عشقني ليل الصعيد

الحلقه ال٧ ج١

الحلقه ال٧
لحد ما لقت رساله من عمر بتقول: عملتي اي حصل ما بينكو حاجه
سلمى: لاء محصلش حاجه ومش هينفع تكلمني تاني عشان ميشكش فيا
بعتلها وقال: اي ده يعني اي
سلمى: مش عاوزه مشاكل ومش هنتكلم لحد ما انا وهو نطلق
عمر: تمام
قفلت معاه ومسحت الشات اللي مابينهم وعملت بلوك لرقمه
قعدت وهي حسه بضيق قلبها بيقولها ده عمر حبيبك... وعقلها بيقولها انها بتخون جوزها
سلمى في نفسها: ما هو بيحب واحده تانيه وزمانه بيكلمها دلوقتي بس حاسه اني خاينه... فضلت سرحانه وتفكر لحد ما نزلت ليليان...
ليليان: اي ده العروسه قاعده هنا ليه وسايبه ليل لوحده
سلمى مفيش رد
ليليان: سلمى الو سلمى.....
انتبهت ليها وقالت: اي يا ليلو يا حبيبتي في حاجه قولتي حاجه
ليليان: في حاجه اي ومالك اتخضيتي كده ليه
سلمى: مفيش هو نتي هنا بقالك اد ايه كده
ليليان بمرح: يوووه من فترة طويله بس شكل الجميله سرحانه
سلمى: اه شكلي كده
ليليان: مالك قاعده لوحدك لي وسايبه ليل لوحده لي مش المفروض عرسان وتبقو مع بعض وكدا وغمزتلها
سلمى بكسوف: بس يا قليله الادب وبعدين نتي لسه صغيرة عالكلام ده
ليليان بقمص: صغيرة اي نا عندي 20سنه ونتي 24سنه يعني مش صغيرة اوي يعني
ضحكت وقالت: تمام بس عيب بردو
ليليان: ماشي
ليليان: نتي كويسه
سلمى: اه نا هطلع عشان عاوزه انام
ليليان: تمام ماشي
طلعت سلمى وملقتش ليل فالاوضه دورت عليه وطلعت برا الاوضه قبلتها ليليان
ليليان:في اي يا بنتي
سلمى: هو ليل فين مش موجود جوه
ليليان؛ تتلاقيه في الاسطبل بتاعه قاعد
سلمى: طيب تمام.. دخلت وقعدت تعيط لحد ما اتصلت بسندس
ضحى بخوف: سلمى حبيبتي نتي كويسه حصل اي نتي كويسه عملك حاجه
سلمى بعياط: محصلش حاجه بس انا مخنوقه شويه وعاوز اتكلم معاكي
ضحى: طب مخنوقه لي احكيلي يحبيبتي
سلمى حكت ليها كل حاجه مضيقاها
ضحى: طب نتي زعلانه من عمر عشان مش معاكي وكان نفسك يبقى مكان ليل ولا نتي زعلانه ان ليل بيحب واحده تانيه
سلمى: مش عارفه زعلانه على اي
ضحى: طب اهدي هي مامتك في اسكندريه مش كده
سلمى: اه سافرت مع اخويا بعد الفرح على طول
ضحى: طب اهدي يحبيبتي متخافيش
سلمى: انا حاسه اني خاينه لما كلمت عمر يا سندس انا بجد خايفه
ضحى: هو نتي كده خاينه فعلا وصح اللي عملتيه
سلمى: طب بقولك ينفع تيجي تقعدي معايا شويه
ضحى وهي بتفتكر زين قالت: لاء مش هينفع
سلمى: عشان خاطري يا ضحى عشان خاطري نا عوزاكي جمبي سندس في شغلها ومصدقت الشغلانه دي ولسه مبتدأه فيها مش هقدر اقولها تيجي عشان مش عاوزه ادمر ليها شغلها
ضحى: خلاص حاضر هقول لماما الاول وبعدين هتلاقيني عندك
سلمى: تمام ماشي
قفلت معاها وقعدت تعيط لحد ما نامت..
*عند ضحى*
قعدت ضحى زعلانه على صحبتها وكانت زعلانه عليها لحد ما جالها رساله من فونها وكانت من زين بس هي متعرفش
زين: اهلا يا عسل مساء الخير على عيونك يقمر
ضحى في نفسها والله لاطلع قرف اليوم كله عليك
وكتبت: مساء التوم على غراب الشوم يا مساء الهباب على عيونك الهباب
زين: اي ده اي كل ده
زين: حبيبك يا قمر.
ضحى: حبيبي مين حبك برص
زين: نتي لسانك طويل علطول كده
ضحى: اه يخويا
زين: طب نتعرف يقمر
ضحى: نت واحد سافل وقليل الادب ومش متربي ومعندكش دم اي معندكمش اخوات بنات سلخوك ورموك يا ابره مرميه في كوم قش مرميه
زين: اييييييي بلاعه واتفتحت
عملت ضحى بلوك وقعدت تشتم فيه
ضحى: معرفتش مين ده بردو اخخخخ منه
ضحى: اه صح سلمى
ضحى بصوت عالي: اماااا ماما ست الكل يماااااا
فيفي: اي يا بت بطني
ضحى: عاوزه اروح لسلمى
فيفي: يا بت خلي عندك دم البت لسه متجوزه وعروسه هتروحي فين
ضحى: مليش دعوه عاوزه اروح اقعد معاها وخلاص ومش مهم جوزها
فيفي: وده ازاي بقى
ضحى: هو كده انا عاوزه اروح
فيفي: طب اصبري اسبوع او اتنين البت لسه متجوزه
ضحى: بلا اسبوع بلا اتنين انا عاوزه سلمى انا مش متعوده وهي بعيد عني لاء واي مع جوزها واتجوزت تؤتؤ
فيفي: ما نتي لو سمعتي كلامي وفرحتي قلبي زي اخوتك كده مكنش زمانك قعده معايا
ضحى: في اي يا ماما ده اسلوب طرد بس بالزوق
فيفي وهي بتخلع الشبشب: نا قليله الزوق يا بت بطني الحق عليا انا اللي معرفتش اربي وموقفتكيش عن حدك وخليتك قريبه من البت دي وهي اللي بوظتك
ضحى بغضب: متقوليش عليها كده
مريم اخت ضحى وهي شايله بنتها على اديها: اي يا ضحى وطي صوتك ونتي بتكلمي مامتك وبعدين مامتك عندها حق عاوزه تفرح بيكي وقبل ما تعنسي وتشوف عيالك زي انا مثلا اتجوزت وخلفت
ضحى كملت: واديكي بتتمسي بعلقه وتتصبحي بعلقه وبتيجي غضبانه كل اسبوع كل ده عشان اي عشان فلوس الجواز بيهين وبيذل وبيوجع ونا مليش فالكلام ده
فيفي: طبعا ده رأيها
مريم: مكنش واحد اتخذلتي منه يعني هو اتجوز وخلف وعايش حياته
ضحى والدموع في عنيها: مين قال كده نا رافضه الجواز لاني ملقتش الراجل المناسب لسه والجواز ده قسمه ونصيب وبعدين اي اعنس ديه مين حط سن معين للجواز هاه..... وسابتهم ودخلت اوضتها
**عند زين في الشغل**
زين وهو قاعد ومتوقعش منها ان هي ترد عليه كده زين: يلهوي عليها بت اي ده
شكري العسكري: نت مروح يا زين بيه
زين: اه يا شكري
شكري: تمام يا باشا
زين: في حاجه ولا ايه
شكري: اه المعلومات عن الانسه اللي اسمها ضحى في الورق ده
زين ببسمه: امم تمام وساكت من الصبح
*****************
عند ليل..
كان بيحرك ايده على راس الحصان بتاعه
ليل: الا قولي يا برق هو انا بزعل ليه لما بتعصب عليها... بص للحصان وقال: متبصليش كدا انا مش بحبها على فكره.. هي من ساعت ما جت وانا حالي اتقلب بس انا مش خاين انا بحب غيرها اه بس مش عارف ليه مش عاوز اخونها ولا اكلم كنزي...اتنهد وو ركب على الحصان وبدأ يتحرك بيه بأقصى سرعه..
بعد ساعات...
الساعه٢ رجع ليل الحصان مكانه وقفل الاسطبل وطلع اوضته لقاها نايمه بصلها شويه وراح غير هدومه وراح عالكنبه نام عليها
بعد اسبوع الاحداث زي ما هي علاقه سلمى وليل بارده وزين اللي بيفكر في ضحى وبيحاول يكلمها ومش عارف كنزي اللي بتحاول تقرب من ليل زي الاول وليل متجاهلها ومش عارف السبب وحاسس انو بيخونها عمر اللي مكلمش سلمى من ساعتها
**في يوم عالسفره **
سلمى: عم سليمان
سليمان: اي يا بنتي
سلمى: احمم لو سمحت ينفع صحبتي تيجي تقعد معايا شويه اصل وحشاني اوي
سليمان: تأنس وتشرف يا بنتي
زين بلهفه: هي صحبتك دي مين
سلمى: ضحى ما انت عارفها يا زين اللي كانت يوم الفرح واقفه جمبي
زين ببسمه: طب تمام
ليل بصلها بطرف عينه وهي تجهلته
سليمان: هتيجي على امتى كدا
سلمى: هكلمها وهقول لحضرتك على طول
بعد الفطار..
كانوا قاعدين مع بعض حطت زهره الشاي
سليمان: مش عاوز اي مشاكل في الشغل بسبب اللي هببه الواد ده في الشركه وفي حجات مش تمام بتحصل
ليل: متقلقش يا بوي انا مركز وكل ده هيخلص..
سليمان: طيب تمام... يلا يا سليم على شغلك وانت يا زين على شغلك وانت يا ليل غير هدومك وتعالى على شغل انا هسبقك
ليل: تمام يا بوي
قام سليم وقال: نا هروح نا شغلي عاوزين حاجه يا جماعه اجيب حاجه ونا جاي للكل
يوسف وحازم: شيبسي وشوكلاته
ليليان: ونا كمان يا ابيه
زهرة: ونا يا سولي
سليم: عيون قلب سولي
زين: اوباا عالنحنحه
سليم: خليك في حالك
سليم:كده كله طلب هاه يا مرت خوي هتعوزي اي
سلمى بإستغراب: انا... بتسألني انا
سليم: هو في مرت اخوي غيرك قولي عاوزه اي ونا هجبهولك
سلمى بفرحه: بجد
سليم: اه قولي
سلمى: انا عاوزه....
ومكملتش كلامها لما لقت ليل قال: جوزها هيجبلها تشكر يا خوي
سليم: انا ونت اي يا خوي وبعدين دي اختي الصغيرة زي ليليان بالظبط هاه عاوزه اي
سلمى بصت ل ليل اللي بصلها بطرف عينه ابتسمت ومسكت ايده وهو بصلها وقالت: ليل هيجبلي اللي انا عوزاه مش كده
ابتسم ليل وقال: اه عاوزه اي بقى
سلمى: هو ينفع تجبلي شوكلاته
ليل: طبعاً ينفع بس كده
سلمى: اه مش عاوزه غيرها وشكرا ليك
ليل: حاضر لو عوزتي حاجه كلميني
سلمى بإستغراب من طريقته: حاضر
كان واقف سليمان وبيبص ليهم ومبتسم قربت من خديجه وقالت: ماله ليل متغير كده ليه يا راجل
سليمان: مش قولتلك دي اللي هتغيره...
خديجه بهمس: الصراحه الواد اتغير خالص انا فرحانه بالتغير ده
مشي سليمان وزين وسليم على شغلهم وليل طلع الاوضه يغير هدومه...
اتنهدت وخبطت الباب ودخلت...
كان واقف وبيلبس العمه بتاعته.. قربت منه وقالت: عاوز تاكل اي انهارده
ليل: اي حاجه عادي اللي انتو بتعملوه احنا بناكله
كانت عاوزه تشكره بس بطريقة تانيه وقالت: طب انت بتحب اي
ليل بإستغراب وحده: في اي يا سلمى..
سلمى: خلاص خلاص انا كنت عاوزه اعملك اللي بتحبه
اتنهد وقال: متتعبيش نفسك هاكل مع ابوي في الشغل انهارده
قامت وقفت قدامه وقالت: انت هتتأخر انهارده
بصلها وقال: على معادي
سلمى: طيب ماشي...كانت هتمشي مسك اديها وقال: هو احم يعني مش هتعدلي ليا العبايه..
ابتسمت فهي كانت محرجه تقرب منه وتعدلها ليه..
عدلتله جلابيته وفضلوا يبصوا لبعض في تواصل بصري طويل بينهم.. رفع ايده وطبطب عليها وقال: شكرا
ابتسمت وفالت: مفيش حاجه عادي
بعد وقت..
في المخزن...
كان قاعد ليل وقدامه اتنين مربوطين وقاعد سليمان على الكرسي وحاطط رجل على رجل وليل واقف وحاطط ايده في جيب جلابيته ببرود
اتكلم واحد وقال: يا بيه والله ما عملت حاجه
ليل: انت هتستعبط انت وهو ولا اي انتو بتضحكوا على العمده عيني عينك اكده
اتكلم الشاب التاني وقال: انا معملتش حاجه يا باشا هو اللي عمل كل حاجه
اتكلم صاحبه وفال: لاء هو اللي عمل كل ده
ليل بغضب: باااس انا مش فايق للصداع ده... طلع المسدس بتاعه ووجهه نحيتهم وقال: هاه قولولي تحبو أبدأ بمين
خافوا وليل قال: خلاص هعمل انا
الشاب: انا اللي عملت كدا يا بيه صاحبي ملوش ذنب كان هو اللي بيقولي بلااش لكن انا اللي مسمعتش كلامه...
سليمان: خلاص يا ولدي اعترف
ليل؛ وما دام اعترفت يبقى خلاص كفايه وشك اللي مفهوش حته سليمه وانك مش عارف تتحرك ومفيش شغل في الشركه تاني.. بص لرجالته وقال: فكوهم..
قام ومشي جمبه سليمان وقال: عفارم عليك يا واد تربيتي يا ليل
ليل؛ تسلم يا بوي...
سليمان: عامل اي مع مرتك
ليل: كويس
سليمان: بص يا ليل عاوز اقولك حاجه سلمى بنسبه ليا اغلى منكم كلكم
ليل: لدرجادي يا بوي
سليمان: دي بنت الغالي هو السبب في العز اللي احنا فيه ده دلوقتي هو صاحب الفكره وكان شريكي وصحبي وعشرت عمري وكان ديما بيوصيني على بناته ويحكيلي عن بناته وخصوصا سلمى انه اكتر واحده حساسه واديك شوفت من اقل حاجه بتتوتر وتتكسف ومن ابسط حاجه بتعيط
كان بيبصله وهو بيتكلم وسليمان قال: عارف يا ليل لو شوفتها في يوم ولقتها بتعيط بسببك والله ما هيكفيني اللي هعمله فيك
ضحك وقال؛ انا مش الراجل اللي يضرب مرته يا بوي
سليمان: انا عارف بس انت هتجرحها بكلامك
ليل: متقلقش مش هعمل حاجه
سليمان؛ مش ناوي تفرح قلبي بقى
ليل: خلصنا يا بوي
اتنهد بيأس وقال: طيب يا ولدي
بليل...
رجع ليل وسليمان وطلع ليل واول ما دخل لقاها وضامه رجليها عند صدرها وبتتفرج على التلفزيون واول مره تبقى مستنياه على غير العاده وشعرها ورا ضهرها
ليل في نفسه: يابووي اي القمر ده
قامت وقربت منه وقالت: حمد الله على سلامتك يا ليل...
بلع ريقه وقال: الله يسلمك... اخدت الشال والعمه وعلقتهم ورجعتله وقالت: اجبلك العشا جعان...
ليل: لاء مش جعان اكلت مع سليمان في الشغل
سلمى: طيب... بقولك جبت الشوكلاته...
ابتسم على شكلها وحب يضايقها وقال: لاء
زعلت وقالت بزعل: علفكره عادي كنت سبت سليم يجبهالي وخلاص بقى بس عادي يعني مش مهم كنت عارفه انك مش هتجبلي حاجه اصلا.. هقوم اجيب حاجه
قامت مسك اديها وشدها ليه وقال بضحك: انتي بتتقمصي بسرعه كده ليه اهه يا ستي الشوكلاته... طلعها من جيبه وقال: اهه شوفتي ان قلبي رهيف ازاي كنت بضايقك بس بشوف رد فعلك مش اكتر
ابتسمت وقالت بفرحه: بجد يا ليل يعني انت جبتها عشاني
ليل ببسمه: اه بجد
اخدتها منه ونطت بسعاده وهو قاعد وفرحان لفرحتها..
سلمى بفرحه: حبيبي يا ليل ربنا يخليك ليا
ليل بصدمه:............
يتبع....