Part 18

19K 973 876
                                    

#الزّبرقان

اجيك وشايل بروحي تعب جيلين
وارجع اخَف مِنّ الريش
اثاريه اليحب يعيش .

بسَم الله الرحمٰن الرحيم
اللهُم صلِي علىٰ مُحمد وال مُحمد

قراءة مُمتعة لاتنسَون التصويت + التعليق بين الفقرات + مُتابعة الحسابي 💕.
_________________________

حچيـت وأنـة مترددة :- ويـن چنت ؟

ما جَاوبني تقرب ونـزل يمي گلبـي يدگ بخُوف لزم رجـلي ومدهـا نـام وخلـه راسـة عليـها ما أحس الا صُوتة گـام يعلىٰ وهو يبچـي بنحيب !!!

تجمدت بمكاني وأنـة اشوف حالتة وماعرف شصَاير
خليت أيـدي بهدوء علىٰ كتفـة وحچيت :- ضرغام ؟

لزم أيـدي وهو يعصـر بيها خلاها علىٰ گلبـة وحچة
- تعبان غُرور

- شبيك يوجعك شي متأذي ؟

- مشتاقلـة

- منو ؟

بقىٰ ساگت ما يحچي شي سكتت ماعرف شحچي وهو
هـم حتىٰ ما گـام يبچي بس صافن بالفراغ وراسـة علىٰ رجلي

مرت فَتـرة مو قصيرة وحچـة بصُوت مبحوح حيـل
- چـنت يمة سُولفت ويا هُواي بس التراب مغطي الصـوچ مني مقصر ويا حـيل

گـام علىٰ حيلة باوعلي ورجع گـال :- تتوقعين زعـل مني ؟

هـزيت راسي بـ لا وأنـة ما فاهمة شي رجع گـال
- ما يزعل يدري بيـة شگد أحبـة

- أي

- عوفيني غُرور لا تبقين وياي ما اگدر احافظ عليـچ

- ليش هيـچ تحچي ؟

- ما گـدرت احافظ علي ما أريدچ تتأذيـن

- شبيك عن منو تحچي

ما جَاوبني سكت شويـة بعدين مثل الأستوعب باوعلي لزم وجهي وحچـة وهو يحاول يقنعني :- معليـچ بگلامي غُرور لا تعوفيني ما أذيـچ أنـة اضمچ بروحي وما اخلي شي يمسـچ

أبتسـمت بقهر ورديت :- منيلي أهل حتىٰ اعوفك باقيـة يمك

حچيتـها وهو صفن بوچهي لزم راسـي وحضني راسـي صار علىٰ صـدرة تجمدت بمكـاني مسح علىٰ شعري وحچـة
- أنـة اهلچ اصيرلچ اهل لا تضوجين

- ما ضايجة

سَكت وأنـة حچيت متسألة :- شبيك وضعك مو طبيعي ؟

تنهدت تنهيدة حسيتها شگت گلبـة سكت شويـة تبعدت عنـه وهو شغل جگاره وگال :- ترديـن اسولفلچ ؟

- أي

- ما تمليـن ؟

- لا

- شنو ترديَن تعرفين

الزّبرقان "غرور الأثمد"حيث تعيش القصص. اكتشف الآن