Part 25

7.4K 475 73
                                    

#الزّبرقان

أعرف مـا ألك جَية
وانه وداعتك هم گلت هاهية
بس حتى من أصد وألتهي بغير اشياء
بالصدفة الصور يتحارشن بية ..

لا تنسون التصويت + التعليق بين الفقرات .
_______________________

مُجرد ما سمعنا كلام شاهين شهگت فاتحة عيوني خليت ايدي علىٰ حلگي مصدومة وخالة گعدت بالگاع تبچي وتندب بحظها وتصيح علىٰ ضرغام الفاصل ما مستوعب الكلام لهسة

:- ولك يمة رووح الحك علىٰ أخيييك لا تگابلني وتگعدد روحله

أباوع الضرغام عيونـه مدمعة وواگف جسمة كله يرجف مايعرف شيسوي فتح الباب ورجع سدة ووگف بنفس المكان

فزيت من صرخ شاهين علىٰ ضرغام يصحي
:- مو وگتك هسسسة تصفن بسرعة أثمدد ركز ويااي !

صحىٰ من صفنته ركض للغُرفة بهلع طلع وبإيدة مسدس يركض ويضم بالمسدس جوة قميصـة طلعوا ثنيناتهم يرگضون

المطر ينزل بغزارة برىٰ والدنيا ترعد گعدت بالگاع اسمع بچي خالة وونينها وگلبي يأذيني بچيت بقهر ماعرف عليمن !

علىٰ نفسي لو علىٰ ضرغام الراح يفقد اخرىٰ ذكرىٰ من أهله لو علىٰ ذو الفقـار الطلع منا وبگلبه الف حسرة وخاطرة مكسور كلهن ألتمن

انطفت الكهرباء بسبب المطر القوي رحت گعدت بصف خالة اهديها روحـها راحت من البچي والقهر گعدت بالطارمة بالمطر تدعي والمُطر بللها

:- ربي بجاه أسمك العظيم تحفظة لأخية وما يصيبه مكروه

بقت تندعي هواي گلامها هزني هز گمت ابچي وياها وأندعي المُطر بللنا وأحنىٰ گاعدين نزلت سارة مستغربة

الكهرباء مطفية والمُطر برىٰ يدگ عيونها حُمر دم وأيدها علىٰ گلبها ووجهة معفوس اول ما شافتنا هيچ لزمت بالباب وحچت بنبرة مهزوزة

:- يمة گلبي يوجعني شصاير

اول ما حچت هيچ خالة بچت :- ولچ چا شگول علىٰ گلبي وگلب ضرغام راح يروح أخيه وهو چان ضامه بدم گلبه عن لا احد يأذي

باوعتلي ما فاهمة شي وكأنما تنكر ماتريد تفهم نزلت دموعي وهيّ من أستوعبت دخلت للبيت ايدها علىٰ گلبها مرت دقايق وما هان علي أعوفها احتاريت بين خالة وبين سارة دخلت اشوف سارة واطمئن عليها

لگيتها بالصالة گاعدة وحاضنها رجلية وصافنة بالفراغ ودموعها تنزل تقربت وگعدت يمها بهدوء خليت ايدي علىٰ ايدها وحچيت

:- اندعيله سارة أن شاءاللّٰـه مابي شي

باوعتلي عاصرة علىٰ ايدها قوي وحچت
:- گلبي يوجعني غُرور احس نار شابة بگلبي كله بسببي

الزّبرقان "غرور الأثمد"حيث تعيش القصص. اكتشف الآن