Unicode
နှာခေါင်းထဲသို့လှိုင်ဝင်လာသော ပိုးသတ်ဆေးနံ့အပြင် လှည်းတွန်းသံ၊ငိုကြွေးသံနှင့် စက်သံများစသည့်ဆူညံသံများကြောင့် အသိစိတ်ပြန်ဝင်လာခဲ့သည်။
ဓာတ်လှေကားမီးပျက်သွားသည့်အချိန်မှစ ဘာဆိုဘာမှမမှတ်မိတော့သော အက္ခတစ်ယောက် ဘယ်လိုဖြစ်ပြီး ဆေးရုံကုတင်ပေါ်ရောက်နေမှန်းလည်းမသိပါ။
"နိုးလာပြီဘဲ "
ကုတင်ပေါ်မှာဘဲ ထိုင်ရင်းသားဖြင့် ဖြစ်ပျက်ခဲ့သည့်ကိစ္စများကိုပြန်လည် စဥ်းစားနေချိန်တွင် အနားသို့ရောက်လာသော သူနာပြုတစ်ယောက်က သွေးခုန်နူန်းတိုင်းရင်း စကားဆိုခဲ့၏။
"အလုံပိတ်ကြောက်တဲ့ရောဂါရှိတာလား "
သူနာပြု၏အမေးအပေါ် အက္ခမျက်ခုံးပင့်မိပေမဲ့ ဘာမှတော့ပြန်မဖြေခဲ့။အခုချိန်ကအက္ခအတွက် စကားပြောဖို့ခက်ခဲနေသေးသည်။
"ပုံမှန်မဟုတ်တဲ့အသက်ရူနူန်းကြောင့် နှလုံးက ရှော့ရပြီးခဏရပ်သွားတာ၊တော်ပါသေးတယ် ဒီကလူနာနဲ့အတူရှိနေတဲ့ကောင်လေးကအရေးပေါ်ကယ်ဆယ်နည်းနဲ့ ကူညီပေလို့သာပေါ့...မဟုတ်ရင်တော့ လူနာရဲ့အဖြစ်ကမတွေးရဲစရာဘဲ "
သူနာပြုပြောပြမှ အက္ခမသိလိုက်ချိန်တွင် ဘာဖြစ်ခဲ့သည်ကို အကြမ်းဖျင်းတော့သိလိုက်ရသည်။
ဓာတ်လှေကားထဲတွင် သူနှင့်အကောင်သေးနှစ်ယောက်တည်းသာရှိနေခဲ့ခြင်းဖြစ်တာကြောင့် သူ့ကိုကူညီသည့်သူကအခြားသူမဖြစ်နိုင် သေချာပေါက်အကောင်သေးသာလျှင်ဖြစ်ပေလိမ့်မည်။
ထိုအကောင်သေးတစ်ယောက် အက္ခရဲ့အသက်ကိုကယ်ခဲ့တာမယုံနိုင်ဖြစ်နေမိ၏။
အက္ခသူ့ကို သေလောက်အောင်သတ်ဖို့ထိရည်ရွယ်ထားမှန်းသိရဲ့သားနဲ့ ကိုယ့်ကို သတ်မဲ့လူတစ်ယောက်ကိုကူညီပေးတာ တော်တော်မိုက်ရူးရဲဆန်တဲ့သူဘဲ။
"သူ "
အက္ခ တစ်လုံးသာဆိုလိုက်ပေမဲ့ သူနာပြုကတော်တော်အကင်းပါးသည်။အက္ခဘယ့်သူ့ကိုဆိုလိုနေမှန်းတန်းသိကာ_
"ဓာတ်လှေကားရရချင်းဘဲ ပြန်သွားပါတယ် "
အက္ခဘာမှဆက်မမေးတော့ပါ။သူနာပြုလည်း အက္ခကိုစစ်ဆေးပြီး ထွက်သွားခဲ့သည်။
YOU ARE READING
Change For You( သူ့အတွက်သာလျှင်~သူ႕အတြက္သာလွ်င္)
Romanceလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...
