Change For You( သူ့အတွက်သာလျှင်~သူ႕အတြက္သာလွ်င္)

12

Unicode

ဒီနေ့တော့ ကလပ်ကိုပုံမှန်ရောက်​နေကြအချိန်ထပ် နည်းနည်းနောက်ကျပြီးမှရောက်ခဲ့သည်။ကြားမှာ စောက်ပြဿနာတွေကိုရှင်းနေရတာနဲ့ အချိန်နောက်ကျသွားရခြင်းဖြစ်၏။

ပုံမှန်ဆိုလျှင် ကလပ်ကို ပါတနာနှင့်တူတူရောက်လာနေကြဆိုပေမဲ့ ဒီနေ့ပါတနာက ဟိုကော်ဖီဆိုင်ကပြဿနာကြောင့် မောင်းထုတ်လိုက်လေပြီဖြစ်သည်။

ဒါပေမဲ့လည်း ပြဿနာမရှိပါဘူး။အက္ခတို့က ပါတနာမပါလာလည်း ကလပ်ရောက်ရင် အက္ခရဲ့ပါတနာဖြစ်ချင်ကြတဲ့သူတွေက အဆင်သင့်ရှိနေကြတာဘဲလေ။

ပြောရင်းနှင့်ပင် အက္ခဆိုင်ကယ်ရပ်လိုက်ပြီဆိုသည်နှင့် အက္ခဘေးမှာဝိုင်းလာသည့် မိန်းကလေးများ။အက္ခကတော့ အဆင်သင့် ဘယ်တစ်ဖွဲ့ညာတစ်ဖွဲတွဲလိုက်ရုံပင်။

"နေပါအုံး...မင်းတို့ဆံပင်တွေက...."

မိန်းကလေးတစ်ယောက်နှင့်ဖြစ်သလိုမတွဲတတ်သော အက္ခအတွက် မိန်းကလေးတစ်ယောက်သူ့နားချဥ်းကပ်လာပြီဆိုလျှင် သူ့ကိုယ်ပိုင်စည်းကမ်းချက်များအတိုင်း စတင်အကဲခတ်သည်။

အက္ခ မိန်းကလေးရွေးသည့် စည်းကမ်းများကတော့ ရိုးရှင်းပါသည်။သူရွေးမည့်မိန်းကလေးတစ်ဦးသည် ဆံပင်အနက်ရောင်ဖြစ်ပြီး ခါးလယ်ထိရှည်ရမည်။ဘော်ဒီလှလှsexyကျရမည့်သူဖြစ်ရမည် နောက်ဆုံးတစ်ချက်အနေနှင့် သူတို့၏ရနံ့သည် ပန်းလိုမျိုးနူးညံ့နေရမည်။

ဒီလိုဘာလို့သတ်မှတ်လဲဆိုတဲ့အမေးအပေါ် အက္ခရဲ့အဖြေကတော့ရိုးရှင်းပါသည်။

လူတစ်ယောက်၏ရုပ်ကိုမမှတ်ထားတတ်သော အက္ခအတွက် လှပသည့်ရုပ်ရည်များက အလကားသာသာ သာဖြစ်သည်။အက္ခလိုချင်တာက သူမျက်လုံးထဲမှာ ကြည့်လို့လှမဲ့ခန္ဓာကိုယ်တစ်ခု၊မျက်စိအေးစေမဲ့ အနက်ရောင်ဆံနွယ် ဒါ့အပြင်သူ့စိတ်ကိုသက်သာစေမဲ့ ရနံ့လေး တစ်ခု။ဒါတွေဘဲ အက္ခလိုအပ်တာကြောင့် ထိုစံနူန်းနှင့်ကိုက်ညီသည့် မိန်းကလေးများနှင့်သာတွဲသည်။

ဒါပေမဲ့ ဒီနေ့မှာတော့ အက္ခဆီမိန်းကလေးတော်တော်များများ အဆင်သင့်ရောက်လာပေမဲ့ အက္ခလိုချင်သည့်ပုံစံမရနေပေ။အကုန်လုံးနီးပါး၏ဆံပင်များသည် ဆေးဆိုးပန်းရိုက်ထားကြပြီး အနက်ရောင်ရှိသည့်သူများကလည်း ဆံပင်ကခါးလယ်ထိရှိမနေခဲ့ပါ။