Nine Star Hegemon Body Arts
ဆေးသိဒ္ဓိရှင်
Chapter(166)အန္တေဝါသိကဂိုဏ်းသားများ ရွေးချယ်ခြင်းထန်၀မ်အာ၏ အပြုအမူက လူတိုင်းကို အာရုံစိုက်သွားစေသည်။စိတ်လှုပ်ရှားနေကြသည့် ဂိုဏ်းသား
များပင် ပွဲကိုကြည့်ရန်အတွက် ငြိမ်ကျကုန်ကြသည်။အန္တေဝါသိက ဂိုဏ်းသားရွေးချယ်မှု စတော့မည်။
လူတိုင်းက ထန်၀မ်အာကို စောင့်ကြည့်နေကြသည်။"ပြိုင်ဘက်တွေထဲမှာ သာလွန်ထူးခြားသည့် နတ်ဘုရားမ ၀မ်အာ အလွယ်တကူအနိုင်ရ ရ မယ်"
ထန်၀မ်အာက ကျောက်တုံးနံရံအနားသို့ရောက်စဉ်တွင် မိုးခြိမ်းသံကဲ့သို့ ကျယ်လောင်သော အသံကြီး
ကို ကြား၍ လှည့်ကြည့်ရာ အလံတစ်လက်ကို ကိုင်၍ ဝေ့ယမ်းနေသော လုံချန်ကို တွေ့သည်။သူတိုင်
ပေးသည့် ဆောင်ပုဒ်အတိုင်း အဖွဲ့သားများကလည်း လိုက်ပါအော်ဟစ်လျှက်ရှိ၏။သူ၏ အပြုံးကိုမြင်သည်တွင် ထန်၀မ်အာမှာ အတော်အတန် စိတ်လက်ပေါ့ပါးသွားရသည်။သည်အပြုံး
ကြောင့် သူမနှလုံးသား က သိပ်ကိုနွေးထွေးရပါသည်။သည်ကောင်ကလေးသည် မျက်နှာပြောင်လှ
သော်ငြား ယခုအခါ ၌ သူမ၏ စိုးရိမ်စိတ်များလျှော့ပါးသက်သာစေရန် ကူညီပေးနေခြင်းဖြစ်သည်ဟု
ထန်၀မ်အာသိသည်။သူမက သူဦးဆောင်နေသည့်အဖွဲ့ကို ပြန်၍ လက်ဝေ့ယမ်းပြကာ အကြီးအကဲတုဖုန်းထံသို့ရိုသေစွာ
ဖြင့် သွားလိုက်၏။"အကြီးအကဲကို ဒုက္ခပေးမိပြီ အန္တေဝါသိက ဂိုဏ်းသားပြိုင်မလို့ပါ အလယ်တန်း .. ညာဘက်ကရေရင်
တတိယမြောက်ဂူပါရှင်"တုဖုန်းက ခေါင်းငြိမ့်၍ ကျေနပ်စွာပြုံးသည်။
"မင်းရဲ့သိုင်းပညာကို အကုန်သုံးပါမိန်းကလေး ချန်ထားတာမျိုးမလုပ်နဲ့ တစ်ကယ်လို့ ပြဿနာရှိခဲ့
ရင် ဘယ်အချိန်မဆိုပြန်ဆုတ်လာလို့ရတယ်"မဟာပါရမီ့ရှင်များကိုမူ တုဖုန်းပင်လျှင် နှိုင်းနှိုင်းချိန်ချိန်ဖြင့်ပြောရသည်။အကယ်၍ ဤသို့သော ဂိုဏ်း
သားတစ်ယောက်က ဤနေရာ၌ သေဆုံးခဲ့လျှင် ရွှမ်ရှင်းအတွက် ကြီးစွာသော ထိုးနှက်ချက်ကြီး
တစ်ခုဖြစ်လိမ့်မည်။
YOU ARE READING
ဆေးသိန္ဓိရှင် ( လုံချန် ) Book 1(ခွင့်ပြုချက်ရပြီး)
Adventureမူရင်း ENG Name: Nine Star Hegemon Body Arts မူရင်း စာရေးသူ : ordinary magician တရုတ်မှ အင်္ဂလိပ်ဘာသာသို့ပြန်ဆိုသူ: Born to be ဘာသာပြန်သူ - MKAung သူဟာဆေးနတ်တူရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးန တ်တုရားရဲ့ ဝိညာဉ်တော် နှင့် သူ့ဝိ...