الزّبرقان "غرور الأثمد"

Part 22

#الزّبرقان

خلي نلزم خصرك بوكت الشباب
و من نشيب نلزم السجاده
رگبتك مو للگلايد لا حرام
عدنه شفه تصير خوش گلاده

لا تنسون التعليق بين الفقرات + مُتابعة الحسابي والتصويت 💋
____________________________

واگفة بمكاني وفاتحـة عيوني بخُوف أباوعلهم مشيت  بسرعـة أريد اروح وعيني عليهم خاف ينتبهون بلحظة رفعَت عينيّ وأشوف فرح تباوعَلي ومقلصة عيونها تتأكد من عندي بقيت أباوعلها وعينيّ بعينهَا

عالشنو خايفة واريد اروح ؟ ما مسوية شي غلط متزوجة وزوجي وياي وعندي ثنين بظهري يسدون عين الشمس وخايفة من فرح وأيمن الليّ بحچايتين يخرطون العافيَة !

شفتها فتحت عينها بصدمة تباوعلي لزمت أيمن من أيدة تعتّ بي وهو دار عليها أشرت علية وهو بقىٰ صافن علي أبتسمتلهم رفعتّ أيدي وسَويتلهم هلو بأستفزاز

أجـوا بأتجاهي يرگضون وعافوا البنية اللي وياهم وحدها وفرح تريد تاگلني بسنونها تگتفت ووگفت انتظرهم أجت فرح تريد تلزمني وأنة تبعدت راجعة ليورة نظراتها كلها سم

:- مع الأسف عليچ فروحَة هيچ تستقبليني بعد هاي الفترة كلها ؟

:- الـ*** وين چنتي منو ملفيچ الله يعلم شمسَوية

رديت بأستفزاز متغاضية على غلطها الزفر
:- هههههههههه ملفيني الأشرف منكُم يا شُرفاء

حچـة ايمن بعصبية ينتر نتر
:- لسانـچ اگصة حييواانة ويين چنتي يم يا گ***

غُرور :- اوووو باع منو يحچي هاي شنو أيمن طالعلك لسـان وصاير زلمة وتصيح والله ماكو غيرك الگ**

أجـة يريد يجرني من أيدي لزمتها بقُوة منبتة اظافري بيها

:- ديربالك تعيدها وتمد إيدك ديربالك اكسرها الك وحق لا اله الا الله وبسرعة اختفي منا لا يجون ويشوفونك ما أتوقع يخلونك صاحي بمكانك وتحچي بزودك

فرح :- تهددين ها تهددين ولچ افصم ضهرچ اذا تحچين هيچ ويا أيمن تاج راسچ

طگيتها بضحگة ورديت :- منو يحمد العروس غير حبايبها يلا أيمن تمرغل من الفرح هسة ماماتك حمدت بيك وتعتبرينة تهديد نصيحة اي شي بس يلا توكلوا من يمي

لزمتني من أيدي عاصَرتها قوي وتذب سمها مثل الحية ما تقل بالسم مثلها

:- الله لا ينطيچ ولا يشوفچ يوم حلو بحياتچ الله يموتچ يا چلبة وارگص بفاتحتچ الله يدمر حياتچ مثل ما دمرتي حياتنا

:- هاي الدعَاوي التدعينها للسگف ما توصَل وكلها ترجعلچ بالمثل وماريد اكثر وياچ حچي لان سوالفكم تجيبلي لعبان نفس ودوخة راس لا اكثر ولا اقل