Part 24

7.9K 462 118
                                    

#الزّبرقان

وبس انتَ
العزلتّك بين هاي ناس
ورمَمتك وانه بيوت اهلي مهجومة

لاتنسون التعليق بين الفقرات + التصويت ومُتابعة حسابي 🤏🏻.
_________________________

رديت ببرود عكس الهوسة لبداخلي
:- الأعمار بأيد رب العالمَّين مو بأيدنة

:- وأنتِ تعرفين كلش زين لعبتهم ياخذون بأرواح العالم وما يوگف بوجهم بشر ؟

:- ضرغام موجود وما يخلي الهوىٰ يغثك ولو ما خايفين من ضرغام ما يسوون هذا كله

:- وأنه زعطوط گدامچ والبد بضهر ضرغام ؟؟

:- فهمتني غلط

بقىٰ صافن بوجهي ساكت نزل راسـة ونزل قبلي يتحسر سكتت ونزلت جـوة لگيتهم متجمعين بالصـالة يسولفون غُرور گاعدة وساكتـة استغربت لأول مرة هيچ أشوفها هادئة كلشش

چانت من تگعد ما تسكت حتىٰ لو تتعارك المهم تسولف گعدت يمها مستغربة وهيّ باوعتلي ورجعت دارت راسها

حچيت وياها وهي بس تهز براسـها درت أباوع الضرغام هو هم منتبه ويباوعلها وعيونة القلق تارسها ذو الفقـار موجود بـس ابد ما رفعت عيني وباوعتلة لحد ما حچة موجه گلامه الغُرور

:- اكلچ خوية شو إنتِ ما تحچين وين طاح بيچ ضرغام

حچـة ضرغام يسكتة :- اسكت عنها لك

:- لا العباس عليك هاي هي من الشركة هيچ هادئة ؟ شو احسها حتىٰ ما تتنفس

ردت علي غُرور بأنزعاج :- أي مو عايشة علىٰ قدرة قادر

حچة ذو الفقـار مستمر :- وعلي قلقتيني لا تسولفين لا شي شني ميت رجلچ مو هذا گاعد كدامچ چنه حصان

ضرغام :- ببيش مفاولني ابن الأوادم

وذو الفقـار يهز بإيدة ما عاجبة وضرغام يگله

:- عزيزي هي مرتي كلش هادئة صوت ما ينسمعلها حتىٰ من تعصب تحسهة تشاقة وياك

أباوع الغُرور تخزر بي وأنا بالگوة لازمة ضحكتي اخاف اضحك وتدفرني وذو الفقـار رافع حاجبة ما مصدك

حچت وهي تدردم بصوت ناصي ما ينسمع

:- اكبر چذاب وملعب شكو تچذب اذا هالگد ما عاجبتك وجاي تچذب وتحسن بسمعتي عوفني شعندك لاطش بيه لو هي دودة

تحچي وأنا سكرانة من الضحك دارت علي خازرتني

:- اذا تضحكين ادفرچ اسويج مضحكة كومي من يمي

جاوبت بأنكار
:- لا لا شبيج منو ضاحك ؟ و اللّٰـه عيب عليچ شوگت ضحكت ؟

:- أي سويني چذابة بعد منو اخوچ ضرغام يكبس وانتِ ترفعين

الزّبرقان "غرور الأثمد"حيث تعيش القصص. اكتشف الآن