Unicode
ဒီနေ့မှာတော့ မိုးရဲ့ပထမဆုံးအကြိမ်ရွာကျောင်းမှာတာဝန်ဆင်းရမည့်အချိန်မို့ စိတ်လူပ်ရှားနေခဲ့သည်။
ကျောင်းနဲ့မိုးတို့ရှိရာအဆောင်က အနည်းငယ်ကွာဝေးတာမို့ ကျောင်းချိန်မှီရန် မိုးတို့အစောကြီးထပြီးကြိုတင်ပြင်ဆင်ထားရသည်။
"ဆရာမိုး သွားကြတော့မလား "
"ဟုတ် သွားကြမယ်လေ ဆရာမတို့ "
ကိုးနာရီမှ ကျောင်းတက်ချိန်ဆိုပေမဲ့ မိုးတို့ဆရာအဖွဲ့သည် မနက်ခုနှစ်နာရီခွဲလောက်ကတည်းကကျောင်းသို့ထွက်ခွာလာပြီဖြစ်သည်။
ကျောင်းက မိုးတို့အဆောင်နှင့်မထိပင်ရွာကြားမှာရှိတာကြောင့် လမ်းတစ်ဝက်သို့ရောက်လျှင် မိုးတို့လိုကျောင်းသို့စောစောလာသည့် ကျောင်းသားကျောင်းသူများနှင့်တွေ့ကြုံရသည်။
ကျောင်းသားများက မိုးတို့ကိုမြင်သည်နှင့် ခါးကိုင်းကာနူတ်ဆက်ပြီး ပြေးထွက်သွားကြကုန်၏။ရွာကလေးများ၏ရိုးသားပုံကိုမြင်ရတော့ မိုးပြုံးမိပါသည်။
"ဆရာမိုး မောနေပြီလား "
"မမောပါဘူးဗျာ "
"ကျောင်းက ဝေးနေတော့ ခက်သားနော်၊ဒီရွာမှာဆိုင်ကယ်တွေဘာတွေကလည်း မရှိတော့ ပိုခက်ခဲရတယ် "
"အင်း ဒါပေမဲ့ ကျွန်တော်ကတော့ကြိုက်တယ် မနက်ခင်းစောစောလေ့ကျင့်ခန်းလုပ်ပြီးသလိုဖြစ်သွားတယ်လေ "
"ဆရာမိုးက အကောင်းမြင်စိတ်ထားတတ်လိုက်တာ ကျွန်မတို့ဆို ဆရာမိုးလိုတောင်မတွေးမိဘူး "
ဆရာမတို့၏ချီးကျူးစကားအပေါ် မိုးပြုံးရင်းသာတုံ့ပြန်ခဲ့ပါတော့သည်။
ကျောင်းရောက်တော့ ကျောင်းရှေ့မှာကြိုစောင့်နေသည့် ဆရာမုန်းမာန်အားတွေ့ခဲ့ရ၏။ဆရာမုန်းမာန်က ကျောင်းမှာလုပ်စရာရှိသည်ဆိုလို့ မိုးတို့ထပ်စော၍ထွက်လာခဲ့ခြင်းဖြစ်တာကြောင့် ကြိုတင်ရောက်နှင့်နေခြင်းဖြစ်လေသည်။
"မင်္ဂလာပါ ဆရာမုန်းမာန် "
"မင်္ဂလာပါ ဆရာမိုး "
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...
