Unicode
ဆေးရုံ၏ထပ်ခိုးတစ်နေရာရှိ ခုံတန်းပေါ်မှာထိုင်ရင်း အပြာရောင်ကောင်းကင်ကြီးကိုမော့ကြည့်လျက်ရှိကာ ရူပ်ထွေးနေသည့်စိတ်ကို တည်ငြိမ်အောင် ကြိုးစားယူလျက်ရှိနေသည်။
"ဦး...ဧည့်သည်ရောက်နေတယ်နော် "
သူနာပြုမလေး၏ဧည်သည်ရောက်နေကြောင်းသတိပေးစကားကြောင့် ဦးဆော ဆေးပိုက်တန်းလန်းနှင့် ထိုင်နေရာမှထလျက်_
"ဧည့်သည်လား ကြည့်ရတာ နှိုင်းလေး လာလည်တယ်နဲ့တူတယ် "
မလာတာကြာပြီဖြစ်သည့် နှိုင်းအကြောင်းကို တတွေးတွေးနှင့် အခန်းရှိရာဆီသို့ဦးတည်လာချိန် တံခါးဘက်ကျောပေးရင်း ပြတင်းပေါက်၏အပြင်ဘက်သို့လှည့်ကြည့်လျက်ရှိနေသည့် အနောက်တိုင်းဝတ်စုံပြည့်နှင့် လူငယ်တစ်ဦးအားမြင်လိုက်ရသည်။
မရင်းနီးသည့်အငွေ့အသက်ကြောင့် ဦးဆော မြင်မြင်ချင်းတင် လှမ်းမေးခဲ့၏။ဦးဆော အမေးကြောင့် တစ်ဖက်လှည့်လာသည့် လူလေးက ဂုဏ်ရှိန်အပြည့်နှင့် ပြေပြစ်လှတဲ့မျက်နှာအနေအထားက အပြုံးမပျက်တာကြောင့် ကြည်နေလျက်။
"မတွေ့ရတာတောင်ကြာပြီနော် ဦးဆော "
"ဘယ်သူ...."
ထိုသူငယ်ကိုကြည့်ရတာ ဦးဆောကိုအရမ်းရင်းနှီးနေသလို။ဦးဆော ထိုသူငယ်ကိုချက်ချင်းမမှတ်မိပေမဲ့ ကြည့်နေရင်း ရင်းနှီးလာတာကြောင့်_
"သြော်...အကိုလေးခန့်ထားစစ်ချီပါလား "
"ဦးဆောသာ ကျွန်တော့်ကိုမမှတ်မိရင် ဝမ်းနည်းမိတော့မလို့ဗျာ "
"အကိုလေးစစ်ချီ ထူးထူးဆန်းဆန်းကြီးပါလား "
ဦးဆော ရပ်ရတာကြာပြီဖြစ်တာကြောင့် နည်းနည်းအမောဆို့လာတာနဲ့ အားမနာနိုင်တော့ဘဲ ကုတင်ပေါ်သို့ ဝင်လှဲလိုက်ပါတော့သည်။အကိုလေးစစ်ချီကလည်း ဦးဆောကို နေရအဆင်ပြေအောင် ဂရုတစိုက်ပြုပေးရှာ၏။
ထို့နောက် ခန့်ထားလည်း ဦးဆောဘေးရှိ သစ်သားခုံပေါ်သို့ထိုင်လိုက်ပြီး_
"ဦးဆော ဆေးရုံတက်ရတည်းက လာကြည့်မယ်လာကြည့်မယ်နဲ့ အလုပ်ကိစ္စတစ်ဖက်နဲ့ဆိုတော့ မလာဖြစ်တာပါ "
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...
