الزّبرقان "غرور الأثمد"

Part 27

#الزّبرقان

يا بَعدني
وعِين عينيّ
يا حَنين أهلي وحَنيني

لا تنسون التصويت ، التعليق بين الفقرات ، مُتابعة الحسابي .
___________________

:- تحضروا اريدكم ترحون وياي تخطبولي

جاوبة ضرغام وهو يشرب جاي :- أي ميخالف حبيبي شوگت

:- هسة

حچاها وأحنىٰ واحد يصفن بوجهة الثاني چان يحچي بجدية وما مبين علي يشاقة والصدمنا اكثر من عرفنا إلي يريد يخطبها والسبب هم !

ضرغام من عرف السبب ما فكر ولا تردد گبل گله نروح ونخطبها ألك غصبًا علىٰ الكل وشاهين ما صدك گبل أخذه وطلعوا مادري وين

وذو الفقـار بقىٰ بالبيت يفتر فوگ روسنا واحنىٰ محتارين نحضر بهالوقت القصير العدنة خالة محتارة بزمانها وبس تريد تلحگ علىٰ كلشيء وهو يفتر وراها ويصيح

:- زوجيني يمة زوجيني عليچ العباس زوجيني خطيتي برگبتچ ترىٰ اذا ما تزوجيني

نترت بي خالة متوترة
:- وووولك وخرر وخرر خل اندل دربي الله كريم اخطبلك بس وخر هسة

عافها وراح يعلگ الأغاني هرج البيت هرج بالأغاني وكل شوي مغير أغنية ويرگص تونست ويا بقيت اصفگ واهلهل حتىٰ لو ما اعرف ما يهم وهو يهوس ليگول خطوبتة مو خطوبة شاهين

رحت للغرفة اطلعلي ملابس واجت سارة وراي سدت الباب وصوت الاغاني واصل للغرفة لازمة بإيديها فُستان إلي لازمتة وتفر بي وترگص هم مخبلة هاي چنها ذو الفقـار

تفتر بالغرفة وترگص وتهز بچتافها اخذت الفُستان منها يجنن چان مخصر علىٰ الجسم وسادة صعدت تبدل وأنا لبست الفُستان طلع يجنن علىٰ جسمي لبست عباية فوگ ملابسي وصعدت فوگ السارة

چانت لابسة فُستان مشابه الفُستاني بس يجنن عليها وشعرها القصير ويا الفُستان مطلعها تخبل گعدت تمكيجلي گلتلها مكياج خفيف كملت المكياج وطلع حيل حلو رُغم بسيط بس مرتب

وهي گعدت تكمل نفسها نزلت للغُرفة ارتب الباقي رجعت لبست العباية وطلعت اساعد خالة بالترتيبات الباقية وخليتها تروح تبدل وتكمل نفسها ذو الفقـار أختفىٰ حتىٰ الأغاني ماكو گعدت بالصالة انتظرهم

شوية ونزل ذو الفقـار من فوگ لابس قميص وبنطرون بس مرتب كلش ابتسمتلة احسه اخوي رُغم ما صار اعرفة هواي بـس يدخل الگلب بسرعة وهو حتىٰ ما يباوع بنظرة مو حلوة

مشىٰ وهو يطگ اصبع ويهز چتف ورجع علگ الأغاني وأنا گاعدة اضحك واصفگ ويا وهو يصوفر انفتح الباب ودخلوا ضرغام وشاهين انصدموا من شافوا راح طفىٰ الأغاني ووگف گدام شاهين يهوس