الزّبرقان "غرور الأثمد"

Part 9

البارت التاسَع

بسَم الله الرحمٰن الرحيم
اللهُم صلِي على مُحمد 🤍..

قراءة مُمتعة ، لا تنسون التصويت والتعليق بين الفقرات قلبي 🤍

من لگيتك چن لگيت الكون محبس
‏من عقيق و حاير بيا چف أضمه ...
_____________________________

سَحب التلفون مُناف من أيدي :- الأثمد شتگول ابيعَها لـ زقدچ ؟

غلِق السَبيكر وماعَرفت جوابَ ضُرغام طلع وقفل الباب

تنهدتَ سَاكتة تعبتَ من كُلشي ومن هذا الوضَع وبعد ماعندي طاقة أقاوم

- أخلصَ اليوم أصَفن بالفُراغ لو نايمة وما أكُل كُل يومين يلا يتذكرون يجَيبولي أكل وما استنضف أكل منهُم بس مجَبورة

دخِل مُناف للغرفة ولازم بأيدة علاگة سَودة

رفعت راسي أباوعلة گلبي ناغزني قفل الباب وتقدم عليّ بشبه أبتسَامة زحفت ليورة وهو تقدم گعد مُقابيلي

غُرور :- شتريد

مُناف :- نتسَامر وياچ

فتح العلاگة چان بيها شي أبيض يشبه الملح

باوعتلة بأسَتغراب ضحك وگام يربطِني بالحبال

- ربطَ أيدي ورجلي وأنا ادفر بيّ أريدة يعوفني بس چانت حرگتة أقوة مني بَسرعة ربطني ورجع علىٰ نفس گعدتة

لزم أيدي وهو يبتسمَ أبتسَامة قذرة طلع من جيبة خنجر !
فتحتَ عيوُني بقوة وگلبي راح يوگفَ من الخوف

لزم أيدي وهو يباوعلها شاف أثر الحرگ صفن عليّ وأردف

- منو مسوي بيچ هيچ ؟

- عوفني حَباب

- گتلچ منو مسوي هيچ

- والله ما مأذية احد بس عوفني

هز راسَة ساكت لزم الخنجر وهو يباوعَلي گام يمشي بيَ بهدوء علىٰ أيدي مثل إلليّ يدغدغ عيوني بدت تصب دمُوع ..

الهچ بالأدعية في سَبيل يترگني وما يكمل الليّ ببالهَ

ضغط علىٰ الخنجر حيل دخل بـَ أيدي
صرخت بصَوت عاالي وهو مكمل يمشي علىٰ باقي أيدي

أدفع بي وهو ثابت ومقيدني روحيَ طلعت من الألم
الدم ينزل من أيدي وهو ولا چَن

صافن علىٰ أيدي بدون أي ردة فعل

صَرخت وأنا اتوسَل بي :- الله عليك كافي روحي راح تطلع

رفع راسة يباوعلي شال الخنجر من أيدي
وأنا عيوني مغوشة من الدمُوع الألم يدگ بگلبي

حقدت علىٰ شكو شخص چان السَبب بوضعي هذا
تمنيت بعدني ذيچ الطفلة والعب بحضن جدو مو بهَالحال هذا