Part 7

13.8K 942 288
                                    

البارت السابع .

بسَم الله الرحمٰن الرحيم
اللهُم صلِي علىٰ مُحمد وآل مُحمد

قراءة مُمتعة ..

اني هَم مَتعوبة مثلك ،
هاك مَتني وخلي أدينك ..
هاك خل نروح نفتر كُل دَرابين المَدينة ،
حَتى أكلك ذَني كُلهن فدوة يرحن يم حَنينك .
____________________

أخذتة منها وفتحت خط جاوبتي نرجس وهيّ تسأل ومن بعد السلام صدمتني بگلامها وهيّ تگول ..

نرجس :- بيت عمچ مخبوص والناس طابة طالعة وحتىٰ صوت سيارات شرطة

غُرور :- صدددك تحچيين ؟

نرجس :- أي والله هسة عمتي راحت تشوف شكو

غُرور :- ماشي شوفي ورجعيلي خبر

قطعت الأتصال منها وسألتني رُسل شصاير
سولفتلها علىٰ إليّ گالتة نرجس ، باوعتلي وحچت :- خاف يدورون عليچ

هزيت راسي نافية هالشي لان ما أتوقعها منهم
غُرور :- لا ما تطلع منهم هذول
ضحگت علىٰ گلامي :- الهالدرجة غاسلة أيدچ منهم

غُرور :- وأكثر بعد أخيس منهم ما شفت
حچيتها ورجع دگ التلفون بسرعة شلتة وجاوبت چان المُتصل نرجس

غُرور :- ها نرجس

نرجس :- ولچ أبن عمچ أيمن مسويلة مصيبة شگبرها متعارك وفاشخ راس الولد وهسة أهله كُلهم هادين علىٰ بيتكُم

تنفست براحة لان السالفة مو يمي :- طبهم حريشي كُله من أيديهم هو هذا أيمن شنو فد نعال ومشيخينا

نرجس :- بس گلش متأزم الوضع عمتي تگول أيمن اخذوا الشرطة وفرح ماتعرف شتسوي بروحها

غُرور :- الحمدلله ربي ما ضيع حوبتي بلگي ينعدل بالسجن ولو ذيل الچلب ما ينعدل علىٰ العموم بعد أحسن حتىٰ يلتهون وينسوني

ودعت نرجس وقطعت الأتصال حچت رُسل متسألة عن هوية أيمن حچيتلها وأنه لاعبة روحي :- أسقط خلق الله شكو سالفة عوجة عندة من هو وصغير مچلوب وحالة حال النسوان وسوالف أُمة كُله عندة

رُسل :- يبووووي شگد أكره هيچ زلم

غُرور :- شگد عيب زلم شنو ! ولچ يمة هذا ينحسب علىٰ الذكور مو الزلم

ضحگت وصاحتنا ضحىٰ حتىٰ نروح يمها طلعنا للمطبخ چانت خالة "أيناس" مرت الشيخ وضحىٰ بالمطبخ گاعدات يحظرن الغدة وگفت أساعدهن ، تونست وياهن حيل حچت خالة أيناس وهيّ تنظف الخضرة

أيناس :- بنيات نظفوا الديوان والبيت اليوم يجون خطار أقارب الشيخ

رُسل :- أهو يومية خطار والله تعبنة

الزّبرقان "غرور الأثمد"حيث تعيش القصص. اكتشف الآن