Unicode
အကောင်သေးကိုထားခဲ့ပြီး ရန်ကုန်ကိုပြန်လာရတော့ နှိုင်းရဲ့စိတ်ထဲမှာ တစ်ခုခုလစ်ဟာသွားသလို ခံစားနေရသည်။
"မင်းပြောတော့ တစ်ပတ်ဆိုပြီး တစ်လကြီးတောင်ပျောက်သွားတာ ငါတို့နောက်ခရီးစဥ်တွေဘယ်လောက်တောင်လွှတ်ခဲ့လဲသိလား "
ပရိုဂျူဆာကြီးက ရွာကနေ အခုမှပြန်ရောက်သည့် နှိုင်းကို ကောင်းကောင်းမွန်မွန်တော့မကြိုဆိုခဲ့ပါ။ရွာမှာ အချိန်တွေမလိုအပ်ဘဲအများကြီးဖြုန်းခဲ့မိသည့် နှိုင်းအပေါ် သေချာပေါက် ပွားနေခဲ့၏။
"အလဟဿမှမဖြစ်တာ ဓာတ်ပုံအသစ်တွေအများကြီး ထပ်ရခဲ့တာဘဲ "
"မှန်ပါတယ် ဒါပေမဲ့ ဒီနေရာကဒီနေရာနဲ့ဘဲ ထပ်နေတာကို ကြည့်ရူသူတွေကဘယ်စိတ်ဝင်စားတော့မှာလဲ "
"ကျစ်*နားညီးလိုက်တာဗျာ "
ထိုင်ပြီး နားအပူမခံနိုင်တော့တာကြောင့် နှိုင်း ထိုနေရာမှထွက်လာခဲ့လိုက်ပါတော့၏။ကျန်ခဲ့သည့် ပရိုဂျူဆာကြီးက နှိုင်းထွက်သွားသည်အထိ နှိုင်းကိုပွားလို့မပြီးနိုင်သေးဘဲ ကျန်ခဲ့သည်။
ကြမ်းတမ်းသည့်လမ်းတွေအပေါ်အချိန်အကြာကြီးမောင်းခဲ့ရတာမို့ မြို့ရောက်သည်နှင့် နှိုင်း ဆိုင်ကယ်ပြခဲ့ရသည်။
"အင်ဂျင်တွေတော်တော်ထိထားတယ်၊အတွင်းပိုင်းတွေကောဘဲ ဘယ်လောက်ထိတောင် ဆိုးဆိုးရွာရွားမောင်းခဲ့တာလဲ "
"ပြင်နိုင်လား မပြင်နိုင်လားဘဲပြော "
"အကုန်ပြန်လဲရမှာဆိုတော့ အဲ့ဘက်က တော်တော်ပြန်စိုက်ရမှာနော် "
"အဲ့ဆိုလည်း အဲ့ဆိုင်ကယ်ကြီး ခင်ဗျားဘဲယူလိုက်တော့ "
နှိုင်းကတော့အတည်ပြောခဲ့ပေမဲ့ ပြင်ဆရာက နှိုင်းနောက်သည်အထင်နှင့် ရယ်နေခဲ့၏။ဆိုင်ကယ်ကိုတကယ်ကြီးချန်ခဲ့ခါမှ ပြင်ဆရာလည်းဆက်မရယ်နိုင်ဘဲကြောင်သွားခဲ့ရသည်။
ဘယ်သူက ဒီလောက်သိန်းချီတန်တဲ့ဆိုင်ကယ်ကို အဆုံးရူံးခံပြီးထားခဲ့မည်နည်း။အဲ့လိုလုပ်တဲ့သူက သေချာပေါက်စိတ်မမှန်တဲ့သူသာလျှင်။
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...