Unicode
"ဆရာလေး ရှာလိုက်ရတာ၊ဘယ်ရောက်နေသတုန်း "
နောက်ဖေးတွင် နှိုင်းနှင့်စကားပြောခဲ့တာ အချိန်တော်တော်ယူခဲ့မိသည်ထင်ပါ၏။ဘယ်ချိန်ကတည်းက မိုးကိုလိုက်ရှာလည်း မသိသည့်သူကြီးက မိုးကိုမြင်ခါမှ သက်ပြင်းချနိုင်သည်။
"နောက်ဖေး ခဏသွားနေတာပါ သူကြီး "
"အဲ့သလိုလား...ဒီလိုပါ ဘကြီးက ဆရာလေး စောစောပြန်သွားမှာစိုးရိမ်နေတာ၊ကျန်တာ ဘာမှထွေထွေထူးထူးတော့ မရှိပါဘူးကွယ်...။ဆရာလေး ဒီမှာ ညအထိအေးဆေးနေရမယ်နော် "
"စိတ်ချပါသူကြီး ကျွန်တော်နေမှာပါ "
နှိုင်းရဲ့အနီးအနားကနေ မိုးကိုသူကြီး ဆွဲထုတ်လာတာကိုဘဲ မိုးကျေးဇူးတင်နေမိပါတော့သည်။မဟုတ်လျှင် မိုးတစ်ယောက်တော့ နှိုင်းရဲ့ကျောချမ်းစရာကောင်းလောက်သော အငွေ့အသက်အောက် အသက်ပျောက်နေလောက်ပြီဖြစ်၏။နောက်လှည့်မကြည့်ရပေမဲ့လည်း မိုးအပေါ် နှိုင်းအကြည့်မလွဲသေးမှန်း စိတ်ထဲမှ ခံစားနေရသေးသည်။
သူကြီးကို ကတိပေးထားသည့်အတိုင်း မိုးတို့ မှောင်ရီပျိုးသည်အထိ သူကြီးအိမ်မှာဘဲ ရှိနေခဲ့ကြသည်။မိုးတစ်ယောက်တည်းတော့မဟုတ် ရွာထဲမှအပျိုလူပျိုအချို့နှင့်နှိုင်းလည်းအပါအဝင်ဖြစ်၏။
"သူကြီးကတော့ဗျာ ကျွန်တော်တို့ကိုခေါ်ထားပြီး သူကိုယ်တိုင်ကျ အစောကြီး အိပ်ယာဝင်နေပြီ "
"သြော်...ရှင်ကလည်း ဟိုကလူကြီးဘဲ စောစောအိပ်ယာဝင်ခြင်မှာပေါ့ "
"ဖေကြီးကအိပ်ယာဝင်သွားပေမဲ့ နှင်းနဲ့ဖြူလေးတို့ ဆက်ပြီးဧည့်ခံပေးပါ့မယ် ကိုကြီးစိုးရယ် "
သူကြီးမှာ သမီးနှစ်ယောက်ရှိ၏။အကြီးတစ်ယောက်ကတော့ နှိုင်းနှင့်ဖြစ်ခဲ့ဖူးသည့်နှင်းပွင့်ယမူံဖြစ်ပြီး အငယ်တစ်ယောက်မှာတော့ ဖြူစင်မွှေးဖြစ်သည်။နှစ်ဦးလုံးက ညိုညိုညပ်ညပ်လေးနှင့်လှလွန်းတာကြောင့် ကာလသားတစ်ချို့ ယခုချိန်ထိသူကြီးအိမ်မှာ ရှိနေရခြင်း အကြောင်းရင်းတစ်ခုဖြစ်ပါပေလိမ့်မည်။
BINABASA MO ANG
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...