Unicode
မိခင်သေဆုံးမူ့ကိုမျက်မြင်ကြုံတွေ့ရပြီးနောက် ရှော့ခ်ရပြီး ဆေးရုံပေါ်မှသတိရလာသည့်နှိုင်းလေးသည် ထိုနေ့မှစ လူတွေ၏မျက်နှာကိုမမှတ်မိနိုင်တော့ပါ။
လူတစ်ယောက်ကိုကြည့်လိုက်လျှင် မိခင်ဖြစ်သူ၏ကြောက်စရာကောင်းသောမျက်နှာပုံစံကိုသာ မြင်ယောင်နေတာကြောင့် နှိုင်းသည် လူတွေကို သူတို့၏ခန္ဓာကိုယ်နှင့်သာ ဘယ်သူဘယ်ဝါဖြစ်ကြောင်း သတ်မှတ်ပြီး ဝေခွဲနိုင်တော့သည်။
ဆေးရုံမှ ဆင်းဆင်းပြီးချင်း အမေ့အခန်းထဲက ကင်မရာကို နှိုင်းပြေးယူမိ၏။
အမေနဲ့အတူရှိချိန်ခိုက်တွင် အမေသည်နှိုင်းကိုဒီကင်မရာနှင့်မှတ်တမ်းများယူထားခဲ့သည်ကို မှတ်မိတာကြောင့် ထိုနေ့အဖြစ်အပျက်ကို သေချာသိရအောင် နှိုင်းယူထားခဲ့ခြင်းဖြစ်သည်။
မေမေ့ကိစ္စကြောင့်နဲ့ ဒီကင်မရာကိုဘယ်သူမှသတိမထားမိခဲ့ကြပုံပင်။မေမေသေဆုံးတဲ့နေ့ကအတိုင်း ပုံမပျက်ရှိနေသေးသည်။
မေမေရိုက်ကူးထားတဲ့ ဗီဒီယိုကိုကြည့်လျှင် ငယ်စဥ်က ကြောက်စရာကောင်းသည်ဟုထင်မှတ်ပြီး ကြောက်စိတ်ကြောင့်ငိုကြွေးမိခဲ့ရာ အရွယ်တဖြည်းဖြည်းရောက်လာပြီး အသိဥာဏ်ဖြည်းဖြည်းခြင်းဖွံ့ဖြိုးလာသည်နှင့်အမျှ ဒါဟာ ကြေကွဲဖွယ် အဖြစ်အပျက်မှန်း နှိုင်းဝေခွဲတတ်လာသည်။
ထို့နေမှစ နှိုင်းသည် မိခင်ဆုံးရူံးသွားသည့်အပေါ် ပူဆွေးမနေတော့သလို၊ငိုလည်းမငိုကြွေးနေတော့ပါ။မေမေဖြစ်ချင်သည်ကလည်း နှိုင်းကိုအခုလိုပူဆွေးနေခြင်းမဟုတ်ဘဲ ပိုပြီးသန်မာစေချင်ခဲ့သည်ဟု သုံးသပ်မိသည်။
နှိုင်းသည် လူတွေကိုမုန်းလာ၏။အမြဲတမ်းလိုလို အိမ်စေတွေအပေါ် ကိုယ်ထိလက်ရောက်ကျူးလွန်တတ်လာပြီး အထူးသဖြင့် ဖခင်အပေါ်ကိုလည်း ရိုင်းစိုင်းဆဲဆိုတတ်လာသည်။
ထိုဆိုးရွားနေသော အခြေအနေများသည် ဒေါ်ဝင့်နေချီတို့သားအမိ နှိုင်းတို့အိမ်ပေါ်သို့ရောက်လာချိန်တွင် ပို၍ဆိုးရွားလာပါသည်။
BINABASA MO ANG
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...