part 28

6.2K 385 69
                                    

#الزّبرقان

يَا كلبي الندم مايجبُر المكسور..

لاتنسون التصويت ، التعليق بين الفقرات ، مُتابعة الحسابي .
_________________

فجأة وبدون سابق أنذار اشتغلت الأضوية والباب أنفتح دخلوا شاهين وضرغام وذو الفقـار والأغاني اشتغلت ويا دخلتهم كل أللي صار بدقايق قليلة دخلوا وأنا ما مستوعبة ألليَ صار الخوفة بعدها بيه

يعني شنو هاي كله هم مسوينة وما هجموا علينا ! عيشونة برعب مو طبيعي حتىٰ الحامل سقطت من الخوف هسة علىٰ الهدوء الصار والعاصفة ألليّ اجت وراها

دخلوا يمشون شاهين عينة علىٰ سارة ضرغام مدنگ راسة وما مهتم وكلهم بصفحة وذو الفقـار بصفحة كل خطوتين يمشيهن يهز رگبة ويرجع يمشي طبيعي وسارة تحچي يم أذني وتدردم

:- باع الهيلگي باع شلون يباوعلة البنات

:- دشوفي شحلاتة شلون فرفوش حتىٰ رگصه حلو ومو مرعبل

دخل ابو رُسل سلمها الشاهين وهي دموعها گامت تصب وأيدها ترجف بچيت وياها من القهر وابوها يوصي بـ شاهين وهو يأشر علىٰ عيونة

طلعنا بالسيارات حتىٰ نزفهم سمعت ضرغام يحچي ويا فقـار

:- بسرعة اطلع قبلنا اريدك اول سيارة أمن الطريق وراح يجون وراك جماعة شاهين

هز ايدة يحچي ما عاجبة :- هو أنتَ دومك مضحي بيه

:- حيواااان لو ما خايف عليك ما اودي وراك حماية چان خليتك مثل الچلب وحدك

:- رحم الله والديك فضل منك ما تقصر

رجع يحچي وهو يسوي نفسه مقهور
:- هسة لو عندي مرة تخاف علي چان ما گابلت وجوهكم اخذها واطير

:- غير يگعد باتمان وين تطير

عافة وطلع يدردم سحبني ضرغام وطلعنا سوة صاح علىٰ خالة وسارة يجون ويانة حتىٰ ضحىٰ وأمها طلب يجن بـس ما قبلن راحن ويا اقاربهم

اجت خالة تريد تصعد ورا صعدت قبلها وسديت الباب باوعتلها من الجامة ضحگت واشرتلها علىٰ الگدام ضرغام أنتبه باوعلي وهو مبتسم صعدت وهي مستحية وما قابلة

:- ليش صعدتي ورا حبيبتي چان خليتيني أنه اصعد

:- خالة هو كله مكان ماكو فرق بس أنتِ چبيرتنا شلون تصعدين ورا وأنا گدام ماعرف هيچ انا

:- فدوة اروحلچ حبيبتي

شغل السيارة ضرغام وطلع ويا الزفة حچيت منزعجة من تذكرت الموقف اللي صار قبل شوي

:- ضرغام شسالفة عود ليش سويتوا هيچ والله خوفتونا

ضحك ورد
:- سوالف فقـار هاي لطش اذا ما يسوي اللي بباله ما ينزف شاهين

الزّبرقان "غرور الأثمد"حيث تعيش القصص. اكتشف الآن