Unicode
အချိန်တွေက အရမ်းကြာလွန်းသည်။
မိုး ကိုခန့်ထားရဲ့အခြေအနေကို ခိုးခိုးကြည့်နေတာ ကိုခန့်ထားပင် ရိပ်မိနိုင်၏။ဒါပေမဲ့လည်း မတတ်နိုင် အတူရှိနေတဲ့ ဒီလိုရှားပါးအချိန်လေးမှာတော့ ကိုယ်မြတ်နိုးခဲ့ရသူရဲ့မျက်နှာလေးကို အဝကြည့်ချင်မိသည်။
"မိုး ပြောတာဒီနေရာလား "
ကားရပ်တော့မှ မိုးဘက်သို့လှည့်ကြည့်လာသည့် ကိုခန့်ထား၊ဒီတစ်ခါတော့ ကိုခန့်ထား မိုး ခိုးကြည့်နေတာကို ပေါ်တင်မိသွားခဲ့ပြီ။မိုး သိက္ခာတွေ ရေစုန်မြောသွားရသည့်အတိုင်း မိုး ရှက်ရွံစွာ မျက်နှာများနီမြန်းသွားခဲ့ရ၏။
"ဟုတ်...ဟုတ်တယ်၊လိုက်ပို့ပေးလို့ကျေးဇူးပါနော် ကိုခန့်ထား နောက်မှထပ်တွေ့ကြတာပေါ့ "
မိုး ရှက်လွန်းတာကြောင့် မျက်နှာတောင်ထပ်မဖော်ရဲတော့ဘဲ ကိုခန့်ထားကိုအမြန်နူတ်ဆက်ကာ ကားပေါ်မှပြေးဆင်းသွားခဲ့မိသည်။
ကိုခန့်ထားတော့ မိုးအပေါ် ဘယ်လိုဝေဖန်နေမှာလည်း မသိပေမဲ့ ကော်ဖီဆိုင်ထဲရောက်မှ မိုးလုပ်ခဲ့တာအတွက်နောင်တရမိ၏။
မိုး ကိုခန့်ထားကိုကောင်းကောင်းနူတ်ဆက်ခဲ့ရမှာ အခုတော့ မိုးရဲ့ပျာသီးပျာတာပုံစံကိုမြင်ပြီး ကိုခန့်ထား စိတ်ပျက်သွားလောက်ပြီ။
စိတ်မကောင်းဖြစ်စွာနဲ့ဘဲ မိုး ကျောခိုင်းရင်း ကော်ဖီဆိုင်ထဲသို့ လျှောက်လာခဲ့ရုံသာတတ်နိုင်ပါတော့သည်။
သူပြန်လှည့်လည်း ထူးမှမထူးတော့တာ ကိုခန့်ထားက မိုးကားပေါ်ကဆင်းတာနဲ့ ထွက်သွားလောက်ပြီဘဲ။
"ဒီမှာ ခင်ဗျ "
ကော်ဖီဆိုင်ထဲသို့ဝင်လာသည့် မိုးကိုမြင်တော့ လူတစ်ယောက်ကလှမ်းခေါ်သည်။မိုး မသိတဲ့လူဖြစ်တာကြောင့် မိုးကြောင်သွားမိပေမဲ့ ပြီးမှ မင်းခန့်ရှာပေးထားသည့် သူမှန်းသတိရသွားကာ မိုး ထိုသူဆီသို့ မဝံ့မရဲသွားရင်း_
"မင်းခန့် မိတ်ဆတ်ပေးတဲ့ ကိုအောင်သပြေဆိုတာ...."
"ဟုတ်ပါတယ် ကျွန်တော်ပါ၊ထိုင်အုံးလေ "
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...