ရှေးဖြစ်ဟော ဆရာသခင် (MM Translation)

အပိုင်း (၅.၂) ရဲအရာရှိငယ်လေး

Unicode

ဒါပေမယ့် မူလပိုင်ရှင်သည် Dongfang (သုန်းဖန်း) နိုင်ငံတကာ အထက်တန်းကျောင်းသို့ ဝင်ရောက်သွားပြီးနောက်မှာတော့ လူတွေက နတ်ဆိုးလို့ခေါ်တဲ့ အရာကို သူ(မ) နားလည်လိုက်ရသည်။

အထက်တန်းကျောင်းဝင်ခွင့်စာမေးပွဲမှာ ထိပ်တန်းကျောင်းသားတစ်ယောက်အနေနဲ့ ဆရာ/ဆရာမများ ရည်ညွှန်းလေ့ရှိသည့် သူ(မ)သည် အတန်းဖော်တွေဆီက‌နေ နှောင့်ယှက်ခြင်းခံခဲ့ရသည်။ သူ(မ)ရဲ့ စားပွဲကို အမြဲတမ်း ဆေးသုတ်ထားသည်။ ဒါမှမဟုတ် ထိုင်ခုံ‌ပေါ်တွင် သံချောင်းများ ရှိနေခဲ့သည်။ တစ်ဝက်ပွင့်သောတံခါး၏ ထိပ်တွင် ရေပုံးသည် အမြဲရှိ‌နေတတ်သည်။

တဖြည်းဖြည်းနဲ့ သူ(မ)ဟာ ဒီအသေးအမွှား ကိစ္စလေးတွေကို ကျင့်သားရလာခဲ့သည်။ မူလပိုင်ရှင်အတွက် သည်းမခံနိုင်သည့်အချက်မှာ အလုပ်သမားငယ်များသာ ဖြစ်သော သူ(မ)၏ မိဘများကို တိုက်ခိုက်ခြင်း ဖြစ်သည်။ သူတို့သည် သူ(မ)၏ဆင်းရဲသော မိသားစုကို အမြဲ တိုက်ခိုက်သည်။

ဤကဲ့သို့သော အခြေအနေမျိုးတွင် မူလပိုင်ရှင်သည် သူ(မ)၏ လေ့လာမှုအပေါ် လုံးဝ အာရုံမစိုက်နိုင်တော့ပေ။ ထို့ကြောင့် ပထမနှစ်၏ နောက်ဆုံး စာမေးပွဲတွင် သူ(မ)သည် အဆင့် ၃၅ နေရာကို ရရှိခဲ့ပြီး အတန်းတစ်တန်းလုံးက သူ(မ)အား မရပ်မနား လှောင်ပြောင်ခဲ့ကြသည်။

မူလပိုင်ရှင်သည် အသက် ၁၅ နှစ်၊ ၁၆ နှစ် အရွယ် ကျောင်းသူတစ်ဦးမျှသာ ဖြစ်သည်။ ဘယ်လောက်ပဲ စဉ်းစားချင့်ချိန်တတ်ပါစေ သူ(မ)သည် ဖိအားဒဏ်ကို မခံနိုင်‌ပေ။ သူ(မ)၏ မှတ်တမ်းကို ယူပြီးနောက် အိမ်မပြန်ခဲ့တော့ပေ။ သူ(မ)သည် အများပြည်သူပန်းခြံနှင့် မဝေးသော Xiaofu(ရှောင်ဖူ) မြစ်ထဲသို့ တိုက်ရိုက်ခုန်ချခဲ့သည်။

ထိုအချိန်တွင် လင်းချင်းယင်က နိုးထလာခဲ့သည်။

မည်သို့ပင်ဆိုစေကာမူ သူ(မ)နှင့် မူလပိုင်ရှင်ကြားတွင် အကြောင်းတရားနှင့် အကျိုးသက်ရောက်မှု ဖြစ်ရပ်များ အမှန်တကယ်ရှိခဲ့သည်။ လင်းချင်းယင်သည် မူလပိုင်ရှင်အတွက် လုပ်ပေးနိုင်တာက သူ(မ)မိဘတွေကို ဂရုစိုက်ပြီး တက္ကသိုလ်တက်ချင်တဲ့ ဆန္ဒကို ဖြည့်ဆည်းပေးရန်ပင်။