"ဆရာသခင်၊ ဒါတွေက ဆရာ ကျွန်တော့်ကို ရှာခိုင်းထားတဲ့ ကျောက်စိမ်းတွေပါ။ ဆရာ့ရဲ့ ဆန္ဒနဲ့ ကိုက်ညီပါ့လား မသိဘူး"

ကျန်းဝူသည် ကျောက်စိမ်းတုံး ၅၀ မှ ၆၀ ပါဝင်သော သေတ္တာကြီးတစ်လုံးကို လေးစားစွာဖြင့် ပေးအပ်လိုက်သည်။ အချို့မှာ ကျောက်စိမ်းလက်ကောက်များ၊ ကျောက်စိမ်းဆွဲသီးများဖြစ်ကြပြီး၊ အချို့မှာ အရောင်မတင်ရသေးသော မူလကျောက်စိမ်းတုံးများ ဖြစ်ကြသည်။

ကျန်းဝူသည် သူ၏စည်းစိမ်ဥစ္စာများ ပျောက်ကွယ်တော့မည်ကို သိထားပြီး၊ ယခုအချိန်တွင် သူသည် စိတ်မပူ‌တော့ပေ။ လင်းချင်းယင်သည် ကျောက်စိမ်းတုံး ၂၄ လုံးက လုံလောက်သည်ဟု ပြောခဲ့ပေမဲ့၊ အရည်အသွေး မပြည့်မီသော ပစ္စည်းများကြောင့် သူတို့၏ လုပ်ငန်းအား နှောင့်နှေးသွားမည်ကို စိုးရိမ်သဖြင့်၊ သူသည် အသက်တစ်ချက် ရှူရုံမျှတွင် နှစ်ဆလောက် ဝယ်ခဲ့လိုက်သည်။

ဝိညာဉ်ကျောက်စိမ်း အပြည့်ထည့်ထားသည့် သေတ္တာကို ကြည့်လိုက်သောအခါ၊ လင်းချင်းယင်၏ မျက်လုံးများက တောက်ပလာသည်။ သူ(မ)က ၎င်းတို့ကို တစ်ခုပြီးတစ်ခု ပွတ်သပ်လိုက်၏ :

"ရှင့်ရဲ့ ပြဿနာကို ဖြေရှင်းပြီးရင်၊ ကျွန်မကို ပိုက်ဆံ ပေးစရာ မလိုဘူး။ ဒါပေမဲ့ ကျန်တဲ့ ကျောက်စိမ်းတွေကို တော့ ကျွန်မကို ပေးနိုင်မလား"

ဖက်တီးဝမ်သည် ထိုစကားကို ကြားသောအခါ အနည်းငယ် စိုးရိမ်လျက်။ သူက လင်းချင်းယင်ကို မျက်တောင်ခတ်ပြရန် ကြိုးပမ်းခဲ့သည်။ ဒီလိုစီးပွားရေးလုပ်ငန်းတစ်ခု လုပ်မယ်ဆိုလျှင် ဒီလိုသဘောတူညီချက်မျိုး မပြုလုပ်သင့်‌ပေ။

သူ(မ)သည် သူ့(ကျန်းဝူ)အား ပေးဆောင်ခိုင်းသင့်၏။ နောက်ဆုံးတော့ ဆရာသခင်ငယ်လေးက ငယ်လွန်းနေပါသေး၏။ ဒီလိုကြီးမားသော ပြဿနာကို ဖြေရှင်းခြင်းအားဖြင့် သူ(မ)သည် ငွေအများကြီး ရရှိနိုင်မှာ သေချာပါသည်။

ကျန်းဝူသည် နှစ်ပေါင်းများစွာ စီးပွားရေးကို လုပ်ကိုင်ခဲ့သူဖြစ်သည်။ ဖက်တီးဝမ်၏ အဓိပ္ပါယ်ကို သူနားလည်သောကြောင့် ချက်ချင်း ကတိပြုခဲ့သည် :