Part 26

6.9K 428 101
                                    

#الزّبرقان

شميتك لگَيتك نار
حيل تلوگ لذنـوبي♥️

لاتنسون التصويت ، التعليق بين الفقرات .
______________________

الصدمة أعتلت وجهنة من گالت كلماتها باوعتلي سارة تبلعن ووجهة لونـه مخطوف بالي كُله راح يم شاهين أعرفه يحبها او مُعجب بيها مادري !

غُرور :- عرسچ شنو ؟

رُسل :- اي ليش ما اعرس مثلًا

بقيت ساكتة ما حچيت شي وسارة علىٰ نفس صدمتها أبتسمت بهدوء ورديت

:- الله يوفقچ حبيبتي مبروك

طگتها بضحگة بصُوت ناصي ماتريد يطلع صوتها وحچت

:- باع الفاهيات صدك چذب ويني وين الزواج شبيچن ينضحك عليچن بحچايتين

ضحكت وياها فرحانة وسارة رافعة حاجبها وتحچي

:- الچذب مو زين لا تكثرين منه رسولة

حچت بهمس تضحك
:- تعلمت من اخوچ معلية انا

:- اخوي چذاب أنتِ تصيرين مثله ؟

ضحكت مغلسة علىٰ الوضع سولفنا سوة وبقت ساعة وحچت

:- تأخر الوقت راح اروح لا يجي حسن وما يلگاني ما يعرف بيه أجيتكم

حچت سارة بصدمة
سارة :- صدك تحچين ؟ شلون هيچ تجازفين وتجين شيسوي بيچ اذا عرف

رُسل :- لا ما يسوي شي أن شاء الله

غُرور :- خاف يأذيچ ؟

هزت راسها بـ لا مبتسمة تطمنا وأتصلت علىٰ التكسي الجابها وداعناها وطلعت تنتظرة بالشارع دخلنا من شفنا شاهين طلع يمها

رُسل :- واگفة انتظر السيارة تجي وحسيت بشخص يجي بأتجاهي لفيت راسي لمحتة شاهين رجعت درت وجهي أباوع للشارع

وگف بُعد خطوتين وحچة
:- شلونچ

أبتسـمت بهدوء ورديت
:- الحمداللّٰـه علىٰ السلامة ، أن شاءاللّٰـه عمليتك ناجحة ؟

تنهد ساكت مرت ثواني وجمد جسمي من حچه كلماته بكل جدية !

:- اذا اتقدملچ توافقين ؟ ماريد ابقىٰ بقلق وأنه اباوعلچ ماريد اخاف عليچ من اخوچ ، اريدچ يمي وببيتي ووحدة من أهلي تقبلين ؟

عضيت شفتي وصگيت ايدي بقُوة احس اظافري نبتت بإيدي احس بالگوة واكفة علىٰ حيلي ماعرف شجاوب ولا عرفت انطي ردة فعل تناسب الموقف

الزّبرقان "غرور الأثمد"حيث تعيش القصص. اكتشف الآن