البارت الخامس .
بسَم الله الرحمٰن الرحيم .
اللهُم صلِي علىٰ مُحمد وآل مُحمد 🤍
قراءة مُمتعة الكُم
كبل لا اموت اوصيكم وصية
لاتدفنوني وكت المغربية
آني بعيشتي ويخنكني الغروب
إذا اموتن بعد شيسوي بيه؟
وغطوني بعباية امي إذا اموت
خاطر ماترجفني المِنية
المهم زورو الكبر لمن تحنون
مو چم لحظة وتحسبوها جية
جووني بدمعكم خاطر ارتحاح
واميزها المحنة المو قوية
وإذا على الفاتحة بالجامع تكون
الجادر من يسد شارع أذية.
_________________
اجيت اگوم بسرعة جر أيدي وبدون مُقدمات خلاها على چف أيدي حسيت روحي طلعت صرخت صوت بالسمَا والصوت بالگاع
شاااغت روحي من الألم گمت اطفر ماعرف شسوي بقيت افتر وأنا اصرخ
وهمّه ولا چن اكو بشر گدامهم متأذي ، علىٰ صوت صريخي اندگ الباب چانت جيرانة تسأل على الصوت دخلت وشافتني مفرفحة مرية چبيرة اعرفها من طفولتي سحبتني وياها وهيّ تتحسب علىٰ عمي ومرتة ..اخذتني وأنا ابچي وأحس بس اريد شي يخفف الألم
صاح عليها عمي
:- رجعيها ما تطلع
جاوبتة وهيّ تتحسب :- ولك ما تخاف الله بيها يتيمة هاي حوبتها تشلك وما تتعداك ..
عافتة وسحبتني متوجهين البيتها أمشي بروح خاوية وأون من الألم عيوني مغوشة من الدموع وما أشوف
:- عمت عيني عليچ يا يمة شمسوين بيچ إلما يخافون ربهم
هسة يمة هسة نوصل وأخليلچ علاچ لا تبچين
حچت هيچ تخفف من قهري بس أحس فززت كُل جرح بگلبي چنت أبچي من الألم هسة ابچي من وجع گلبي ..
فتحت الباب ودخلنا البيتهم لازمتني وتمشي صاحت
:- يمممممة نجيرسس تعااي بسرعة
أجت بنية شابة ترگض باوعتلي مستغربة
:- ها عمة شصاير
-: ركضي جيبيلي معجون اخلي بلگي يبرد الحرگ
گعدت تعبانة وصوتي رايح من الصريخ بس الألم يدگ بروحي بعده أجت البنية والحچية گعدت يمي
:- انطيني ايدچ يمة هسة تصيرين زينة لا تخافين
لزمت أيدي وحطت عليّ معجون احس فوك الوجع صار الوجع قاطات گام يگرص بية ويحرگني دموعي گامت تنزل بهدوء
الحچية تباوعلي مقهورة والبنية الشابة أجت گعدت بصفي
YOU ARE READING
الزّبرقان "غرور الأثمد"
Mystery / Thrillerبقيت أباوعلهَا وسمَعت أصُوات من بعَيد ، دبّ الخُوف بگلبي فتحَت الباب بسرعَة ودخلَت جَوة چان الباب خشَب ومهّدم بسرعَة أنفتح ختلتَ بوحَدة من الغُرف وصُوت دگات گلبي تنسَمع من الخُوف عَدلت الشمَاغ وغطَيت وجهَي كُله خليتَ بس عَيوني شعَري نازل من ورهَ و...
